इफिसीयो 4:10 - Halbi

¹⁰ आउर जो उतरून गेलो ऐ हुनी आय जोन पूईतराय बादरी ले उपरे चेगुन बले गेलो कि सपाय काई भरपूर करो)।

परमेस्वर को सच्चो वचन ख जाननू

¹⁰ अर जे उतरियो, यू उईच आय जो आकास से भी ऊँचे पर चड़ियो, जसो उ सब कुछ पुरो कर दे।

इफिसीयो 4:10 Iomraidhean Croise

मत्ती 24:34

मय तुमचो ले सते बलें सें कि जिदलदाय ले ऐ सपाय गोठमन पुरा नी होओ, हुदलदाय ले ऐ पीढ़ी चो आखरी नी होये।

लूका 24:44

फेर हुन हुनमन ले बल्लो, “ऐ मोचो हुन गोठमन आय, जोन मय तुमचो संगे रतो दाय तुमचो ले बोलुन रले कि जरूरी आय कि जितरो गोठमन मूसा चो नियम आउर अगम गिआनीमन आउर भजनमन चो किताबमन ने मोचो बारे ने लिकलोर आसे, सपाय पुरा होओ।”

यूहन्ना 1:16

कसनबल्लोने हुनचो समपूरनता ले आमी सपाय पावलु बल्लोने अनुग्रह थाने अनुग्रह।

यूहन्ना 19:24

ऐईकाजे हुनमन आपस ने बल्ला, “आमी ऐके नी चिरू, मान्तर ऐ थाने चिठ्ठी डालु कि ऐ कोचो होये दे।” ऐ ऐईकाजे होली कि पवितर शास्त्र ने जोन बोला गेली हुन पुरा होओ, “हुनमन मोचो फटीई आपस ने बाटला आउर मोचो फटीई थाने चिठ्ठी डालला।”

यूहन्ना 19:28

ऐचो पाचे ईशु ऐ जानुन भाती कि अदायं सपाय काई पुरा होऊन गेली, ऐईकाजे कि पवितर शास्त्र ने जोन बोला गेली हुन पुरा होओ, बल्लो, “मय पिआस आंसे।”

यूहन्ना 19:36

ऐ गोठमन ऐईकाजे होली कि पवितर शास्त्र ने जोन बोला गेली हुन पुरा होओ, “हुनचो कोनी हाड़ा टुटाया नी जाय दे।”

प्रेरितो 1:11

आउर हुनमन ले बल्ला, “हे गलीली मानेमन, तुमी केंव उबा बादरी चो बाटे दकेसास? ऐई ईशु, जोन तुमचो लगले सरग उपरे उठाया गेलो से, जोन रीति ले तुमी हुनके सरग चो बाटे जातोर दकलासास, हुनी रीति ले हुन फेर ऐये दे।”

प्रेरितो 1:9

ऐ बोलुन भाती हुन हुनमन चो दकते-दकते उपरे उठाया गेलो, आउर बादरी हुनके हुनमन चो आँईक ले लुकाली।

प्रेरितो 2:33

असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

प्रेरितो 3:18

मान्तर जोन गोठमन के माहापुरू सपाय अगम गिआनीमन चो मुंह ले पयले ची सांगुन देऊ रलो, कि हुनचो मसीह दुख उठाये दे, हुनमन के हुन ऐ रीति ले पुरा करलो।

2 कुरिन्थियो 12:2

मय मसीह ने गोटक माने के जाने; चवदा बरक होली कि नी जाने देंह संगे, नी जाने देंह संगे, माहापुरू जाने से; असन माने तीसर सरग लगले उठाऊन निया गेलो।

इफिसीयो 3:19

आउर मसीह चो हुन मया के जानुक सका जोन गिआन ले लापी आसे कि तुमी माहापुरू चो सपाय भरपूर ले समपूरन होऊन जाहा।

कुलुस्सियो 1:19

कसनबल्लोने बुआ चो हरिक होतोर ऐई थाने आसे कि हुनचो ने पुईतराय परिपुरनता बास करो,

कुलुस्सियो 2:9

कसनबल्लोने हुन थाने ईश्पर चो सपाय परिपुरनता संका बास करू आय,

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

इब्रानियो 4:14

ऐईकाजे जसन आमचो असन बड़े माहायाजक आसे, जोन सरगमन ले होऊन भाती गेलोसे, बल्लोने माहापुरू चो बेटा ईशु, तो ईआ, आमी आपलो अंगीकार के मजबूत ले थामुन रऊं।

इब्रानियो 7:26

आउर असने ची माहायाजक आमचो लायक रलो जोन पवितर, आउर निष्कपट, आउर निंगल, आउर पापीमन ले अलग, आउर सरग ले बल्ले ऊँचा करलो बिती होओ।

इब्रानियो 8:1

अदायं जोन गोठमन आमी बोलु से हुनमन थानले सपाय ले बड़े गोठ ऐ आय कि आमचो असन माहायाजक आसे, जोन सरग थाने माहापुरू चो सिंघासन चो उजा जाऊन बसलो से,