इफिसीयो 5:2 - Halbi

² आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

परमेस्वर को सच्चो वचन ख जाननू

² अऊर प्रेम म चलो जसो मसी न भी तुम से प्रेम करो, अऊर हमरो लाने अपनो तुम ख सुखदेन वालो सुगन्ध को लाने परमेस्वर को सामने भेंट कर ख बलिदान कर दियो।

इफिसीयो 5:2 Iomraidhean Croise

मत्ती 20:28

जसन कि माने चो बेटा; हुन ऐईकाजे नी ईलो कि हुनचो सेवा शासन करा जाओ, मान्तर ऐईकाजे ईलो कि खुद सेवा शासन करो, आउर खुबे लोगमन के छंड़ातो काजे आपलो जीव देओ।”

यूहन्ना 13:34

मय तुमके गोटक नवा हुकुम देंयें से कि गोटक दुसर ले मया संगाहा; जसन मय तुमचो ले मया संगाले से, असने ची तुमी बले गोटक दुसर ले मया संगाहा।

यूहन्ना 6:51

जीवन चो रोटी जोन सरग ले उतरली, मय आय। अगर कोनी ऐ रोटी थानले खाओत, तेबे हरमेशा जीव रदे; आउर जोन रोटी मय जगत चो जीव काजे देयें दें, हुन मोचो मास आय।”

रोमियो 15:16

कि मय दुसर जातिमन चो काजे मसीह ईशु चो सेवक होऊन भाती माहापुरू चो नगतखबर चो सेवक याजक चो समान करे, जेचो ले दुसर जातिमन चो माना चेगाया जातोर, पवितर आत्मा ले पवितर बनुन भाती गरहन कराय जाओ।

रोमियो 4:25

हुन आमचो अपराधमन काजे धराय गेलो, आउर आमचो धरमी ठेबतो काजे जिआय बले गेलो।

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

रोमियो 8:37

मान्तर ऐ सपाय गोठमन ने आमी हुनचो बाटले जोन आमचो ले मया करलो से, जितरो बिता ले बले बडुन भाती आंव।

1 कुरिन्थियो 16:14

जोन काई करू आस मया ले करा।

1 कुरिन्थियो 5:7

जुना खमीर निकराऊन भाती आपन खुद के शुद्ध करा कि नवा चटकलो बिती आंटा बनुन जाहा; बल्ले तुमी अखमीरी हुआ। कसनबल्लोने आमचो बले फसह, जोन मसीह आय, बलिदान होलो से।

2 कुरिन्थियो 2:14

मान्तर माहापुरू चो धन्यबाद होओ जोन मसीह ने सदा आमके जय चो हरिक ने धरून फिरू आय, आउर आपलो गिआन चो बास आमचो बाटले हर जगा फयलाऊ आय।

2 कुरिन्थियो 2:15

कसनबल्लोने आमी माहापुरू चो लगे मुक्ति पावतो बितामन आउर नाश होतो बितामन दुनो चो काजे मसीह चो बास आंव।

2 कुरिन्थियो 8:9

तुमी आमचो परबु ईशु मसीह चो अनुग्रह जानसास कि हुन सवकार होऊन भाती बले तुमचो काजे कंगाल बनुन गेलो, बल्ले हुनचो कंगाल होऊन जातो ले तुमी सवकार होऊन जाआ।

गलातियो 1:4

हुन आपन खुद के आमचो पापमन चो काजे देउन दिलो, बल्ले आमचो माहापुरू आउर बुआ चो इच्छा चो अनुसार आमके ऐई समया खराप संवसार ले छंड़ाओ।

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

इफिसीयो 1:4

जसन हुन आमके जगत चो उपजास ले पयले हुन थाने चुनलो कि आमी हुनचो लगे मया ने पवितर आउर बेकसूर होऊँ।

इफिसीयो 3:17

आउर बिश्वास चो दुवारा मसीह तुमचो मन ने बसो कि तुमी मया ने जड़ धरून भाती आउर पाया खोडुन भाती,

इफिसीयो 3:19

आउर मसीह चो हुन मया के जानुक सका जोन गिआन ले लापी आसे कि तुमी माहापुरू चो सपाय भरपूर ले समपूरन होऊन जाहा।

इफिसीयो 4:15

मान्तर मया ने सत ले चलते-चलते सपाय गोठमन ने हुनमन थाने जोन मुण्ड आय, बल्लोने मसीह ने बड़ते जाओत,

इफिसीयो 4:2

बल्लोने पूईतराय दिनता आउर नम्रता संगे, आउर धीरज धरून भाती मया ले गोटक दुसर चो सहा;

इफिसीयो 5:15

ऐईकाजे धिआन ले दका, कि कसन चाल चलेसास; बेअकलमन चो असन नाई मान्तर अकल बितामन चो असन चला।

इफिसीयो 5:25

हे मनुकमन, आपलो-आपलो बायले ले मया संगाहा जसन मसीह बले कलीसिया ले मया करून आपन खुद के हुनचो काजे देउन दिलो।

फिलिप्पियो 4:18

मचो लगे सपाय काई आसे, मान्तर खुबे ले खुबे बले आसे; जोन तीजमन तुमी इपफ्रुदीतुस चो हाथ ले पटाऊन रलास हुनमन के पाऊन भाती मय संतुष्ट होऊन गेले से, हुन तो सुख देतो बिती बास, धरतो लायक बलिदान आय, जोन माहापुरू के भाऊ आय।

कुलुस्सियो 3:14

ऐ सपाय चो उपरे मया के जोन सिद्ध चो बांदन आय बान्दा।

1 थिस्सलुनीकियो 4:9

मान्तर भाईचारा चो मया चो बारे ने ऐ जरूरी नुआय कि मय तुमचो लगे काई लिकेन्दे, कसनबल्लोने आपस ने मया संगातोर तुमनमन खुदे ची माहापुरू ले सिकलासास;

1तीमुथियुस 2:6

जोन आपन खुद के सपाय चो छुटकारा चो दाम ने देऊन दिलो, आउर हुनचो गोहई ठीक समया थाने दियाय गेली।

1तीमुथियुस 4:12

कोनी तुचो जुआनी के तुच्छ नी समजुक पाओत; मान्तर बचन, आउर चाल चलन, आउर मया, आउर बिश्वास, आउर पवितरता ने बिश्वासीमन चो काजे नमूना बनुन जा।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

इब्रानियो 8:3

कसनबल्लोने हरकोनी माहायाजक भेट आउर बलिदान चेगातो काजे ठेबाया जाऊ आय, ऐई कारन जरूर आय कि ऐ याजक चो लगे बले काई चेगातो काजे होओ।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

इब्रानियो 9:23

ऐईकाजे जरूर आय कि सरग थानो तीजमन चो परतिरूप ऐ बलिदानमन चो दुवारा शुद्ध करा जाओ, मान्तर सरग थानो तीजमन खुदे ऐ मन ले बड़ीया बलिदानमन चो दुवारा शुद्ध करा जाति।

इब्रानियो 9:26

नाहले जगत चो उपजास ले धरून भाती हुनके घन-घन दुक उठाऊक पढ़ती; मान्तर ऐबे जुग चो आखरी ने हुन गोटक ची हार परकट होलो से, बल्ले आपलो ची बलिदान चो दुवारा पाप के लापी करून देओ।

1 पतरस 4:8

सपाय ले बड़ीया गोठ ऐ आय कि गोटक दुसर ले खुबे मया संगाहा, कसनबल्लोने मया कईं पापमन के ढ़ापुन देऊ आय।

1यूहन्ना 3:16

आमी तो मया ऐचीई ले जानलु कि हुन आमचो काजे आपलो जीव दिलो; आउर आमके बले भाईमन चो काजे परान देतोर आसे।

1यूहन्ना 3:23

हुनचो हुकुम ऐ आय कि आमी हुनचो बेटा ईशु मसीह चो नाव थाने बिश्वास करूं, आउर जसन हुन आमके हुकुम दिलो से हुनचेई अनुसार आपस ने मया संगाहा।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,

प्रकाशितवाक्य 5:9

हुनमन ऐ नवा गीत गाऊक मुरयाला, “तुय ऐ किताब के धरतोर, आउर ऐचो सीलमन खोलतोर लायक आस; कसनबल्लोने तुय पुजाय होऊन भाती आपलो लऊ ले हरकोनी कुल आउर भाषा आउर लोग आउर जाति थानले माहापुरू चो काजे लोगमन के घेनली सीस,