इफिसीयो 4:22 - Halbi

²² कि तुमी पिछला चाल-चलन चो जुना माने के जोन भरमातो बिती आशामन चो अनुसार भ्रष्ट होते जाऊ आय, उतराऊन पकाहा

परमेस्वर को सच्चो वचन ख जाननू

²² कि तुम पिछलो चाल चलन को पुरानी इंसानीयत ख जो बहकान वाली मन की मर्जी को हिसाब से भ्रस्ट होते जावा हैं, उतार डालनू।

इफिसीयो 4:22 Iomraidhean Croise

रोमियो 6:6

आमी जानुन से कि आमचो जुना मानेरूप हुनचो संगे कुरूस थाने चेगाया गेली बल्ले पाप चो देंह फकाहा होऊन जाओ, आउर आमी पयले ले पाप चो दास रऊँ।

रोमियो 7:11

कसनबल्लोने पाप मवका पाऊन हुकुम चो बाटले मोके बहकालो, आउर हुनचेई बाटले मोके मारून बले दिलो।

2 कुरिन्थियो 11:3

मान्तर मय डरें से कि जसन सांप आपलो चलाकी ले हव्वा के बहकालो, असने ची तुमचो मन हुन सोज आउर पवितरता ले जोन मसीह चो संगे होतोर आय, काहांय खराप नी करा जाओ।

गलातियो 1:13

यहूदीमत ने जोन पयले मचो चाल-चलन रये हुनचो बारे ने तुमी सुनुन चुकलासास कि मय माहापुरू चो कलीसिया के खुबे ची कन्दराते आउर नष्ट करते रले।

इफिसीयो 2:3

ऐ मन ने आमी बले सपाय चो सपाय पयले आपलो देंह चो लालचमन ने दिन बिताते रलु, आउर देंह आउर मन चो इच्छामन पुरा करते रलु, आउर दुसर लोगमन चो असन आदत ची ले रीस चो पिला रलु।

इफिसीयो 4:17

ऐईकाजे मय बलेंसें आउर परबु ने बिनती करें से कि जसन दुसर जाति लोग आपलो मन चो खराप रीति थाने चलु आत, तुमी अदायं ले फेर असन नी चलासे।

इफिसीयो 4:25

ऐई लागुन झुठ बोलतोर छांडुन भाती हरकोनी आपलो पारा चो लोग ले सत बोला, कसनबल्लोने आमी आपस ने गोटक दुसर चो अंग आंव।

इफिसीयो 4:31

सपाय परकार चो पीता, आउर परकोप आउर रीस, आउर कोलार, आउर निन्दा, सपाय बयर भाव संगे तुमचो ले दूर कराय जाओ।

कुलुस्सियो 2:11

हुनी थाने तुमचो असन खतना होली जोन हाथ ले नी होये, बल्लोने मसीह चो खतना जेचो ले शारीरिक देंह उतराऊन दियाय जाऊ आय,

तीतुस 3:3

कसनबल्लोने आमी बले पयले निरबुद्धि, आउर हुकुम नी मानतो बिता आउर भरम ने पडुन आउर नाना परकार चो मनमानीमन आउर सुक बिलास चो गुलामी ने रलु, आउर बईर, आउर डाह करतो ने जीवना बीताते रलु, आउर घिन-घिना रलु, आउर गोटक दुसर ले बईर संगाते रलु।

इब्रानियो 12:1

ऐई लागुन जसन कि गोहईमन चो असन बड़े बादरी आमके गोंडरा मारली से, तेबे ईआ, हरकोनी ठेबातो बिती तीज आउर गुपातो बिती पाप के लापी करून, हुन परानी जोन थाने आमके परातोर आय धीरज ले पराऊँ,

इब्रानियो 3:13

मान्तर जोन दिन ले आजी चो दिन बल्ला जाऊ आय, हरदिन गोटक दुसर के समजाते राहा, असन नी होओ कि तुमनमन ले कोनी जन पाप चो छंद ने ऐऊन भाती कठोर होऊन जाओत।

याकूब 1:21

ऐईकाजे सपाय घिन-घिना आउर बईरभाव चो बाड़ती के धुर करून, हुन बचन के नम्रता ले गरहन करा जोन कारजा ने बुना गेली आउर जोन तुमचो परानमन चो मुक्ति करूक सके।

याकूब 1:26

अगर कोनी आपन खुद के भगत समजो आउर आपलो जीब के आपलो अधीन ने नी करे मान्तर आपलो मन के धोका देओ, तो हुनचो भक्ति फकाहा आय।

1 पतरस 1:18

कसनबल्लोने तुमी जानास कि तुमचो ठग चाल-चलन जोन बुआ दादी ले चलते ऐये से, हुनचो ले तुमचो छुटकारा चाँदी-सोना आउर नाश बिती तीजमन चो दुवारा नी होली;

1 पतरस 4:3

कसनबल्लोने दुसर जातिमन चो इच्छा चो अनुसार काम करतोर, आउर लुचपन चो खराबी मनमानीमन, मतवारपन, खेला-कुद, मतवारपन, आउर घिन-घिना मुरती पुजा ने जोन थानले आमी पयले समया गवालु, हुनी खुबे होली।

2 पतरस 2:13

दुसर चो अधरम करतोर पलटा हुनीमन चो खराप होये दे। हुनमन के दिन दुय पाहार खातो-पिवतोर अच्छा लागु आय। ऐ कलंक आउर दोष आय; जिदलदाय हुनमन तुमचो संगे खाऊ पिऊ आत, तेबे आपलो बाटले पेरम भोज करून खाऊ आत पीऊ आत।

2 पतरस 2:7

आउर धरमी लूत के जोन अधरमीमन चो अशुद्ध चाल-चलन ले खुबे दुखी रये छुटकारा दिलो।