इफिसीयो 1:4 - Halbi

⁴ जसन हुन आमके जगत चो उपजास ले पयले हुन थाने चुनलो कि आमी हुनचो लगे मया ने पवितर आउर बेकसूर होऊँ।

परमेस्वर को सच्चो वचन ख जाननू

⁴ ओ न हम ख संसार को बननो से पहिले मसी म हमका चुनियो, जसो हम मसी म एकजुट हो का ओकी नजर म सुध्द अर बेकसूर बने।

इफिसीयो 1:4 Iomraidhean Croise

मत्ती 24:22

अगर हुन दिन घटाया नी जाति तेबे कोनी जीव जन्तु नी बाचता, मान्तर चुनलो बितामन चो लागुन हुन दिन घटाया जाये दे।

मत्ती 24:24

“कसनबल्लोने झूठा मसीह आउर फंदी अगम गिआनी उठून उबा हो दे, आउर बड़े चिना, आउर भयंकर काम दका दे कि अगर होऊक सको तो चुनलो बितामन के बले भरमादे।

मत्ती 24:31

हुन तुरी चो बड़े शब्द चो संगे आपलो दूतमन के पटाये दे, आउर हुनमन बादरी चो ऐ पाट ले हुनपाट तक, भोंवरक ले हुनचो चुनलो बितामन के रून्डाये दे।”

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

यूहन्ना 10:16

मोचो आउर बले मेंडामन आसोत, जोन ऐ मेंडी कोठरली चो नाई। मोके हुनमन के बले आनतोर जरूरी आय, हुनमन मोचो शब्द सुन दे, तेबे गोटक ची गोहड़ी आउर गोटक ची चरेया होये दे।

यूहन्ना 15:16

तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

यूहन्ना 17:24

हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस।

प्रेरितो 13:48

ऐ सुनुन भाती दुसर जातिमन हरिक होला, आउर माहापुरू चो बचन चो बड़ाई करूक मुरयाला; आउर जितरो अमर जीवना चो काजे थेबाया जाऊ रवत, हुनमन बिश्वास करला।

प्रेरितो 15:18

ऐ हुनी परबु बले से जोन जगत चो मुर ले ऐ गोठमन चो खबर देते ईलो से।

प्रेरितो 18:10

कसनबल्लोने मय तुचो संगे आंसे, आउर कोनी तुचो उपरे ऐऊन भाती तुचो हानि नी करे दे; कसनबल्लोने ऐ नंगर ने मोचो खुबे असन लोग आसोत।

रोमियो 8:33

माहापुरू चो चुनलो बितामन उपरे दोष कोन लगायेदे? माहापुरू ची आय जोन हुनमन के धरमी ठेबातो बिता आय।

1 कुरिन्थियो 1:8

हुन तुमके आखरी तक जमखम बले करें दें कि तुमी आमचो परबु ईशु मसीह चो दिन ने बेकसूर ठेबा।

गलातियो 5:13

हे भाईमन, तुमी छुटछाड़ाया होतो काजे हाग दिया गेलासास; मान्तर असन नी होओ कि ये छुटछाड़ा देंह चो काममन काजे मवका बनो, मान्तर मया ले गोटक दुसर चो दास बना।

गलातियो 5:22

मान्तर आत्मा चो फल मया, हरिक, शान्ति, धीरज, किरपा, भलाई, बिश्वास,

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

इफिसीयो 2:10

कसनबल्लोने आमी हुनचो बनालोर आव, आउर मसीह ईशु ने हुन अच्छा काममन चो काजे बनाया गेलु जोनमन के माहापुरू पयले ले आमचो करतो काजे तिआर करलो।

इफिसीयो 3:17

आउर बिश्वास चो दुवारा मसीह तुमचो मन ने बसो कि तुमी मया ने जड़ धरून भाती आउर पाया खोडुन भाती,

इफिसीयो 4:2

बल्लोने पूईतराय दिनता आउर नम्रता संगे, आउर धीरज धरून भाती मया ले गोटक दुसर चो सहा;

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

इफिसीयो 5:27

आउर हुनके गोटक असन तेज बिती कलीसिया बनाऊन भाती आपलो लगे उबा करो, जोन थाने ना कलंक, ना झुरा ना कोनी आउर असन तीज होओ मान्तर पवितर आउर बेकसूर होओ।

फिलिप्पियो 2:15

बल्ले तुमी बेकसूर आउर सीदा होऊन भाती टेड़ा आउर ऐड़जा लोगमन चो मंजी माहापुरू चो निसकलंक पिला बनुन राआ, जोनमन चो मंजी ने तुमी जीवना चो बचन धरून भाती जगत ने जरतो दियामन चो असन दका देऊ आहास

कुलुस्सियो 1:22

हुन अदायं हुनचो शारीरिक देंह ने मरना चो कारन तुमचो बले मिलान करलो बल्ले तुमके आपलो पुरे पवितर आउर निसकलंक, आउर बेकसूर बनान भाती हाजिर करो।

कुलुस्सियो 2:2

बल्ले हुनमन चो मनमन ने शान्ति होओ आउर हुनमन मया ले आपस ने बन्दुन रओत, आउर हुनमन पुईतराय समज चो धन परापत करोत, आउर माहापुरू बुआ चो भेद के बल्लोने मसीह के चिता ओत।

कुलुस्सियो 3:12

ऐईकाजे माहापुरू चो चुनलो बितामन चो असन जोन पवितर आउर लाड़रा आय, बड़े करूना, आउर भलाई, आउर दिनता, आउर नम्रता, आउर सयनशक्ति धारन करा,

1 थिस्सलुनीकियो 3:12

आउर परबु असन करो कि जसन आमी तुमचो ले मया संगाऊ आंव, असने ची तुमचो मया बले आपस ने आउर सपाय मानेमन चो संगे बाड़ो, आउर उन्नती करते जाओ,

1 थिस्सलुनीकियो 4:7

कसनबल्लोने माहापुरू आमके अशुद्ध होतो काजे नाई, मान्तर पवितर होतो काजे हाग दिलो से।

2 तीमुथियुस 1:9

जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,

2 तीमुथियुस 2:10

ऐई लागुन मय चुनलो लोगमन चो काजे सपाय काई सहु आंय कि हुनमन बले हुन मुक्ति के जोन मसीह ईशु ने आसे अमर महिमा चो संगे पाओत।

2 तीमुथियुस 2:19

तेबले बले माहापुरू चो पक्का पाया बनुन रऊ आय, आउर हुन थाने ऐ छाप लगली से: “परबु आपलो लोग के चिताऊ आय,” आउर “जोन कोनी परबु चो नाव धरू आय हुन अधरम ले बाचुन रओ।”

याकूब 2:5

हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत?

1 पतरस 1:2

आउर माहापुरू बुआ चो अगम गिआन चो अनुसार, आत्मा चो पवितर करलोर दुवारा हुकुम मानतोर आउर ईशु मसीह चो लऊ के छिंछतो काजे चुना गेलासे। तुमके अनुग्रह आउर शान्ति खुबे ले खुबे मिरते रओ।

1 पतरस 1:20

हुनचो गिआन तो जगत चो उपजास चो पयले ची ले जाना जाऊ रये, मान्तर अदायं ऐ सरासरी जुग ने तुमचो काजे परकट होलो।

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

2 पतरस 3:14

ऐईकाजे, हे लाड़रामन, जसन कि तुमी ऐ गोठमन चो आस दकेसास, तेबे कोशिश करा कि तुमी शान्ति ले हुनचो पुरे निसकलंक आउर निर्दोष ठेबा,

1यूहन्ना 4:16

जोन मया माहापुरू आमचो ले संगाऊ आय, हुनके आमी जानलु आउर आमके हुनचो ले बिश्वास आसे। माहापुरू मया आय, आउर जोन मया ने बनुन रऊ आय हुन माहापुरू ने बनुन रऊ आय, आउर माहापुरू हुनचो थाने बनुन रऊ आय।

प्रकाशितवाक्य 13:8

धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।

प्रकाशितवाक्य 17:8

जोन पशु तुय दकली सीस हुन पयले तो रये मान्तर अदायं निआय, आउर अन्दकुप खोदरा ले निकरून भाती बिनाश ने पढ़े दे; आउर धरतनी चो रतो बितामन जेचो नाव जगत चो उपजास चो समया ले जीवन चो किताब ने लिका नी गेली, ऐ पशु चो ऐ दसा दकुन भाती कि पयले रये आउर अदायं निआय आउर फेर ऐये दे, घबरादे।