इफिसीयो 5:26 - Halbi

²⁶ कि हुनके बचन चो दुवारा पानी चो नाहलो ले शुद्ध करून पवितर बनाओ,

परमेस्वर को सच्चो वचन ख जाननू

²⁶ कि उन ख वचन को दुवारा पानी को सपड़नो से सुध्द कर ख सुध्द बनाय,

इफिसीयो 5:26 Iomraidhean Croise

यूहन्ना 13:10

ईशु हुनचो ले बल्लो, “जोन नहाऊन चुकलो से हुनचो पाँय के छांडुन आउर काई धोहतोर जरूरत निआय, मान्तर हुन बिलकुल शुद्ध आसे; आउर तुमी शुद्ध आसास, मान्तर सपाय चो सपाय नाई।”

यूहन्ना 15:3

तुमी तो हुन बचन चो कारन जोन मय तुमचो ले बल्ले से, शुद्ध आहास।

यूहन्ना 15:8

मोचो बुआ चो महिमा ऐचीई ले होऊ आय कि तुमी खुबे असन फल आना, तेबे ची तुमी मोचो चेला ठेबा से।

यूहन्ना 17:7

अदायं हुनमन जानला सोत कि जोन काई बले तुय मोके दिली सीस हुन सपाय तुचो बाटले आय;

यूहन्ना 3:5

ईशु जबाप दिलो, “मय तुचो ले सते-सते बलें सें, जिदलदाय ले कोनी माने पानी आउर आत्मा ले नी जनमे तेबे हुन माहापुरू चो राज ने ओलुक नी सके।

प्रेरितो 22:16

अदायं केंव बेर कर सीस? उठ, डूबन धर, आउर हुनचो नाव धरून भाती आपलो पापमन के धोई हो।

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

रोमियो 10:8

मान्तर हुन काय बले से? ऐ कि “बचन तुचो लगे आसे, तुचो मुंह ने आउर तुचो मन ने आसे,” ऐ हुनी बिश्वास चो बचन आय, जोन आमी परचार करू आंव,

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

2 कुरिन्थियो 11:2

कसनबल्लोने मय तुमचो बारे ने माहापुरू चो धुन लगाऊन रऊ आंय, ऐईकाजे कि मय गोटक ची माने ले तुमचो गोठ लगाले से कि तुमके पवितर कुंआरी चो असन मसीह के सोपुन देयें दें।

इफिसीयो 6:17

आउर मुक्ति चो टोपी, आउर आत्मा चो तलवार, जोन माहापुरू चो बचन आय धरा।

कुलुस्सियो 3:16

मसीह चो बचन के आपलो मन ने जादा ले जादा बसुक दिआस, आउर सीद गिआन संगे गोटक दुसर के सिकाआ आउर जनावा, आउर आपलो-आपलो मन ने अनुग्रह चो संगे माहापुरू चो काजे भजन आउर स्तुति गीत आउर आत्मिक गीत गाहा।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

इब्रानियो 10:10

हुनी इच्छा ले आमी ईशु मसीह चो देंह चो गोटक ची हार-बलिदान चेगाया गेलोर दुवारा पवितर कराया गेलु से।

इब्रानियो 10:14

कसनबल्लोने हुन गोटक ची चेगावा चो लागुन हुनमन के जोन पवितर करा जाऊ आत, हरमेशा चो काजे सिद्ध करून दिलो से।

इब्रानियो 10:22

तेबे ईआ, आमी सत मन आउर पुरा बिश्वास चो संगे, आउर बिबक चो दोष लापी करतो काजे कारजा थाने छिड़काव धरून भाती, आउर देंह के शुद्ध पानी ले धुआऊन भाती माहापुरू चो लगे जाऊ।

इब्रानियो 10:29

तेबे बिचारा कि हुन कितलो आउर बले भारी डण्ड चो लायक ठेबे दे, जोन माहापुरू चो बेटा के पाँयमन ले लगड़ लो आउर बायदा चो लऊ के, जेचो दुवारा हुन पवितर ठेबाया जाऊ रये, अपवितर जानला सोत, आउर अनुग्रह चो आत्मा चो बेईजित करला।

इब्रानियो 13:12

ऐई लागुन, ईशु बले लोगमन के आपलो ची लऊ चो दुवारा पवितर करतो काजे कपाट चो बहारे दुख उठालो।

इब्रानियो 4:12

कसनबल्लोने माहापुरू चो बचन जीव, आउर परबल, आउर हरकोनी दुयधारी तलवार ले बले खुबे तेज आय; आउर परान आउर आत्मा के, आउर गट-गट आउर गुदा-गुदा के अलग करून ऐ पाट-हुनपाट भेदु आय आउर मन चो खियाल मन के आउर बिचारमन के जांचु आय।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

याकूब 1:18

हुन आपलो ची इच्छा ले आमके सत चो बचन चो दुवारा उपजास करलो, बल्ले आमी हुनचो बनालो बिती तीजमन थानले गोटक परकार चो पईल फर होऊ।

1 पतरस 1:2

आउर माहापुरू बुआ चो अगम गिआन चो अनुसार, आत्मा चो पवितर करलोर दुवारा हुकुम मानतोर आउर ईशु मसीह चो लऊ के छिंछतो काजे चुना गेलासे। तुमके अनुग्रह आउर शान्ति खुबे ले खुबे मिरते रओ।

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।

2 पतरस 1:9

कसनबल्लोने जेचो थाने ऐ गोठमन निआय, हुन आन्दा आय आउर झांवर दकु आय, आउर आपलो पयले चो पापमन ले धोऊन भाती शुद्ध होतो के भुलकुन बसलो से।

1यूहन्ना 5:6

ऐई आय हुन जोन पानी आउर लऊ चो दुवारा ऐऊ रलो, बल्लोने ईशु मसीह हुन ना मात्र पानी चो दुवारा मान्तर पानी आउर लऊ दुनो चो दुवारा ऐऊ रलो। आउर ये आत्मा आय जोन गोहई देये से, कसनबल्लोने आत्मा सत आय।

यहूदा 1:1

यहूदा चो बाटले जोन ईशु मसीह चो दास आउर याकूब चो भाई आय, हुन हाग दिलो बितामन चो नाव जोन माहापुरू बुआ ने लाडरा आउर ईशु मसीह चो काजे अच्छा आसे।