इफिसीयो 1:18 - Halbi

¹⁸ आउर तुमचो मन चो आँईकमन उजर मय होओ कि तुमी जाना कि हुनचो बुलाहट चो आशा काय आय, आउर पवितर लोगमन ने हुनचो हक चो महिमा चो धन कसन आय,

परमेस्वर को सच्चो वचन ख जाननू

¹⁸ अर उ तुम इंसान हुन कि मन की आँख कि ज्योत खोले, जसो तुम यू देख सके कि ओको वजे से बुलायो जान को लाने तुम इंसान हुन की आसा कित्ती बड़ी हैं अऊर सुध्द लोग को संग तुम इंसान हुन ख जो जगह मिली हैं, वा कित्ती ऐस आराम से मेहमामय हैं,

इफिसीयो 1:18 Iomraidhean Croise

मत्ती 13:15

“कसनबल्लोने ऐ लोगमन चो मन ठोसर होऊन गेली से, आउर हुनमन कानमन ले ऊँचा सुनु आत आउर हुनमन आपलो आँईकमन के लिमटला से; काहांय असन नी होओ कि हुनमन आँईकमन ले दकोत, आउर कानमन ले सुनोत आउर मन ले समजोत, आउर फिरून जाओत आउर मय हुनमन के चेंगा करें।”

मरकुस 10:17

जिदलदाय हुन हुता ले निकरून भाती बाट ने जाते रलो, तेबे गोटक माने हुनचो लगे पराते-पराते ईलो, आउर हुनचो पुरे मांडी टेकुन भाती हुनचो ले पचारलो, “हे बड़ीया गुरू, अमर जीवना चो हकदार होतो काजे मय काय करेंदे?”

लूका 24:45

तेबे हुन पवितर शास्त्र बुजतो काजे हुनमन चो समज के खोलुन दिलो,

प्रेरितो 16:14

लुदिया नाव चो थुआथीरा नंगर चो बैंजनी फटीईमन बिकतो बिती गोटक भगत बायले लेकी सुनते रली। परबु हुनचो मन खोललो कि हुन पौलुस चो गोठमन थाने मन लगा ओ।

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

रोमियो 11:29

कसनबल्लोने माहापुरू चो बरदान आउर बुलाहट अटल आय।

रोमियो 2:4

काय तुय हुनचो किरपा, आउर सयनशक्ति, आउर धीरजरूपी धन के तुच्छ जानसीस? काय ऐ नी समजीस कि माहापुरू चो किरपा तुके मन फिराव के सिकाऊ आय?

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

2 कुरिन्थियो 4:6

ऐईकाजे कि माहापुरू ची आय, जोन बल्लो, “अंधार थानले उजर बरो,” आउर हुनी आमचो मन-मन ने बरली कि माहापुरू चो महिमा चो पयचान चो उजर ईशु मसीह चो थोमना ले उजर होओ।

गलातियो 5:5

कसनबल्लोने आत्मा चो लागुन आमी बिश्वास ले, आशा करलो बिती धारमिकता चो बाट टाकुं से।

इफिसीयो 1:11

हुनी थाने जोन थाने आमी बले हुनचेई मन ले जोन आपलो इच्छा चो मत चो अनुसार सपाय काई करू आय, पयले ले ठेबाया जाऊन भाती हकदार बनु

इफिसीयो 1:7

आमके हुन थाने हुनचो लऊ चो दुवारा छुटकारा, बल्लोने अपराधमन चो छमा, हुनचो हुन अनुग्रह चो धन चो अनुसार मिरली से,

इफिसीयो 2:12

तुमीमन हुन समया मसीह ले अलग, आउर इस्राएल चो परजा चो पन ले अलग करलो बिती, आउर बायदा चो बायदामन चो भागी नी राआस, आउर आशा हीन आउर जगत ने ईश्पर नाहलो रलास।

इफिसीयो 3:16

कि हुन आपलो महिमा चो धन चो अनुसार तुमके ऐ दान देओ कि तुमी हुनचो आत्मा ले आपलो भीतर चो मानेरूप ने सामरत पाऊन भाती बलवन्त होते जाआ;

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

इफिसीयो 4:4

गोटक ची देंह आय, आउर गोटक ची आत्मा; जसन तुमके जोन हाग दिया जाऊ राआस आपलो हाग दिया गेलो ले गोटक ची आशा आसे।

इफिसीयो 5:8

कसनबल्लोने तुमी तो पयले अंधार राआस मान्तर अदायं परबु ने उजर आहास, मान्तर उजर चो पिलामन चो असन चला।

फिलिप्पियो 3:14

चिना चो बाटे पराते जाऊँ आंय, बल्ले हुन पुरूसकार मिरो जेचो काजे माहापुरू मोके मसीह ईशु ने उपरे हाग दिलो से।

कुलुस्सियो 1:12

आउर बुआ चो धन्यबाद करते राहा, जोन आमके ऐ लाईक बनालो कि उजर ने पवितर लोगमन चो संगे हक ने मिसुन रऊ।

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

कुलुस्सियो 1:5

हुन आशा करलोर बिती तीज चो लागुन जोन तुमचो काजे सरग ने संगालोर आसे, जेचो बरनन तुमी हुन नगतखबर चो सत बचन ले सुनुन चुकलासास,

कुलुस्सियो 2:2

बल्ले हुनमन चो मनमन ने शान्ति होओ आउर हुनमन मया ले आपस ने बन्दुन रओत, आउर हुनमन पुईतराय समज चो धन परापत करोत, आउर माहापुरू बुआ चो भेद के बल्लोने मसीह के चिता ओत।

कुलुस्सियो 3:15

मसीह चो शान्ति जेचो काजे तुमी गोटक देंह होऊन भाती हाग दिया बले गेलासास, तुमचो मन ने राज करो; आउर तुमी धन्यबादी बनुन राहा।

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

1 थिस्सलुनीकियो 5:8

मान्तर आमी जोन दिन चो आंव, बिश्वास आउर मया चो झिलम पिन्दुन भाती आउर मुक्ति चो आशा चो टोप पिन्दुन भाती खबड़दार राहा।

2 थिस्सलुनीकियो 1:11

ऐईकाजे आमी सदा तुमचो काजे पारथना बले करूं आंव कि आमचो माहापुरू तुमके ऐ हाग दिया जातोर चो लायक समजो, आउर भलाई चो हरकोनी इच्छा आउर बिश्वास चो हरकोनी काम के सामरत संगे पुरा करो,

2 थिस्सलुनीकियो 2:16

आमचो परबु ईशु मसीह खुद ची, आउर आमचो बुआ माहापुरू, जोन आमचो ले मया संगालो आउर अनुग्रह ले अमर शान्ति आउर अच्छा आशा दिलोसे,

1तीमुथियुस 6:12

बिश्वास चो अच्छा कुसती लड़; आउर हुन अमर जीवना के धरू रा, जेचो काजे तुय हाग दिया गेलीस आउर खुबे असन गोहईमन चो पुरे अच्छा अंगीकार करू रलीस।

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

तीतुस 3:7

जेचो ले आमी हुनचो अनुग्रह ले धरमी ठेबुन भाती, अमर जीवना चो आशा चो अनुसार हकदार बनु।

इब्रानियो 10:32

मान्तर हुन पाटे चो दिनमन के सुरता करा, जोन थाने तुमी उजर पाऊन भाती दुकमन चो बड़े भुगतोर ने थीर रलास।

इब्रानियो 6:4

कसनबल्लोने जोनमन गोटक हार उजर पावला से, आउर जोन सरग चो बर चो सुआद चाकुन चुकला से आउर पवितर आत्मा चो शामिल होऊन गेला से,

1 पतरस 1:3

आमचो परबु ईशु मसीह चो माहापुरू आउर बुआ चो धन्यबाद होओ, जोन ईशु मसीह चो मरलो थानले जीव उठलोर दुवारा, आपलो बड़े दया ले आमके जीव आशा चो काजे नवा जनम दिलो,

1 पतरस 3:9

खराप चो पलटा खराप नी करा आउर ना झगड़ा चो पलटा झगड़ा दिआस; मान्तर ऐचो पलटा आशीष ची दिआस, कसनबल्लोने तुमी आशीष चो हकदार होतो काजे हाग दिया गेलासास।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।