इफिसीयो 3:9 - Halbi

⁹ आउर सपाय उपरे ऐ गोठ परकाशीत करें दें कि हुन भेद चो जुगाड़ काय आय, जोन सपाय चो बनातो बिता माहापुरू ने मुर ले गुपत रये।

परमेस्वर को सच्चो वचन ख जाननू

⁹ अर सब इंसान हुन ख या बात को भेद सुनाऊ कि, कि उ भेद को राज का हैं, जो सब ख रचन वालो परमेस्वर म सुरु से गुप्त हतो।

इफिसीयो 3:9 Iomraidhean Croise

मत्ती 10:27

जोन मय तुमचो ले अंधार ने बलेंसे, हुनके तुमी उजर ने बोला; आउर जोन काने कान सुनसास, हुनके छानीमन उपरे ले परचार करा।

मत्ती 13:35

कि जोन बचन अगम गिआनी चो बाटले बोला जाऊ रली, हुन पुरा होओ: “मय कहनी सांगतो काजे आपलो मुंह खोलें दें मय हुन गोठमन के जोन जगत चो मुर ले गुपत रली से उजागर करेंदे।”

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

यूहन्ना 10:30

मय आउर बुआ गोटक आंव।”

यूहन्ना 5:17

ऐ थाने ईशु हुनमन ले बल्लो, “मोचो बुआ ऐबे तक कामकरू आय, आउर मय बले काम करूं आय।”

यूहन्ना 5:19

ऐ थाने ईशु हुनमन ले बल्लो, “मय तुमचो ले सत-सत बलेंसे, बेटा खुद ले काई नी करूक सके, मात्र हुन जोन बुआ के करतोर दकु आय; कसनबल्लोने जोन-जोन काममन के हुन करू आय हुनके बेटा बले हुनी रीति ले करू आय।

प्रेरितो 15:18

ऐ हुनी परबु बले से जोन जगत चो मुर ले ऐ गोठमन चो खबर देते ईलो से।

रोमियो 11:25

हे भाईमन, काहांय असन नी होओ कि तुमी आपन खुद के अकल बिता समजा; ऐईकाजे मय नी चाहायें कि तुमी ऐ भेद ले अनजान राहा कि जिदलदाय ले दुसर जातिमन पुईतराय रीति ले नी ओलोत, हुदलदाय ले इस्राएल चो गोटक भाग असने ची कठोर रये दे।

1 कुरिन्थियो 2:7

मान्तर आमी माहापुरू चो हुन गुपत गिआन, भेद चो रीति थाने सांगु आंव, जेके माहापुरू जुग-जुग ले आमचो महिमा चो काजे ठेबालो।

इफिसीयो 1:4

जसन हुन आमके जगत चो उपजास ले पयले हुन थाने चुनलो कि आमी हुनचो लगे मया ने पवितर आउर बेकसूर होऊँ।

इफिसीयो 3:2

अगर तुमी माहापुरू चो हुन अनुग्रह चो जुगाड़ चो खबर सुनलासास जोन तुमचो काजे मोके दिया गेली,

इफिसीयो 6:19

आउर मोचो काजे बले कि मोके बोलतोर समया असन परबल बचन दिया जाओ कि मय साआस चो संगे नगतखबर चो भेद सांगुक सकें,

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:26

बल्लोने हुन भेद के जोन समयामन आउर पीढ़ीमन ले गुपत रली, मान्तर अदायं हुनचो हुन पवितर लोगमन उपरे परकट होली से।

कुलुस्सियो 3:3

कसनबल्लोने तुमी तो मरून गेलास आउर तुमचो जीवन मसीह चो संगे माहापुरू ने लुकलोर आसे।

कुलुस्सियो 4:3

आउर ऐचो संगे ची संगे आमचो काजे बले पारथना करते राहा कि माहापुरू आमचो काजे बचन सुनातोर असन दुआर उगाढुन देओ, कि आमी मसीह चो हुन भेद चो बरनन करूक सकु जेचो लागुन मय कयद ने आसे,

2 थिस्सलुनीकियो 2:13

हे भाईमन, आउर परबु चो लाड़रा लोगमन, जरूरी आय कि आमी तुमचो बारे ने सदा परबु चो धन्यबाद करते रऊँ, कसनबल्लोने माहापुरू मुर ले तुमके चुनुन धरलो कि आत्मा चो बाटले पवितर बनुन भाती, आउर सत चो बिश्वास करून मुक्ति पाआ,

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

2 तीमुथियुस 1:9

जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,

2 तीमुथियुस 4:17

मान्तर परबु मोचो संगे रलो आउर मोके सामरत दिलो, बल्ले मोचो कारन पुरा-पुरा परचार होओ आउर सपाय दुसर जातिमन सुनोत। मय डुरका चो मुंह ले छंडाया गेले।

तीतुस 1:2

हुन अमर जीवना चो आशा थाने जेचो बायदा माहापुरू, जोन झूठ बोलुक नी सके जुग-जुग ले करलो से,

1 पतरस 1:20

हुनचो गिआन तो जगत चो उपजास चो पयले ची ले जाना जाऊ रये, मान्तर अदायं ऐ सरासरी जुग ने तुमचो काजे परकट होलो।

प्रकाशितवाक्य 13:8

धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।

प्रकाशितवाक्य 14:6

फेर मय गोटक आउर सरगदूत के बादरी चो मंजी ने उड़तोर दकले, जेचो लगे धरतनी थानचो रतो बितामन चो हरकोनी जाति, आउर कुल, आउर भाषा, आउर लोगमन के सुनातो काजे जुग-जुग नगतखबर रये।

प्रकाशितवाक्य 17:8

जोन पशु तुय दकली सीस हुन पयले तो रये मान्तर अदायं निआय, आउर अन्दकुप खोदरा ले निकरून भाती बिनाश ने पढ़े दे; आउर धरतनी चो रतो बितामन जेचो नाव जगत चो उपजास चो समया ले जीवन चो किताब ने लिका नी गेली, ऐ पशु चो ऐ दसा दकुन भाती कि पयले रये आउर अदायं निआय आउर फेर ऐये दे, घबरादे।

प्रकाशितवाक्य 4:11

“हे आमचो परबु आउर माहापुरू, तुय ची महिमा आउर ईजीत आउर सामरत चो लायक आस; कसनबल्लोने तुय ची सपाय तीजमन बनालीस आउर हुनमन तुचीई इच्छा ले रली आउर बनाया गेली।”