इफिसीयो 2:3 - Halbi

³ ऐ मन ने आमी बले सपाय चो सपाय पयले आपलो देंह चो लालचमन ने दिन बिताते रलु, आउर देंह आउर मन चो इच्छामन पुरा करते रलु, आउर दुसर लोगमन चो असन आदत ची ले रीस चो पिला रलु।

परमेस्वर को सच्चो वचन ख जाननू

³ इनमा हम भी सब का सब पहिले वी बुराई करनो म सामिल हता, जब हम अपनी बुरो सुभाव को बस म होका अपनो सरीर अर मन कि इच्छा ख पुरी करत रह। हम दुसरा इंसान हुन का जसा अपनो सुभाव को वजे से परमेस्वर को डंड़ का हकदार हता।

इफिसीयो 2:3 Iomraidhean Croise

मरकुस 4:19

आउर जगत चो चिन्ता, आउर धन चो धोका, आउर दुसर तीजमन चो लोभ हुनमन ने भिडुन भाती बचन के चेपाऊन देऊ आय आउर हुन बिना फल चो रऊ आय।

यूहन्ना 1:13

हुनमन ना तो लऊ ले, ना देंह चो इच्छा ले, ना माने चो इच्छा ले, मान्तर माहापुरू ले उपजास होला से।

यूहन्ना 8:44

तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

प्रेरितो 14:16

हुन बितलो समयामन ने सपाय जातिमन के आपलो-आपलो बाट ने हिन्डुक दिलो।

रोमियो 1:24

ऐई लागुन माहापुरू हुनमन के हुनमन चो मन चो मनमानीमन चो अनुसार अशुद्धता चो काजे छांडलो कि हुनमन आपस ने आपलो देंहमन चो हिन्सता करोत।

रोमियो 11:30

कसनबल्लोने जसन तुमी पयले माहापुरू चो हुकुम नी मानलास, मान्तर ऐबे हुनमन चो हुकुम नी मानले ने तुमचो उपरे दया होली;

रोमियो 13:14

मान्तर परबु ईशु मसीह के पिन्दा, आउर देंह चो मनमानीमन के पुरा करतोर उपाय नी करा।

रोमियो 2:14

फेर जिदलदाय दुसर जात चो लोग जोनमन लगे नियम निआय, टकर ले ची नियम चो गोठमन थाने चलु आत, तेबे नियम हुनमन चो लगे नी होलो थानले बले हुनमन आपलो काजे खुद ची नियम आत।

रोमियो 5:10

कसनबल्लोने बयरी होतोर हाल ने हुनचो बेटा चो मरना चो कारन आमचो मेल माहापुरू चो संगे होली, तेबे फेर मेल होऊन गेलो ने हुनचो जीवन चो कारन आमी मुक्ति कसन नी पाऊँ दें?

रोमियो 5:9

आउर जिदलदाय कि आमी अदायं हुनचो लऊ चो कारन धरमी ठेबलु, तेबे हुनचो कारन माहापुरू चो रीस ले कसन नी बचु दें?

रोमियो 6:12

ऐईकाजे पाप तुमचो नाश होतो बिती देंह ने राज नी करो, कि तुमी हुनचो लालचमन चो आसा ने राआ;

रोमियो 7:18

कसनबल्लोने मय जाने कि मोचो ने बल्लोने मोचो देंह ने कोनी अच्छा तीज मोचो भीतरे नी करे। इच्छा तो मोचो ने आसे, मान्तर नुकु काम मोचो ले नी बने।

रोमियो 9:22

तेबे ऐथा कोन असन अकचकित चो गोठ आय कि माहापुरू आपलो रीस दकातोर आउर आपलो सामरत उजागर करतोर इच्छा ले रीस चो भण्डवामन चो, जोन बिनाश चो काजे तिआर कराय जाऊ रवत, बड़े धीरज ले सहला;

1 कुरिन्थियो 4:7

कसनबल्लोने तुचो ने आउर दुसर ने कोन भेद करू आय? आउर तुचो लगे काय आसे जोन तुय (दुसर ले) नी पावलीस? आउर तुचो लगे काय आसे जोन तुय (दुसर ले) पावली सीस, तो असन घमण्ड केंव करू आस कि माना नी पावलीस?

2 कुरिन्थियो 7:1

आउर हे लाडरामन, जिदलदाय कि ऐ बायदामन आमके मिरली से, तो ईआ, आमी आपन खुद देंह आउर आत्मा चो सपाय मईल ले शुद्ध करूं, आउर माहापुरू चो भय संगाते-संगाते पवितरता के सिद्ध करूं।

गलातियो 3:22

मान्तर पवितर शास्त्र सपाय के पाप चो अधीन करून दिलो, बल्ले हुन बायदा जेचो आधार ईशु मसीह उपरे बिश्वास करतोर आय, बिश्वास करतो बितामन चो काजे पुरा होऊन जाओं।

इफिसीयो 2:2

जोन थाने तुमी पयले ऐ संवसार चो रीति थाने, आउर बादरी चो अधिकार चो हाकिम बल्लोने हुन आत्मा चो अनुसार चलते राआस, जोन ऐबे बले हुकुम नी मानतो बितामन ने कामकरू आय।

इफिसीयो 4:22

कि तुमी पिछला चाल-चलन चो जुना माने के जोन भरमातो बिती आशामन चो अनुसार भ्रष्ट होते जाऊ आय, उतराऊन पकाहा

कुलुस्सियो 1:21

तुमी जोन पयले निकरालोर राआस आउर खराप काममन चो लागुन मन ले बयरी राआस;

1 थिस्सलुनीकियो 4:13

हे भाईमन, आमी नी चाहाऊं कि तुमी हुनमन चो बारे ने जोन सोऊ आत, अगिआनी राहा; असन नी होओ कि तुमी दुसरमन चो असन दुख करा जेके आशा निआय।

1 थिस्सलुनीकियो 5:6

ऐईकाजे आमी दुसरमन चो असन सोहते नी रऊँ, मान्तर चेता आउर खबड़दार रऊँ।

1तीमुथियुस 6:9

मान्तर जोन धनी होऊक चाहाय सोत, हुनमन असन परीक्षा आउर फान्दामन आउर खुबे ची फकाहा आउर हानि करू लालचमन ने फसु आत, जोन मानेमन के नशान देऊ आय आउर बिनाश चो समुन्द ने बुड़ाऊन देऊ आय।

तीतुस 3:3

कसनबल्लोने आमी बले पयले निरबुद्धि, आउर हुकुम नी मानतो बिता आउर भरम ने पडुन आउर नाना परकार चो मनमानीमन आउर सुक बिलास चो गुलामी ने रलु, आउर बईर, आउर डाह करतो ने जीवना बीताते रलु, आउर घिन-घिना रलु, आउर गोटक दुसर ले बईर संगाते रलु।

1 पतरस 1:14

हुकुम मानु लेकामन चो असन आपलो अगिआनता चो समया चो जुना बिती मनमानीमन चो समान नी बना।

2 पतरस 2:14

हुनमन चो आँईकमन ने बेबीचार बसली से, आउर हुनमन पाप करलो बिना ठेबुक नी सकोत। हुनमन चुल-चुल मन बिता के फुसयाऊ आत। हुनमन चो मन के लोभ करतोर आदत होऊन गेली से; हुनमन दुक चो पिला आत।

2 पतरस 2:18

हुनमन फकाहा घमण्ड चो गोठमन करून-करून भाती ढीलाढाला चो काममन चो दुवारा, हुन लोगमन के देंह चो मनमानीमन ने फसाऊन धरू आत जोन भुलकलो लोगमन थानले ऐबे ची निकरे सोत।

1यूहन्ना 2:16

कसनबल्लोने जोन काई संवसार ने आसे, बल्लोने देंह चो इच्छा आउर आँईक चो इच्छा जीवना चो घमण्ड, हुन बुआ चो बाटले नुआय मान्तर संवसार ही चो बाटले आय।

1यूहन्ना 2:8

फेर बले मय तुमके नवा हुकुम लिकें से, आउर ऐ हुनचो ने आउर तुमचो ने सते ठेबु आय; कसनबल्लोने अंधार मेटते जाऊ आय आउर सत चो उजर अदायं बरूक मुरयाली से।