इफिसीयो 2:2 - Halbi

² जोन थाने तुमी पयले ऐ संवसार चो रीति थाने, आउर बादरी चो अधिकार चो हाकिम बल्लोने हुन आत्मा चो अनुसार चलते राआस, जोन ऐबे बले हुकुम नी मानतो बितामन ने कामकरू आय।

परमेस्वर को सच्चो वचन ख जाननू

² काहेकि तुमरो सुभाव पहिले यू दुनिया की रीति को हिसाब से, आकास म हक जमाना वालो मुखिया को जसो थो। तुम वा आत्मा को अनुसार चलत हता, जो अबा भी परमेस्वर ख बैरी हुन म काम करा हैं।

इफिसीयो 2:2 Iomraidhean Croise

मत्ती 11:19

माने चो बेटा खाते पीते ईलो, आउर हुनमन बोल सोत ‘दका, पेटू आउर मतवार माने, कर धरू बितामन आउर पापीमन चो मीत!’ मान्तर गिआन आपलो काममन ले सत ठेबाया गेलीसे।”

मत्ती 13:22

जोन लाटा बुटामन ने बुना गेली, ऐ हुन आय, जोन बचन के सुनु आय, मान्तर ऐ जगत चो चिन्ता आउर धन चो धोका बचन के चेपाऊ आय, आउर हुन फल नी आने।

मत्ती 13:38

बेड़ा जगत आय, “अच्छा बीज राज चो पिला आय, आउर रान बीज दुष्ट चो पिलामन आत।

मरकुस 4:19

आउर जगत चो चिन्ता, आउर धन चो धोका, आउर दुसर तीजमन चो लोभ हुनमन ने भिडुन भाती बचन के चेपाऊन देऊ आय आउर हुन बिना फल चो रऊ आय।

लूका 16:8

“मालिक हुन अधरमी भण्डारी के सहरालो कि हुन चलाक ले काम करलो से। कसनबल्लोने ऐ संवसार चो लोग आपलो समया चो लोगमन चो संगे रीति बेवहारमन ने उजर चो लोगमन ले खुबे चलाक आत।

लूका 22:31

“शिमोन, हे शिमोन! दक, शयतान तुमनमन के मांगलो से कि गऊँ चो असन आपटो,

यूहन्ना 12:31

अदायं ऐ संवसार चो नियाय होऊ आय, अदायं ऐ संवसार चो सरदार निकराऊन दिया जाये दे;

यूहन्ना 13:2

जिदलदाय शयतान शिमोन चो बेटा यहूदा इस्करियोती चो मन ने ऐ डालुन चुकुन रये कि हुनके धराओ, तेबे भोजन चो समया

यूहन्ना 13:27

गोंदा धरते ची खन शयतान हुनचो थाने समाऊन गेलो। तेबे ईशु हुनचो ले बल्लो, “जोन तुय करे सीस, तुरते कर।”

यूहन्ना 14:30

मय अदायं तुमचो संगे आउर खुबे गोठमन नी करें दें, कसनबल्लोने ऐ संवसार चो सरदार ऐये से। मोचो उपरे हुनचो काई निआय;

यूहन्ना 15:19

अगर तुमी संवसार चो होतास, तेबे जगत आपनमन ले मया संगाती; मान्तर ऐई लागुन कि तुमी संवसार चो नुआस, मान्तर मय तुमनमन के संवसार थानले चुनले से, ऐईकाजे संवसार तुमचो ले बईर संगाऊ आय।

यूहन्ना 16:11

नियाय चो बारे ने ऐईकाजे कि संवसार चो सरदार दोषी ठेबाया गेलो से।”

यूहन्ना 7:7

जगत तुमचो ले बईर नी करूक सके, मान्तर हुन मोचो ले बईर करू आय कसनबल्लोने मय हुनचो बिरूद ने ऐ गोहई देऊ आंय कि हुनचो काम खराप आय।

यूहन्ना 8:23

हुन हुनमन ले बल्लो, “तुमी खाले चो आहास, मय उपर चो आंय; तुमी संवसार चो आहास, मय संवसार चो नुआय।

यूहन्ना 8:44

तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

प्रेरितो 19:35

तेबे नंगर चो मंत्री लोगमन के ओगाय करून बल्लो, हे इफिसुस चो लोगमन, कोन नी जाने कि इफिसिमन चो नंगर महान देबी अरतिमिस चो मंदिर, आउर बादरी ले घसरलो बिती मुरती चो राका करू आय।

प्रेरितो 5:3

पतरस बल्लो, “हे हनन्या! शयतान तुचो मन ने ऐ गोठ केंव डाल्लो कि तुय पवितर आत्मा ले झूठ बोल, आउर भुईं चो दाम थानले खिन्डिक गुचाऊन संगाव?”

रोमियो 12:2

ऐ जगत चो असन नी बना; मान्तर तुमचो मन चो नवा होऊन गेलो ने तुमचो चाल-चलन बले बदल ते जाओ, जेचो ले तुमी माहापुरू चो अच्छा, आउर भावतो, आउर सिद इच्छा ले मालुम करते राआ।

1 कुरिन्थियो 5:10

ऐ नाई कि तुमी बिलकुल ऐ जगत चो बेबीचारीमन, नाहले लोभाहामन, नाहले अंधार करतो बितामन, नाहले मुरती पुजा करूमन चो संगत नी करा; कसनबल्लोने ऐ दसा ने तो तुमके जगत थानले निकरून जातोर ची पड़ती।

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

गलातियो 1:4

हुन आपन खुद के आमचो पापमन चो काजे देउन दिलो, बल्ले आमचो माहापुरू आउर बुआ चो इच्छा चो अनुसार आमके ऐई समया खराप संवसार ले छंड़ाओ।

इफिसीयो 1:21

सपाय परकार चो बड़पन, आउर अधिकार, आउर सामरत, आउर परभुता चो, आउर हरकोनी नाव चो उपरे, जोन मात्र ऐ जुग ने मान्तर ऐतो बिती लोक ने बले धरा जायदे, बसालो;

इफिसीयो 2:11

ऐई लागुन सुरता करा कि तुमी जोन शारीरिक रीति ले दुसर जाति आहास (आउर जोन लोग देंह ने हाथ चो करलो बिती खतना ले खतना बिता बलाय जाऊ आत, हुनमन तुमके खतना नाहलो बोलु आता),

इफिसीयो 2:13

मान्तर अदायं मसीह ईशु ने तुमी जोन पयले लापी रलास, मसीह चो लऊ चो लागुन लगे होऊन गेलास।

इफिसीयो 2:3

ऐ मन ने आमी बले सपाय चो सपाय पयले आपलो देंह चो लालचमन ने दिन बिताते रलु, आउर देंह आउर मन चो इच्छामन पुरा करते रलु, आउर दुसर लोगमन चो असन आदत ची ले रीस चो पिला रलु।

इफिसीयो 4:17

ऐईकाजे मय बलेंसें आउर परबु ने बिनती करें से कि जसन दुसर जाति लोग आपलो मन चो खराप रीति थाने चलु आत, तुमी अदायं ले फेर असन नी चलासे।

इफिसीयो 4:22

कि तुमी पिछला चाल-चलन चो जुना माने के जोन भरमातो बिती आशामन चो अनुसार भ्रष्ट होते जाऊ आय, उतराऊन पकाहा

इफिसीयो 5:6

कोनी तुमके फकाहा गोठमन ले धोका नी दे ओत, कसनबल्लोने ऐई काममन चो लागुन माहापुरू चो रीस हुकुम नी मानतो बितामन चो उपरे भड़कु आय।

इफिसीयो 5:8

कसनबल्लोने तुमी तो पयले अंधार राआस मान्तर अदायं परबु ने उजर आहास, मान्तर उजर चो पिलामन चो असन चला।

इफिसीयो 6:12

कसनबल्लोने आमचो ऐ लड़ीई लऊ आउर मास ले नुआय मान्तर परधानमन ले, आउर अधिकारीमन ले, आउर ऐ संवसार चो अंधार चो हाकिममन ले आउर हुन दुष्टता चो आत्मिक पलटनमन ले आय जोन बादरी ने आसोत।

कुलुस्सियो 1:21

तुमी जोन पयले निकरालोर राआस आउर खराप काममन चो लागुन मन ले बयरी राआस;

2 तीमुथियुस 4:10

कसनबल्लोने देमास ऐ जगत के लाड़ जानुन भाती मोके छांडुन दिलो से आउर थिस्सलुनीके ने जाते गेलो से। क्रेसकेंस गलातिया ने आउर तीतुस दलमतिया ने जाते गेलो से।

याकूब 1:27

आमचो माहापुरू आउर बुआ चो लगे शुद्ध आउर निंगल भक्ति ऐ आय कि पोरटामन आउर रान्डीमन चो कलेश ने हुनमन चो सुद्धि धरो, आउर आपन खुद के संवसार ले निसकलंक संगाओ।

याकूब 1:7

असन माने ऐ नी समजो कि मोके परबु ले काई मिरेदे,

याकूब 4:4

हे बेबीचारीनमन, काय तुमी नी जानास कि संवसार ले मीत करतोर माहापुरू ले बईर करतोर आय? ऐईकाजे जोन कोनी संवसार चो मीत होऊक चाहायें से, हुन आपन खुद के माहापुरू चो बयरी बनाऊ आय।

1 पतरस 1:14

हुकुम मानु लेकामन चो असन आपलो अगिआनता चो समया चो जुना बिती मनमानीमन चो समान नी बना।

1 पतरस 4:3

कसनबल्लोने दुसर जातिमन चो इच्छा चो अनुसार काम करतोर, आउर लुचपन चो खराबी मनमानीमन, मतवारपन, खेला-कुद, मतवारपन, आउर घिन-घिना मुरती पुजा ने जोन थानले आमी पयले समया गवालु, हुनी खुबे होली।

2 पतरस 2:14

हुनमन चो आँईकमन ने बेबीचार बसली से, आउर हुनमन पाप करलो बिना ठेबुक नी सकोत। हुनमन चुल-चुल मन बिता के फुसयाऊ आत। हुनमन चो मन के लोभ करतोर आदत होऊन गेली से; हुनमन दुक चो पिला आत।

1यूहन्ना 3:10

ऐचीई ले माहापुरू चो पिला आउर शयतान चो पिला जानाय जाऊ आत; जोन कोनी धरम चो काम नी करे हुन माहापुरू ले नुआय, आउर ना हुन जोन आपलो भाई ले मया नी संगाये।

1यूहन्ना 3:8

जोन कोनी पाप करू आय हुन शयतान चो बाटले आय, कसनबल्लोने शयतान मुर ले ची पाप करते ईलो से। माहापुरू चो बेटा ऐईकाजे परकट होलो कि शयतान चो काममन के नाश करो।

1यूहन्ना 4:4

हे लेकामन, तुमी माहापुरू चो आहास, आउर तुमीमन हुन थाने जय पावलासास, कसनबल्लोने जोन तुमचो थाने आसे हुन हुनचो ले जोन संवसार ने आसे, बड़े आय।

1यूहन्ना 5:19

आमी जानु से कि आमी माहापुरू ले आंव, आउर सपाय संवसार हुन दुष्ट चो वश ने पढ़ली से।

1यूहन्ना 5:4

कसनबल्लोने जोन काई माहापुरू ले उपजास होली से, हुन जगत थाने जय पाऊ आय; आउर हुन जीत जेचो ले संवसार थाने जय पाऊ आय आमचो बिश्वास आय।

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 13:14

हुन चिनामन चो लागुन, जोनमन के हुन पशु चो पुरे दकातोर अधिकार हुनके दिया जाऊ रली, हुन धरतनी चो रतो लोगमन के भरमाते रये आउर धरतनी चो रतो बितामन ले बोलते रये कि जोन पशु चो तलवार पाऊ रये हुन जीवलो से, हुनचो मुरती बनाहा।

प्रकाशितवाक्य 13:8

धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।

प्रकाशितवाक्य 16:17

सातवां सरगदूत आपलो बटका लेहरा थाने रिकाऊन दिलो, आउर मंदिर चो सिंघासन ले ऐ बड़े शब्द होली, “होऊन चुकली!”

प्रकाशितवाक्य 20:2

हुन-हुन बोड़ासाप, बल्लोने जुना सांप के जोन इबलीस आउर शयतान आय, धरून भाती हजार बरक चो काजे बान्दुन दिलो,