इफिसीयो 4:25 - Halbi

²⁵ ऐई लागुन झुठ बोलतोर छांडुन भाती हरकोनी आपलो पारा चो लोग ले सत बोला, कसनबल्लोने आमी आपस ने गोटक दुसर चो अंग आंव।

परमेस्वर को सच्चो वचन ख जाननू

²⁵ एको लाने झुट बोलनो छोड ख हर एक अपनो पड़ोस वालो से सही या सत्य बोले, काहेकि हम आपस म एक दुसरा का अंग आय।

इफिसीयो 4:25 Iomraidhean Croise

यूहन्ना 8:44

तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

रोमियो 12:5

असने ची आमी जोन खुबे आंसु, मसीह ने गोटक देंह होऊन भाती आपस ने गोटक दुसर चो अंग आंव।

1 कुरिन्थियो 10:17

ऐईकाजे कि गोटक ची रोटी आंव तेबे आमी बले जोन खुबे आंसु, गोटक देंह आंव कसनबल्लोने आमी सपाय हुनी गोटक रोटी ने शामिल होऊ आंव।

2 कुरिन्थियो 7:14

कसनबल्लोने अगर मय हुनचो पुरे तुमचो बारे ने काई घमण्ड दकाले, तेबे लाज नी होले, मान्तर जसन आमी तुमचो ले सपाय गोठमन सत-सत बोलुन देऊ रलु, असने ची आमचो घमण्ड दकातोर तीतुस चो पुरे बले सत निकरली।

इफिसीयो 4:15

मान्तर मया ने सत ले चलते-चलते सपाय गोठमन ने हुनमन थाने जोन मुण्ड आय, बल्लोने मसीह ने बड़ते जाओत,

इफिसीयो 4:22

कि तुमी पिछला चाल-चलन चो जुना माने के जोन भरमातो बिती आशामन चो अनुसार भ्रष्ट होते जाऊ आय, उतराऊन पकाहा

इफिसीयो 4:31

सपाय परकार चो पीता, आउर परकोप आउर रीस, आउर कोलार, आउर निन्दा, सपाय बयर भाव संगे तुमचो ले दूर कराय जाओ।

इफिसीयो 5:30

ऐईकाजे कि आमी हुनचो देंह चो धड़ आंव।

कुलुस्सियो 3:8

मान्तर अदायं तुमी बले ऐ सपाय के बल्लोने कुरूद, रीस, बईरभाव, निन्दा आउर मुंह ले झगड़ा करतोर ऐ सपाय गोठमन छांडुन दिआस।

कुलुस्सियो 3:9

गोटक दुसर ले झूठ नी बोला, कसनबल्लोने तुमी जुना माने के हुनचो काममन संगे निकरालासास

1तीमुथियुस 1:10

बेबीचारीमन, माने गामीमन, मानेमन के बिकतो बितामन, झुठ बोलतो बितामन, आउर झूठा किरिया खातो बितामन, आउर ऐ मन के छांडुन खर उपदेश चो सपाय बिरूदीमन चो काजे ठेबाए गेलीसे।

1तीमुथियुस 4:2

ऐ हुन फंदी मानेमन चो कपट चो लागुन होये दे, जेचो बिबक माना जरतो बिती लुआ ले दागा गेलीसे,

तीतुस 1:12

हुनीमन थानले गोटक लोग, जोन हुनीमन चो अगम गिआनी आय, बल्लो से, “क्रेतीलोग हरमेशा फंदी, दुष्ट पशु, आउर ठग पेटला होऊ आत।”

तीतुस 1:2

हुन अमर जीवना चो आशा थाने जेचो बायदा माहापुरू, जोन झूठ बोलुक नी सके जुग-जुग ले करलो से,

इब्रानियो 12:1

ऐई लागुन जसन कि गोहईमन चो असन बड़े बादरी आमके गोंडरा मारली से, तेबे ईआ, हरकोनी ठेबातो बिती तीज आउर गुपातो बिती पाप के लापी करून, हुन परानी जोन थाने आमके परातोर आय धीरज ले पराऊँ,

याकूब 1:21

ऐईकाजे सपाय घिन-घिना आउर बईरभाव चो बाड़ती के धुर करून, हुन बचन के नम्रता ले गरहन करा जोन कारजा ने बुना गेली आउर जोन तुमचो परानमन चो मुक्ति करूक सके।

1 पतरस 2:1

ऐईकाजे सपाय परकार चो बईरभाव आउर छंद आउर कपट आउर कुचर आउर निन्दा के दूर करून,

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”

प्रकाशितवाक्य 22:15

मान्तर कुकूरमन, आउर पंगनाहामन, आउर बेबीचारी, आउर हत्यारा आउर मुरती पुजा करू, आउर हरकोनी फंद के चाहतो बिता आउर गड़तो बिता बाहरे रये दे।