इफिसीयो 1:17 - Halbi

¹⁷ कि आमचो परबु ईशु मसीह चो माहापुरू जोन महिमा चो बुआ आय, तुमके आपलो पयचान ने गिआन आउर उजर चो आत्मा देओ,

परमेस्वर को सच्चो वचन ख जाननू

¹⁷ महिमामय बाप, जो कि हमरो प्रभु यीसु मसी को परमेस्वर जो मेहमा या बड़ाई को बाप आय, तुम ख अपनी पहिचान म ग्यान म अऊर प्रकास कि आत्मा दे,

इफिसीयो 1:17 Iomraidhean Croise

मत्ती 11:25

हुदलीदाय ईशु बल्लो, “हे बुआ, सरग आउर धरतनी चो परबु, मय तुचो धन्यबाद करेंसे कि तुय ऐ गोठमन के गिआनिमन आउर समजदारमन ले लुकाऊन संगालीस, आउर लेकामन उपरे उजागर करली सीस।

मत्ती 11:27

“मोचो बुआ मोके सब कुछ सोपलो से; आउर कोनी बेटा के नी जानोत, मात्र बुआ; आउर कोनी बुआ के नी जानोत, मात्र बेटा; आउर हुन जेचो उपरे बेटा हुनके उजागर करूक चाहाओ।

मत्ती 16:17

ईशु हुनके जबाप दिलो, “हे शिमोन, योना चो बेटा, तुय धन्य आस; कसनबल्लोने मास आउर लऊ ने नाई, मान्तर मोचो बुआ जोन सरग ने आसे, ऐ गोठ तुचो उपरे उजागर करलो से।

मत्ती 20:33

हुनमन हुनचो ले बल्ला, “हे परबु, ऐ कि आमचो आँईकमन खुलुन जाओ।”

मत्ती 6:13

‘आउर आमके परीक्षा ने नी आन, मान्तर खराप ले बचाव; (कसनबल्लोने राज आउर पराकरम आउर महिमा हरमेशा तुची ची आय।’” आमीन।)

लूका 12:12

कसनबल्लोने पवितर आत्मा हुदली ची दाय तुमके सिकाऊन देये दे कि काय बोलतोर आय।”

लूका 2:14

“बादरी ने माहापुरू चो महिमा आउर धरतनी थाने हुन मानेमन ने जेचो ले हुन हरिक आसे, शान्ति होओ।”

लूका 21:15

कसनबल्लोने मय तुमके असन गोठ आउर अकल देयें दें कि तुमचो सपाय बिरूदी सामना नाहले खंडन नी करूक सक दे।

यूहन्ना 14:17

बल्लोने सत चो आत्मा, जेके संवसार गरहन करूक नी सके, कसनबल्लोने हुन ना हुनके दकु आय आउर ना हुनके जाने से; तुमी हुनके जानास, कसनबल्लोने हुन तुमचो संगे रऊ आय, आउर हुन तुमचो ने होये दे।”

यूहन्ना 14:26

मान्तर सायक बल्लोने पवितर आत्मा जेके बुआ मोचो नाव ले पटाये दे, हुन तुमके सपाय गोठमन सिकाये दे, आउर जोन काई मय तुमचो ले बल्ले से, हुन सपाय तुमके सुरता कराये दे।”

यूहन्ना 16:3

असन हुनमन ऐईकाजे कर दे कि हुनमन ना बुआ के जानला से आउर ना मोके जानोत।

यूहन्ना 17:3

आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।

यूहन्ना 20:17

ईशु हुनचो ले बल्लो, “मोके नी छिंव, कसनबल्लोने मय ऐबे ले बुआ चो लगे उपरे नी गेले से, मान्तर मोचो भाईमन चो लगे जाऊन भाती हुनमन ले बोलुन देस, कि मय आपलो बुआ आउर तुमचो बुआ, आउर आपलो माहापुरू आउर तुमचो माहापुरू चो लगे उपरे जाये से।”

प्रेरितो 6:10

मान्तर हुन गिआन आउर हुन आत्मा चो जेचो ले हुन गोठयाते रलो, हुनमन सामना नी करूक सकला।

प्रेरितो 7:2

इस्त्फनुस बल्लो, “हे भाईमन, आउर बुआमन सुना। आमचो बुआ अब्राहाम हारान ने बसतो ले पयले जिदलदाय मेसोपोटामिया ने रलो; तेबे तेजमय माहापुरू हुनके दरशन दिलो।”

रोमियो 1:28

जिदलदाय हुनमन माहापुरू के चिताऊक नी चाहला, तेबे माहापुरू बले हुनमन के हुनमन चो ठगमन थाने छांडलो कि हुनमन घिन-घिना काम करोत।

रोमियो 15:6

बल्ले तुमी गोटक मन आउर गोटक राग ने आमचो परबु ईशु मसीह चो बुआ माहापुरू चो स्तुति करा।

1 कुरिन्थियो 12:8

कसनबल्लोने गोटक के आत्मा चो दुवारा अकल चो गोठमन दिया जाऊ आय, आउर दुसर के हुनी आत्मा चो अनुसार गिआन चो गोठमन।

1 कुरिन्थियो 14:6

ऐईकाजे हे भाईमन, अगर मय तुमचो लगे ऐऊन भाती दुसर भाषामन ने गोठयायें दे, आउर उजर नाहले गिआन नाहले अगम गोठ नाहले उद्देश्य चो गोठमन तुमनमन ले नी बोलें, तेबे मोचो ले तुमके काय फायदा होयेदे?

1 कुरिन्थियो 2:10

मान्तर माहापुरू हुनमन के आपलो आत्मा चो दुवारा आमचो उपरे परकट करलो, कसनबल्लोने आत्मा सपाय गोठमन, मान्तर माहापुरू चो गुन गोठमन बले जाचु आय।

1 कुरिन्थियो 2:8

जेके ऐ संवसार चो हाकिममन थानले कोनी नी जानला, कसनबल्लोने अगर हुनमन जानता तो चमक परबु के कुरूस थाने नी चेगाता।

2 कुरिन्थियो 12:1

मान्तर घमण्ड करतोर मोचो काजे ठीक नुआय तेबले बले करूक पडु आय; ऐईकाजे मय परबु चो दिलो बिती दरशनमन आउर परकाशनमन के चरचा करें दें।

इफिसीयो 1:3

आमचो माहापुरू आउर परबु ईशु मसीह चो बुआ चो धन्यबाद होओ कि हुन आमके मसीह ने सरग चो जगामन ने सपाय परकार चो आत्मिक आशीष दिलो से।

इफिसीयो 3:5

जोन दुसर समयामन ने मानेमन चो पिलामन के असन नी सांगा जाऊ रये, जसन कि आत्मा चो दुवारा अदायं हुनचो पवितर पठालोबितामन आउर अगम गिआनीमन उपरे परकट कराय गेली से।

इफिसीयो 4:13

जिदलदाय ले कि आमी सपाय के सपाय बिश्वास आउर माहापुरू चो बेटा चो पयचान ने गोटक नी होऊन जाऊँ, आउर गोटक सिद्ध माने नी बनुन जाऊँ आउर मसीह चो पुरा हाव-भाव लगले नी बडुन जाऊँ।

फिलिप्पियो 3:15

आमचो ने जितरो सिद्ध आत, ऐई बिचार संगाआ, आउर अगर कोनी गोठ ने तुमचो आउर ची बिचार होओ तेबे माहापुरू हुनके बले तुमचो उपरे परकट करून देयेदे।

2 तीमुथियुस 2:25

हुन बिरूदीमन के नम्रता ले समजाओ, काय जाने माहापुरू हुनमन के मन फिराव चो मन देओ कि हुनमन बले सत के चिता ओत,

तीतुस 1:1

पौलुस चो बाटले जोन माहापुरू चो दास आउर ईशु मसीह चो पठालोबिता आय, माहापुरू चो चुनलो लोगमन चो बिश्वास आउर हुन सत चो पयचान चो अनुसार जोन भक्ति चो अनुसार आय,

याकूब 2:1

ऐ मोचो भाईमन आमचो महिमा युक्त परबु ईशु मसीह उपरे तुमचो बिश्वास भेद-भाव चो संगे नी होओ।

2 पतरस 1:3

कसनबल्लोने हुनचो माहापुरू चो सामरत ने सपाय तीज जोन जीवना आउर भक्ति ले सम्बंध संगाऊ आय, आमके हुनचेई पयचान चो दुवारा दिलो से, जोन आमके आपलो ची महिमा आउर सद गुन चो अनुसार हाग दिलो से।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।

प्रकाशितवाक्य 7:12

“आमीन! आमचो माहापुरू चो स्तुति आउर महिमा आउर गिआन आउर धन्यबाद आउर ईजीत आउर सामरत आउर शक्ति जुग-जुग बनुन रओ। आमीन!”