इफिसीयो 4:14 - Halbi

¹⁴ तेबे आमी पहिल ले लेका नी रऊँ जोन मानेमन चो ठग-बिदया आउर चलाक ले, हुनमन चो भरम चो फान्दामन चो आउर उपदेश चो हरकोनी लेहरा ले उदलाया आउर ऐ बाटे-हुन बाटे किन्दराया जाऊ आहास।

परमेस्वर को सच्चो वचन ख जाननू

¹⁴ एकोलाने हम आगे ख पोरिया पारी नी रहन ख जो अदमी हुन कि ठगन वाली बुध्दी अऊर चतुराई से, उनको ठग विद्या भ्रम कि युक्ति हुन को अर उपदेस को हर एक झोका से उछाला अऊर इते-उते घुमाया जावा हैं।

इफिसीयो 4:14 Iomraidhean Croise

मत्ती 11:7

जिदलदाय हुनमन हुता ले गेला, तेबे ईशु यूहन्ना चो बारे ने लोगमन के सांगुक मुरयालो, “तुमी रान ने काय दकुक जाऊ रलास? काय लेहरा ले हलतो बिती सरकंडामन के?

मत्ती 24:11

खुबे असन फंदी अगम गिआनी उठून उबा हो दे, आउर खुबेमन के भरमादे।

मत्ती 24:24

“कसनबल्लोने झूठा मसीह आउर फंदी अगम गिआनी उठून उबा हो दे, आउर बड़े चिना, आउर भयंकर काम दका दे कि अगर होऊक सको तो चुनलो बितामन के बले भरमादे।

प्रेरितो 23:21

मान्तर हुनमन चो नी मान, कसनबल्लोने हुनमन थानले चालीस चो उपरे माने हुनचो घात ने आसोत, जोनमन ऐ हट करला सोत कि जिदलदाय ले हुनमन पौलुस के मारून नी दे ओत, तेबे तक ना खादे आउर ना पिवदे। आउर अदायं हुनमन तिआर आसोत आउर तुचो बचन चो बाट दक सोत।

1 कुरिन्थियो 12:2

तुमी जानास कि जिदलदाय तुमी दुसर जाति राआस, तेबे कोंदी मुरतीमन चो पाटे जसन चलाया जाते राआस असने ची चलते राआस।

1 कुरिन्थियो 14:20

हे भाईमन, तुमी समज ने लेखा नी बना: खराबी ने तो लेका राहा, मान्तर समज ने सियान बना।

1 कुरिन्थियो 3:19

कसनबल्लोने ऐ संवसार चो गिआन माहापुरू चो लगे मुरूकता आय, जसन लिकलोर आसे, “हुन गिआनिमन के हुनमन चो चलाकी ने फासुन देऊ आय,”

2 कुरिन्थियो 2:17

कसनबल्लोने आमी हुन खुबेमन चो असन नाई जोन माहापुरू चो बचन ने मिलावट करू आत; मान्तर मन चो सत ले आउर माहापुरू चो बाटले माहापुरू के हाजिर जानुन भाती मसीह ने बोलु आंव।

2 कुरिन्थियो 4:2

मान्तर आमी लाज चो गुपत काममन के तियागुन दिलु, आउर ना चलाक ले चलु आंव आउर ना माहापुरू चो बचन ने मिलावट करू आंव; मान्तर सत के परकट करून, माहापुरू चो पुरे हरकोनी माने चो बिबक ने आपलो भलाई बसाऊ आत।

गलातियो 3:1

हे निरबुद्धि गलातिमन, कोन तुमके मोहीत करलो से? तुमचो तो माना आँईक चो पुरे ईशु मसीह कुरूस उपरे दकाया गेलो!

इफिसीयो 6:11

माहापुरू चो पूईतराय हत्यार बान्दा कि तुमी शयतान चो चालमन चो पुरे उबा रऊक सका।

1तीमुथियुस 3:6

फेर ऐ कि नवा चेला नी होओ, असन नी होओ कि घमण्ड करून शयतान चो असन डण्ड पाओ।

2 तीमुथियुस 1:15

तुय जानीस कि आसिया बितामन सपाय मोचो ले फिरून गेला से, जोन मन ने फूगिलुस आउर हिरमुगिनेस आसोत।

2 तीमुथियुस 3:13

मान्तर दुष्ट आउर गोठ ने फासतो बितामन धोका देते आउर धोका खाते नशते जादे।

2 तीमुथियुस 4:3

कसनबल्लोने असन समया ऐये दे जिदलदाय लोग खर उपदेश के नी सहुक सक दे, मान्तर कानमन चो खजरी चो लागुन आपलो इच्छामन चो अनुसार आपलो काजे खुबे असन उपदेश देऊ सकल दे,

इब्रानियो 13:9

नाना परकार चो भयंकर उपदेशमन ले नी भरमाया जाआ, कसनबल्लोने मन चो अनुग्रह ले जमखम रतोर अच्छा आय, ना कि हुन खातोर तीजमन ले जेचो ले काम संगातो बितामन के काई लाब नी होली।

याकूब 1:6

मान्तर बिश्वास ले मांगा, आउर काई संका नी करा, कसनबल्लोने संका करतो बिता समुन्द चो हरला चो समान आय जोन लेहरा ले बहुआय आउर उदलु आय।

याकूब 3:4

दका, जाहाज बले, अगर असन बड़े होऊ आय आउर अनदाधुन्द लेहरा ले चलाया जाऊ आय, तेबे बले गोटक नानी असन चाटु चो दुवारा घटवारी चो इच्छा चो अनुसार किन्दराया जाऊ आय।

2 पतरस 2:18

हुनमन फकाहा घमण्ड चो गोठमन करून-करून भाती ढीलाढाला चो काममन चो दुवारा, हुन लोगमन के देंह चो मनमानीमन ने फसाऊन धरू आत जोन भुलकलो लोगमन थानले ऐबे ची निकरे सोत।

1यूहन्ना 2:19

हुनमन निकरला सोत तो आमची थानले, मान्तर आमीमन थानचो रला नाई; कसनबल्लोने माना हुनमन आमीमन थानो होता, तेबे आमचो संगे रता; मान्तर निकरून ऐईकाजे गेला कि ऐ परकट होओ कि हुनमन सपाय आमीमन थानो नुआत।

1यूहन्ना 2:26

मय ऐ गोठमन तुमके हुनमन चो बारे ने लिकले से, जोन तुमके भरमाऊ आत;

1यूहन्ना 4:1

हे लाड़रा मन, हरकोनी आत्मा थाने बिश्वास नी करा, मान्तर आत्मामन के परका कि हुनमन माहापुरू चो बाटले आय कि नुआय; कसनबल्लोने खुबे असन फंदी अगम गिआनी जगत ने निकरून उबला सोत।

यहूदा 1:12

ऐ तुमचो मया चो सभामन ने तुमचो संगे खाते-पिवते, समुन्द ने लुकलो बिती पकना असन आत, आउर बेधड़क आपलो ची पेट भरतो बिता जगवार आत; हुनमन पानी नी रलो बादरी आत, जेके लेहरा उड़ाऊन धरून जाऊ आय; पानी गरमी चो नी फरतो रूक आत, जोन दुयहार मरला से, आउर चेर संगे उकनी होलासे;

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।