गलातियो 1:15 - Halbi

¹⁵ मान्तर माहापुरू चो, जोन मोचो आया चो पेट ले ची मोके ठेबालो आउर आपलो अनुग्रह ले हाग दिलो,

परमेस्वर को सच्चो वचन ख जाननू

¹⁵ पर परमेस्वर की, जेना मोरी माय को पेट म से ही मो ख ठहरायो अर अपनी किरपा से बुला लियो,

गलातियो 1:15 Iomraidhean Croise

मत्ती 11:26

हव, हे बुआ, कसनबल्लोने तुके ऐई अच्छा लागली।

लूका 10:21

हुदलीदाय हुन पवितर आत्मा ने होऊन भाती खुशी ले भरून गेलो, आउर बल्लो, “हे बुआ, सरग आउर धरतनी चो परबु, मय तुचो धन्यबाद करें से कि तुय ऐ गोठमन के गिआनिमन आउर समजदारमन ले लुकाऊन संगालीस, आउर लेकामन उपरे उजागर करलीस। हव, हे बुआ, कसनबल्लोने तुके ऐई अच्छा लागली।

प्रेरितो 13:2

जिदलदाय हुनमन उपास संगे परबु चो उपास करते रवत, तेबे पवितर आत्मा बल्लो, “मोचो काजे बरनबास आउर शाऊल के हुन काम चो काजे अलग करा जेचो काजे मय हुनमन के हाग दिले से।”

प्रेरितो 9:15

मान्तर परबु हुनचो ले बल्लो, तुय जाते जा; कसनबल्लोने हुन तो दुसर जातिमन आउर राजामन आउर इस्राएलीमन चो पुरे मोचो नाव परकट करतो काजे मोचो चुनलो बरतन आय।

रोमियो 1:1

पौलुस चो बाटले जोन ईशु मसीह चो दास आय, आउर पठालोबिता होतो काजे हाग दिया गेलो, आउर माहापुरू चो हुन नगतखबर काजे अलग करा गेलो से

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 8:28

आमी जानु से कि जोन लोग माहापुरू ले मया संगाऊ आत, हुनमन चो काजे सपाय गोठमन मिसुन भाती भलाई ची के पयदा करू आय; बल्लोने हुनीमन ची काजे जोन हुनचो इच्छा चो अनुसार हाग दिलोर आसोत।

रोमियो 8:30

फेर जोनमन के हुन पयले ले ठेबालो, हुनमन के हाग दिलो बले; आउर जोनमन के हाग दिलो, हुनमन के धरमी बले ठेबालो; आउर जोनमन के धरमी ठेबालो, हुनमन के महिमा बले दिलो से।

रोमियो 9:24

बल्लोने आमचो उपरे जोनमन के हुन ना मात्र यहूदीमन थानले, मान्तर दुसर जातिमन थानले बले हाग दिलो।

1 कुरिन्थियो 1:1

पौलुस चो बाटले जोन माहापुरू चो इच्छा ले ईशु मसीह चो पठालोबिता होतो काजे हाग दिया गेलो आउर भाई सोस्थिनेस चो बाटले,

1 कुरिन्थियो 1:21

कसनबल्लोने जिदलदाय माहापुरू चो गिआन चो अनुसार संवसार गिआन ले माहापुरू के नी जानलो, तेबे माहापुरू के ऐ अच्छा लागली कि ऐ परचार चो मुरूकता चो दुवारा बिश्वास करतो बितामन के मुक्ति देओ।

1 कुरिन्थियो 1:24

मान्तर जोन हाग दीलोर आसोत, काय यहूदी काय यूनानी, हुनमन चो लगे मसीह माहापुरू चो सामरत आउर माहापुरू चो गिआन आसे।

1 कुरिन्थियो 1:9

माहापुरू बिश्वास लायक आय, जोन तुमके आपलो बेटा आमचो परबु ईशु मसीह चो संगती ने हाग दिलो से।

1 कुरिन्थियो 15:10

मान्तर मय जोन काई बले आय, माहापुरू चो अनुग्रह ले आय। हुनचो अनुग्रह जोन मोचो उपरे होली, हुन फकाहा नी होली; मान्तर मय हुन सपाय ले बडुन भाती मसागत बले करले तेबले बले ऐ मोचो बाटले नी होली मान्तर माहापुरू चो अनुग्रह ले जोन मोचो उपरे रली।

गलातियो 1:1

पौलुस चो जोन ना मानेमन चो बाटले आउर ना माने चो बाटले, मान्तर ईशु मसीह आउर माहापुरू बुआ चो बाटले, जोन हुनके मरलो बितामन थानले जिआ लो, पठालोबिता आय।

गलातियो 1:6

मोके चकित होऊ आय कि जोन तुमके मसीह चो अनुग्रह ने हाग दिलो हुनचो ले तुमी ईतलो झटके फिरून भाती दुसर ची परकार चो नगतखबर चो बाटे लोऊँक मुरयालास।

इफिसीयो 1:5

आउर आपलो इच्छा चो नुकु इच्छा चो अनुसार आमके आपलो काजे पयले ठेबालो कि ईशु मसीह चो दुवारा आमी हुनचो हकदार बेटा होऊँ,

इफिसीयो 1:9

कसनबल्लोने हुन आपलो इच्छा चो भेद हुन नुकु इच्छा चो अनुसार आमके सांगलो, जेके हुन आपन खुद ठानुन रये

इफिसीयो 3:11

हुन जुग-जुग मनसा चो अनुसार जोन हुन आमचो परबु मसीह ईशु ने करू रये।

2 तीमुथियुस 1:9

जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।