इफिसीयो 2:13 - Halbi

¹³ मान्तर अदायं मसीह ईशु ने तुमी जोन पयले लापी रलास, मसीह चो लऊ चो लागुन लगे होऊन गेलास।

परमेस्वर को सच्चो वचन ख जाननू

¹³ पर अब मसी यीसु म तुम इंसान हुन पहलो दुर हता, पर यीसु मसी को खून को वजेसे नजीक आ गया हैं।

इफिसीयो 2:13 Iomraidhean Croise

यूहन्ना 10:16

मोचो आउर बले मेंडामन आसोत, जोन ऐ मेंडी कोठरली चो नाई। मोके हुनमन के बले आनतोर जरूरी आय, हुनमन मोचो शब्द सुन दे, तेबे गोटक ची गोहड़ी आउर गोटक ची चरेया होये दे।

प्रेरितो 15:14

शिमोन सांगलो कि माहापुरू पयले-पयले दुसर जातिमन ने कसन दयाधरम करलो कि हुनमन थानले आपलो नाव चो काजे गोटक लोग बना ओ।

प्रेरितो 2:39

“कसनबल्लोने ऐ बायदा तुमी, आउर तुमचो पिलामन, आउर हुन सपाय लापी-लापी चो लोगमन काजे बले आय जोनमन के परबु आमचो माहापुरू आपलो लगे हाग देये दे।”

प्रेरितो 22:21

आउर हुन मोचो ले बल्लो, जाते जा: कसनबल्लोने मय तुके दुसर जातिमन चो लगे लापी-लापी पटायें दें।

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

रोमियो 8:1

आउर अदायं जोन मसीह ईशु ने आसोत, हुनमन उपरे डण्ड चो हुकुम निआय। कसनबल्लोने हुनमन देंह चो अनुसार नाई मान्तर आत्मा चो अनुसार चलु आत।

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

1 कुरिन्थियो 12:13

कसनबल्लोने आमी सपाय काय यहूदी होओत काय यूनानी, काय दास होओ काय छुटछाड़ा, गोटक ची आत्मा चो बाटले गोटक देंह होतो काजे डूबन धरलु, आउर आमी सपाय के गोटक ची आत्मा पिआया गेली।

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

2 कुरिन्थियो 5:17

ऐईकाजे अगर कोनी मसीह ने आसे तो हुन नवा रचना आय: जुना गोठमन बीतुन गेली से; दका, सपाय गोठमन नवा होऊन गेली से।

गलातियो 3:28

अदायं ना कोनी यहूदी रला आउर ना यूनानी, ना कोनी दास ना छुटछाड़ा, ना कोनी नर ना नारी, कसनबल्लोने तुमी सपाय मसीह ईशु ने गोटक आहास।

इफिसीयो 1:1

पौलुस चो बाटले जोन माहापुरू चो इच्छा ले ईशु मसीह चो पठालोबिता आय, हुन पवितर आउर मसीह ईशु ने बिश्वासी लोगमन चो नाव जोन इफिसुस ने आसोत,

इफिसीयो 1:7

आमके हुन थाने हुनचो लऊ चो दुवारा छुटकारा, बल्लोने अपराधमन चो छमा, हुनचो हुन अनुग्रह चो धन चो अनुसार मिरली से,

इफिसीयो 2:10

कसनबल्लोने आमी हुनचो बनालोर आव, आउर मसीह ईशु ने हुन अच्छा काममन चो काजे बनाया गेलु जोनमन के माहापुरू पयले ले आमचो करतो काजे तिआर करलो।

इफिसीयो 2:12

तुमीमन हुन समया मसीह ले अलग, आउर इस्राएल चो परजा चो पन ले अलग करलो बिती, आउर बायदा चो बायदामन चो भागी नी राआस, आउर आशा हीन आउर जगत ने ईश्पर नाहलो रलास।

इफिसीयो 2:2

जोन थाने तुमी पयले ऐ संवसार चो रीति थाने, आउर बादरी चो अधिकार चो हाकिम बल्लोने हुन आत्मा चो अनुसार चलते राआस, जोन ऐबे बले हुकुम नी मानतो बितामन ने कामकरू आय।

इफिसीयो 2:6

आउर मसीह ईशु ने हुनचो संगे उठालो, आउर सरग चो जगामन ने हुनचो संगे बसालो

इब्रानियो 9:18

ऐईकाजे पयला बायदा बले बिना लऊ चो नी बान्दा गेली।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

प्रकाशितवाक्य 5:9

हुनमन ऐ नवा गीत गाऊक मुरयाला, “तुय ऐ किताब के धरतोर, आउर ऐचो सीलमन खोलतोर लायक आस; कसनबल्लोने तुय पुजाय होऊन भाती आपलो लऊ ले हरकोनी कुल आउर भाषा आउर लोग आउर जाति थानले माहापुरू चो काजे लोगमन के घेनली सीस,