इफिसीयो 6:5 - Halbi

⁵ हे दासमन, जोन लोग ऐ संवसार ने तुमचो मालिक आत, आपलो मन चो सीदा ले डरते आउर थरथरते, जसन मसीह चो असने ची हुनमन चो बले हुकुम माना।

परमेस्वर को सच्चो वचन ख जाननू

⁵ अरे नउकर हुन, जे इंसान या दुनिया म तुमरा मालीक या प्रभु हैं, अपनो मन या सरीर कि सिधो चाल से डरते अऊर काँपते हुए, जसो मसी की वसोईच उनको भी कहेना मानो।

इफिसीयो 6:5 Iomraidhean Croise

मत्ती 6:22

“देंह चो दीया आँईक आय: ऐईकाजे अगर तुचो आँईक छुकछुका आसे, तेबे तुचो सपाय देंह बले उजर होयदे।

मत्ती 6:24

“कोनी माने दुय मालिकमन चो सेवा नी करूक सके, कसनबल्लोने हुन गोटक ले बईर आउर दुसर ले मया संगायदे, नाहले गोटक ले मिलुन रयदे आउर दुसर के तुच्छ जाने दे। तुमी माहापुरू आउर धन दुनो चो सेवा नी करूक सकास।

मत्ती 8:9

कसनबल्लोने मय बले पराधीन मनुक आय, आउर पलटन मोचो अधिकार ने आसोत। जिदलदाय मय गोटक ले बोलु आंय, ‘जा!’ तेबे हुन जाऊ आय; आउर दुसर ले, ‘आव!’ तेबे हुन ऐऊ आय; आउर जिदलदाय आपलो दास ले बोलु आंय, ‘ऐ कर!’ तेबे हुन करू आय।”

प्रेरितो 2:46

हुनमन रोजे दिना गोटक मन होऊन भाती मंदिर ने रूंड़ा होते रवत, आउर घरे-घरे रोटी टुटाते-टुटाते हरिक आउर मन चो सोज ले भात खाते रवत,

रोमियो 9:3

कसनबल्लोने मय ऐ थाले चाहते रले कि आपलो भाईमन, चो काजे जोन देंह चो हिसाब ले मोचो कुटुममन आत, खुद ची मसीह ले शरापित आउर अलग होऊन जाते।

1 कुरिन्थियो 2:3

मय कमजोरी आउर डर चो संगे, आउर खुबे थरथरुन-थरथरुन तुमचो संगे रले;

1 कुरिन्थियो 7:22

कसनबल्लोने जोन दास चो हाल ने परबु ने हाग दिलोर आसे, हुन परबु चो छुटछाड़ा करलोर आय। असने ची जोन छुटछाड़ा चो हाल ने हाग दिलोर आसे, हुन मसीह चो दास आय।

2 कुरिन्थियो 1:12

कसनबल्लोने आमी आपलो बिबक चो ऐ गोहई थाने घमण्ड करूं से, कि जगत ने आउर खास करून तुमचो मंजी, आमचो गुन माहापुरू चो लायक असन पवितरता आउर सत संगे रये, जोन शारीरिक गिआन ले नाई मान्तर माहापुरू चो अनुग्रह चो संगे रये।

2 कुरिन्थियो 7:15

जिदलदाय हुनके तुमी सपाय चो हुकुम मानु होतोर सुरता ऐऊ आय कि कसन तुमी डरते आउर थरथरते-थरथरते हुनचो संगे भेट करलास; तेबे हुनचो मया तुमचो बाटे आउर बले बाड़ते जायसे।

इफिसीयो 5:22

हे बायलेमन, आपलो-आपलो मनुक चो असन अधीन राहा जसन परबु चो।

इफिसीयो 6:24

जोन आमचो परबु ईशु मसीह ले सत मया संगाऊ आत, हुन सपाय उपरे अनुग्रह होते रओ।

फिलिप्पियो 2:12

ऐईकाजे हे मोचो लाडरामन, जोन परकार तुमी सदा ले हुकुम मानते ईलासास, असने ची ऐबे बले ना मात्र मोचो संगे रते-रते मान्तर खास करून अदायं मोचो लापी रलो थानले बले डरते आउर थर-थरते आपलो-आपलो मुक्ति चो काम पुरा करते जाआ;

फिलेमोन 1:16

मान्तर अदायं ले दास चो असन नाई मान्तर दास ले बले बड़ीया, बल्ले भाई चो असन रओ, जोन मोचो तो खास लाडरा आय ची, मान्तर अदायं देंह ने आउर परबु ने बले, तुचो बले खास लाडरा होओ।

1 पतरस 3:2

तेबे बले तुमचो भय संगे पवितर चाल-चलन के दकुन भाती बिना बचन चो आपलो-आपलो बायले चो चाल-चलन दुवारा झिका जाओ