इफिसीयो 5:11 - Halbi

¹¹ अंधार चो ओफल काममन ने शामिल नी हुआ, मान्तर हुनमन उपरे सिक्या दिआस।

परमेस्वर को सच्चो वचन ख जाननू

¹¹ अंधेरो को बुरो काम हुन म सहभागी मत होनू, लेकिन उन कि बुराई उन ख बताओ।

इफिसीयो 5:11 Iomraidhean Croise

मत्ती 18:15

“अगर तुचो भाई तुचो बिरूद अपराध करो, तेबे जा आउर ऐकला ने गोठ बात करून हुनके समजाव; अगर हुन तुचो सुने दे तेबे तुय आपलो भाई के मिरालिस।

लूका 3:19

मान्तर जिदलदाय हुन चवथाई देश चो राजा हेरोदेस के हुनचो भाई फिलिपुस चो बायले हेरोदियासनी चो बारे ने आउर सपाय कुकरम चो बारे ने जोन हुन करू रये, जनालो,

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

रोमियो 13:12

रात खुबे बितुन गेली से, आउर दिन निकरतो थाने आसे; ऐईकाजे आमी अंधार चो काममन के छांडुन भाती उजर चो हत्यार बान्दु।

रोमियो 16:17

अदायं हे भाईमन, मय तुमचो ले बिनती करे से, कि जोन लोग हुन सिक्या चो उलटा, जोन तुमी पावलासास, फुट डालतोर आउर ठोकरना खुआतोर कारन होऊ आत, हुनमन के टारून दिआस आउर हुनमन ले दूर राहा।

रोमियो 6:21

आउर जोन गोठमन ले अदायं तुमी लाजे होऊ आहास, हुनमन ले हुन समया तुमी काय फल पावते राआस? कसनबल्लोने हुनमन चो आखरी तो मरना आय।

गलातियो 6:8

कसनबल्लोने जोन आपलो देंह चो काजे बुनु आय, हुन देंह चो बाटले बिनाश चो कटनी काटे दे; आउर जोन आत्मा चो काजे बुनु आय, हुन आत्मा चो बाटले अमर जीवना चो कटनी काटे दे।

इफिसीयो 4:22

कि तुमी पिछला चाल-चलन चो जुना माने के जोन भरमातो बिती आशामन चो अनुसार भ्रष्ट होते जाऊ आय, उतराऊन पकाहा

इफिसीयो 5:12

कसनबल्लोने हुनमन चो गुपत काममन चो गोठ बात बले लाज चो गोठ आय।

इफिसीयो 5:7

ऐईकाजे तुमी हुनमन चो शामिल नी हुआ।

कुलुस्सियो 1:12

आउर बुआ चो धन्यबाद करते राहा, जोन आमके ऐ लाईक बनालो कि उजर ने पवितर लोगमन चो संगे हक ने मिसुन रऊ।

1 थिस्सलुनीकियो 5:7

कसनबल्लोने जोन सोऊ आत हुनमन राती ची दाय सोऊ आत, आउर जोन मतवार होऊ आत हुनमन राती के ची मातु रऊ आत।

2 थिस्सलुनीकियो 3:14

अगर कोनी आमचो ऐ चिठ्ठी चो गोठ के नी मानोत तेबे हुनचो उपरे नजर संगावा, आउर हुनचो संगती नी करा, जेचो ले हुन लाजे होओ।

2 थिस्सलुनीकियो 3:6

हे भाईमन, आमी तुमके आमचो परबु ईशु मसीह चो नाव ले हुकुम देऊँ से कि तुमी हरकोनी असन भाई ले अलग राआ जोन खराप चाल चलु आय आउर जोन सिक्या हुन आमचो ले पावलो हुनचो अनुसार नी करे।

1तीमुथियुस 5:20

पाप करतो बितामन के सपाय चो पुरे समजाऊन देस, बल्ले आउर लोग बले डरोत।

1तीमुथियुस 5:22

काचीई थाने झटके हाथ नी संगाव, आउर दुसरमन चो पापमन ने शामिल नी हो; आपन खुद के पवितर बनान संगाव।

1तीमुथियुस 6:5

आउर हुन मानेमन ने फकाहा झगड़ा-डण्ड उपजास होऊ आय जोनमन चो बुद्धि नसुन गेली से, आउर हुनमन सत ले अलग होऊन गेला से, जोन समजे सोत कि भक्ति कमाई चो बाट आय।

2 तीमुथियुस 3:5

हुनमन भक्ति चो भेष तो धर दे, मान्तर हुनचो शक्ति के नी मान दे; असनमन ले अलग राहा।

2 तीमुथियुस 4:2

कि तुय बचन चो परचार कर, समया आउर असमया तिआर रा, सपाय परकार चो सयनशक्ति आउर सिक्या चो संगे उलाहना देस आउर खिज आउर समजाव।

तीतुस 2:15

पुरा अधिकार चो संगे ऐ गोठमन बोल, आउर समजाव आउर सिकाते रा। कोनी तुके तुच्छ जानुक नी सकोत।

प्रकाशितवाक्य 18:4

फेर मय सरग ले गोटक आउर शब्द सुनले, “हे मोचो लोगमन, हुन थानले निकरून ईआ कि तुमी हुनचो पापमन ने शामिल नी हुआ, आउर हुनचो बिपत्तिमन थानले कोनी तुमचो उपरे ऐऊन नी पड़ो।