इफिसीयो 6:12 - Halbi

¹² कसनबल्लोने आमचो ऐ लड़ीई लऊ आउर मास ले नुआय मान्तर परधानमन ले, आउर अधिकारीमन ले, आउर ऐ संवसार चो अंधार चो हाकिममन ले आउर हुन दुष्टता चो आत्मिक पलटनमन ले आय जोन बादरी ने आसोत।

परमेस्वर को सच्चो वचन ख जाननू

¹² काहेकि हमारो यू मल्लयुध्द सरीर से या खून अर मांस से नी पर प्रधानता हुन से अर अधिकारी हुन से, अर यू दुनिया ख अन्धकार को हाकिमो से अऊर उ दुराचारी कि आत्मिक सेना से हैं जो बादल स्वर्ग म हैं।

इफिसीयो 6:12 Iomraidhean Croise

मत्ती 16:17

ईशु हुनके जबाप दिलो, “हे शिमोन, योना चो बेटा, तुय धन्य आस; कसनबल्लोने मास आउर लऊ ने नाई, मान्तर मोचो बुआ जोन सरग ने आसे, ऐ गोठ तुचो उपरे उजागर करलो से।

मरकुस 4:19

आउर जगत चो चिन्ता, आउर धन चो धोका, आउर दुसर तीजमन चो लोभ हुनमन ने भिडुन भाती बचन के चेपाऊन देऊ आय आउर हुन बिना फल चो रऊ आय।

लूका 13:24

“साकुड़ बाट ले ओलतोर कोशिश करा, कसनबल्लोने मय तुमचो ले बलें सें कि खुबे असन ओलतोर मन कर दे, आउर नी करूक सक दे।

लूका 22:53

जिदलदाय मय मंदिर ने रोजे दिना तुमचो संगे रले, तेबे तुमी मोचो उपरे हाथ नी लगालास; मान्तर ऐ तुमचो समया आय, आउर अंधार चो अधिकार आसे।”

यूहन्ना 12:31

अदायं ऐ संवसार चो नियाय होऊ आय, अदायं ऐ संवसार चो सरदार निकराऊन दिया जाये दे;

यूहन्ना 14:30

मय अदायं तुमचो संगे आउर खुबे गोठमन नी करें दें, कसनबल्लोने ऐ संवसार चो सरदार ऐये से। मोचो उपरे हुनचो काई निआय;

यूहन्ना 16:11

नियाय चो बारे ने ऐईकाजे कि संवसार चो सरदार दोषी ठेबाया गेलो से।”

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

रोमियो 8:38

कसनबल्लोने मय बिलकुल जाने से कि ना मरना, ना जीवना, ना सरगदूत, ना बड़पन, ना ऐबे, ना अगम, ना सामरत, ना डेंग,

1 कुरिन्थियो 15:50

हे भाईमन, मय ऐ बलें सें कि मास आउर लऊ माहापुरू चो राज चो अधिकारी नी होऊक सकोत, आउर नाशवान अमरता चो अधिकारी होऊक सके।

2 कुरिन्थियो 11:14

ऐ काई भक्यातो बिती गोठ नुआय कसनबल्लोने शयतान खुद बले उजर मय सरगदूत चो भेष धारन करू आय।

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

गलातियो 1:16

जिदलदाय मन होली कि मोचो थाने आपलो बेटा के परकट करो कि मय दुसर जातिमन ने हुनचो नगतखबर सुनायें दे, तेबे ना मय मास आउर लऊ ले सलाह धरले,

इफिसीयो 1:21

सपाय परकार चो बड़पन, आउर अधिकार, आउर सामरत, आउर परभुता चो, आउर हरकोनी नाव चो उपरे, जोन मात्र ऐ जुग ने मान्तर ऐतो बिती लोक ने बले धरा जायदे, बसालो;

इफिसीयो 1:3

आमचो माहापुरू आउर परबु ईशु मसीह चो बुआ चो धन्यबाद होओ कि हुन आमके मसीह ने सरग चो जगामन ने सपाय परकार चो आत्मिक आशीष दिलो से।

इफिसीयो 2:2

जोन थाने तुमी पयले ऐ संवसार चो रीति थाने, आउर बादरी चो अधिकार चो हाकिम बल्लोने हुन आत्मा चो अनुसार चलते राआस, जोन ऐबे बले हुकुम नी मानतो बितामन ने कामकरू आय।

इफिसीयो 3:10

बल्ले अदायं कलीसिया चो दुवारा, माहापुरू चो भिन-भिन परकार चो गिआन हुन परधानमन आउर अधिकारीमन उपरे जोन सरग चो जगामन ने आसोत, परकट कराय जाओ।

कुलुस्सियो 1:13

हुनी आमके अंधार चो बश ले छंड़ाऊन भाती आपलो लाड़रा बेटा चो राज ने परवेश करालो,

कुलुस्सियो 2:15

आउर हुन परधानपन आउर अधिकारमन के आपलो ऊपर ले उतराऊन भाती हुनमन चो खुलम खुला तमाशा बनालो आउर कुरूस चो लागुन हुनमन उपरे जय-जय कार चो कोलार सुनाला।

2 तीमुथियुस 2:5

फेर लड़ीई होतो जगा ने लड़तो बिता अगर नियम चो अनुसार नी लड़े तो मुकुट नी पाये।

इब्रानियो 12:1

ऐई लागुन जसन कि गोहईमन चो असन बड़े बादरी आमके गोंडरा मारली से, तेबे ईआ, हरकोनी ठेबातो बिती तीज आउर गुपातो बिती पाप के लापी करून, हुन परानी जोन थाने आमके परातोर आय धीरज ले पराऊँ,

इब्रानियो 12:4

तुमनमन पाप ले लड़ते-लड़ते हुनचो ले असन लड़ीई नी करलो कि तुमचो लऊ बोहड़ली;

1 पतरस 3:22

हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।