कुलुस्सियो 4:3 - Halbi

³ आउर ऐचो संगे ची संगे आमचो काजे बले पारथना करते राहा कि माहापुरू आमचो काजे बचन सुनातोर असन दुआर उगाढुन देओ, कि आमी मसीह चो हुन भेद चो बरनन करूक सकु जेचो लागुन मय कयद ने आसे,

परमेस्वर को सच्चो वचन ख जाननू

³ अर ऐको संग ही संग हमारो लाने भी प्रार्थना करते रहनू कि परमेस्वर हमारो लाने वचन सुनान को असो दरवाजा खोल देहे, कि हम राज मसी ख बता सके, जोको लाने मी जेल म हैं,

कुलुस्सियो 4:3 Iomraidhean Croise

मत्ती 13:11

हुन जबाप दिलो, “तुमके सरग राज चो भेदमन चो समज दिया गेली से, मान्तर हुनमन के नाई।

प्रेरितो 14:27

हुता पोंचुन भाती हुनमन कलीसिया रूंडा करलो आउर सांगला कि माहापुरू हुनमन चो संगे होऊन भाती कसन बड़े-बड़े काम करलो, आउर दुसर जातिमन चो काजे बिश्वास चो कपाट उगाढुन दिलो।

रोमियो 16:25

अदायं जोन तुमके मोचो नगतखबर आउर ईशु मसीह चो खबर चो परचार चो अनुसार थीर करूक सके, हुन भेद चो उजर चो अनुसार जोन हरमेशा ले लुकु रली,

1 कुरिन्थियो 16:9

कसनबल्लोने मोचो काजे हुता गोटक बड़े आउर उपयोगी बाट खुला आसे, आउर बिरूदी खुबे असन आसोत।

1 कुरिन्थियो 4:1

माने आमके मसीह चो सेवक आउर माहापुरू चो भेदमन चो भण्डारी समजोत।

2 कुरिन्थियो 2:12

जिदलदाय मय मसीह चो नगतखबर सुनातो काजे त्रोआस ईले, आउर परबु मोचो काजे गोटक कपाट उगाढुन दिलो,

इफिसीयो 3:1

ऐई लागुन मय पौलुस जोन तुमी दुसर जातिमन चो काजे मसीह ईशु चो बन्दी आंय

इफिसीयो 3:3

बल्लोने ऐ कि हुन भेद मोचो उपरे परकाशन चो दुबारा परकट होली, जसन मय पयले ची संक्षेप ने लिकुन चुकले से,

इफिसीयो 3:4

जेचो ले तुमी पढुन भाती जानुक सकास कि मय मसीह चो हुन भेद काहां तक समजु आंय।

इफिसीयो 3:9

आउर सपाय उपरे ऐ गोठ परकाशीत करें दें कि हुन भेद चो जुगाड़ काय आय, जोन सपाय चो बनातो बिता माहापुरू ने मुर ले गुपत रये।

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

फिलिप्पियो 1:19

कसनबल्लोने मय जाने से कि तुमचो गुहार चो लागुन, आउर ईशु मसीह चो आत्मा चो दान बाटले, ऐचो करलो फल मोचो मुक्ति होयेदे।

फिलिप्पियो 1:7

ठीक आय कि मय तुमी सपाय चो काजे असने ची बिचार करेंदे, कसनबल्लोने तुमी मोचो मन ने ऐऊन बसलासास, आउर मोचो बन्दी ने आउर नगतखबर चो काजे जबाप आउर सबुत देतो ने तुमी सपाय मोचो संगे अनुग्रह ने शामिल आसास।

कुलुस्सियो 1:26

बल्लोने हुन भेद के जोन समयामन आउर पीढ़ीमन ले गुपत रली, मान्तर अदायं हुनचो हुन पवितर लोगमन उपरे परकट होली से।

कुलुस्सियो 4:18

मय पौलुस चो आपलो हाथ ले लिकलोर जुहार। मचो सिकरामन के सुरता संगाहा। तुमचो उपरे अनुग्रह होते रओ। आमीन।

1 थिस्सलुनीकियो 5:25

हे भाईमन, आमचो काजे पारथना करा।

2 तीमुथियुस 1:16

उनेसिफुरूस चो घरलोगमन उपरे परबु दया करो, कसनबल्लोने हुन खुबे हार मोचो जीव के सितर करलो आउर मोचो सिकरामन ले लाज नी होलो।

2 तीमुथियुस 2:9

जेचो काजे मय कुकरमी चो असन दुख उठाऊँ आय, ऐथा ले कि कयद बले आंसे; मान्तर माहापुरू चो बचन कयद निआय।

2 तीमुथियुस 4:2

कि तुय बचन चो परचार कर, समया आउर असमया तिआर रा, सपाय परकार चो सयनशक्ति आउर सिक्या चो संगे उलाहना देस आउर खिज आउर समजाव।

फिलेमोन 1:22

आउर ऐ बले कि मोचो काजे ठेबतो ठान तिआर संगाव। मोके आशा आसे कि तुमचो पारथनामन चो लागुन मय तुमके देऊन दिआय जायें दें।