इफिसीयो 4:1 - Halbi

¹ ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

परमेस्वर को सच्चो वचन ख जाननू

¹ परमेस्वर न तुम इंसान हुन ख बुलायो हैं। तुम अपनो बुलायो जान को हिसाब से चाल चलो यू मोरो तुम से निवेदन हैं, जसो मी प्रभु को लाने गुलामी म हैं।

इफिसीयो 4:1 Iomraidhean Croise

प्रेरितो 9:31

ऐई परकार पुईतराय यहूदिया, आउर गलील, आउर सामरिया ने कलीसिया के असतीर मिरली, आउर हुनचो उन्नती होते गेली; आउर हुन परबु चो भय आउर पवितर आत्मा चो शान्ति ने चलते आउर बाड़ते गेलो।

रोमियो 11:29

कसनबल्लोने माहापुरू चो बरदान आउर बुलाहट अटल आय।

रोमियो 12:1

ऐईकाजे हे भाईमन, मय तुमचो ले माहापुरू चो दया सुरता कराऊन भाती बिनती करें से कि आपलो देंहमन के जीवता, आउर पवितर, आउर माहापुरू के भावतो बिती पुजा करून चेगाहा। ऐई ची तुमचो आत्मिक सेवा आय।

1 कुरिन्थियो 4:16

ऐईकाजे मय तुमनमन ले बिनती करे से कि मोचो असन चाल चला।

2 कुरिन्थियो 10:1

मय हुनी पौलुस जोन तुमचो पुरे सोज आंय मान्तर पाट पाटे तुमचो बाटे साआस करू आंय, तुमके मसीह चो नम्रता आउर कोमलता चो कारन समजायें से।

2 कुरिन्थियो 5:20

ऐईकाजे आमी मसीह चो राजदूत आंव; माना माहापुरू आमचो दुवारा गुहार करे से। आमी मसीह चो बाटले गुहार करूं से कि माहापुरू चो संगे मिला-मिसा करा।

2 कुरिन्थियो 6:1

आमी जोन माहापुरू चो संगे कामकरू आंव ऐ बले समजु आंव कि हुनचो अनुग्रह जोन तुमचो उपरे होली, हुनके फकाहा नी जाऊक दिआस।

गलातियो 4:12

हे भाईमन, मय तुमचो ले बिनती करें से, तुमी मोचो असन होऊन जाआ; कसनबल्लोने मय बले तुमचो असन होऊन गेले से; तुमी मोचो काई नशालास नाई।

इफिसीयो 2:10

कसनबल्लोने आमी हुनचो बनालोर आव, आउर मसीह ईशु ने हुन अच्छा काममन चो काजे बनाया गेलु जोनमन के माहापुरू पयले ले आमचो करतो काजे तिआर करलो।

इफिसीयो 3:1

ऐई लागुन मय पौलुस जोन तुमी दुसर जातिमन चो काजे मसीह ईशु चो बन्दी आंय

इफिसीयो 4:17

ऐईकाजे मय बलेंसें आउर परबु ने बिनती करें से कि जसन दुसर जाति लोग आपलो मन चो खराप रीति थाने चलु आत, तुमी अदायं ले फेर असन नी चलासे।

इफिसीयो 4:4

गोटक ची देंह आय, आउर गोटक ची आत्मा; जसन तुमके जोन हाग दिया जाऊ राआस आपलो हाग दिया गेलो ले गोटक ची आशा आसे।

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

फिलिप्पियो 3:14

चिना चो बाटे पराते जाऊँ आंय, बल्ले हुन पुरूसकार मिरो जेचो काजे माहापुरू मोके मसीह ईशु ने उपरे हाग दिलो से।

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

कुलुस्सियो 2:6

आउर जसन तुमी मसीह ईशु के परबु करून गरहन करलासास, असने ची हुनी थाने चलते राहा,

कुलुस्सियो 4:12

इपफ्रास, जोन तुमचो ले आय आउर मसीह ईशु चो दास आय, तुमके जुहार बलेंसें आउर सदा तुमचो काजे पारथनामन ने कोशिश करू आय, बल्ले तुमी सिद्ध होऊन भाती पुरा बिश्वास चो संगे माहापुरू चो इच्छा थाने थीर राहा।

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

2 थिस्सलुनीकियो 1:11

ऐईकाजे आमी सदा तुमचो काजे पारथना बले करूं आंव कि आमचो माहापुरू तुमके ऐ हाग दिया जातोर चो लायक समजो, आउर भलाई चो हरकोनी इच्छा आउर बिश्वास चो हरकोनी काम के सामरत संगे पुरा करो,

2 तीमुथियुस 1:9

जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,

तीतुस 2:10

चोरी चलाकी नी करोत, मान्तर सपाय परकार ले पुरा बिश्वासी निकरोत कि हुनमन सपाय गोठमन ने आमचो मुक्तिकरू माहापुरू चो उपदेश चो शोभा बड़ा ओत।

इब्रानियो 13:21

तुमके हरकोनी अच्छा गोठ ने सिद्ध करोत, जेचो ले तुमी हुनचो इच्छा पुरा करा, आउर जोन काई हुनके भाऊ आय हुनके ईशु मसीह चो लागुन आमचो ने उपजास करोत। हुनचेई महिमा जुग-जुग होते रओ। आमीन।

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

1 पतरस 2:11

हे लाड़रामन, मय तुमचो ले गुहार करें से कि तुमी आपन खुद के परदेशी आउर यातरी जानुन भाती हुन संवसारिक मनमानीमन ले जोन आत्मा ले लड़ीई करू आय, बचुन राआ।

1 पतरस 3:9

खराप चो पलटा खराप नी करा आउर ना झगड़ा चो पलटा झगड़ा दिआस; मान्तर ऐचो पलटा आशीष ची दिआस, कसनबल्लोने तुमी आशीष चो हकदार होतो काजे हाग दिया गेलासास।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

2 पतरस 1:3

कसनबल्लोने हुनचो माहापुरू चो सामरत ने सपाय तीज जोन जीवना आउर भक्ति ले सम्बंध संगाऊ आय, आमके हुनचेई पयचान चो दुवारा दिलो से, जोन आमके आपलो ची महिमा आउर सद गुन चो अनुसार हाग दिलो से।

2 यूहन्ना 1:5

अदायं हे बायले लेकी, मय तुके कोनी नवा हुकुम नाई, मान्तर हुनी जोन मुर ले आमचो लगे आसे, लिकें से; आउर तुचो ले गुहार करें से कि आमी गोटक दुसर ले मया संगाऊ।