कुलुस्सियो 4:2 - Halbi

² पारथना ने लगुन राहा, आउर धन्यबाद चो संगे हुनचो ने जागरत राहा;

परमेस्वर को सच्चो वचन ख जाननू

² प्रार्थना म लगीया रहो, अऊर धन्यवाद को संग ओ म सतरक रहो;

कुलुस्सियो 4:2 Iomraidhean Croise

मत्ती 26:41

चेता राहा, आउर पारथना करते राहा कि तुमी परीक्षा ने नी पड़ा! आत्मा तो तिआर आसे, मान्तर देंह कमजोर आसे।”

मरकुस 13:33

दका, चेत ने आउर पारथना करते राहा; कसनबल्लोने तुमी नी जानास कि हुन समया केबे ऐये दे।

लूका 18:1

फेर हुन ऐचो बारे ने कि सदा पारथना करतोर आउर हिम्मत नी छांडतोर आसे, हुनमन ले ऐ कहनी बल्लो:

लूका 21:36

ऐईकाजे चेत ने राहा आउर हर समया पारथना करते राआ कि तुमी ऐ सपाय ऐतो बिती घटनामन ले बाचतोर आउर माने चो बेटा चो पुरे उबा होतोर लायक बना।”

प्रेरितो 1:14

ऐ सपाय कितलो बायले लेकी आउर ईशु चो आया मरियम आउर हुनचो भाईमन चो संगे गोटक मन होऊन भाती पारथना ने लगुन रवत।

रोमियो 12:12

आशा ने हरिक राआ; कलेश ने थीर राआ; पारथना ने हरमेशा लगु राआ।

इफिसीयो 6:18

हर समया आउर सपाय परकार चो आत्मा ने पारथना, आउर गुहार करते राहा, आउर ऐईकाजे चेता राहा कि सपाय पवितर लोगमन चो काजे सरलगा गुहार करते राहा,

फिलिप्पियो 4:6

कोनी बले गोठ चो चिन्ता नी करा; मान्तर हरकोनी गोठ ने तुमचो गुहार, पारथना आउर गुहार चो दुआरा धन्यबाद चो संगे माहापुरू चो पुरे हाजिर करा जाओ।

कुलुस्सियो 1:9

ऐईकाजे जोन दिन ले ऐ सुनलु से, आमी बले तुमचो काजे ऐ पारथना करतोर आउर बिनती करतोर नी छांडु कि तुमी पुईतराय आत्मिक गिआन आउर समज संगे माहापुरू चो इच्छा चो पयचान ने भरपूर होऊन जाहा,

कुलुस्सियो 2:7

आउर हुनी थाने चेर धरते आउर बाड़ते जाहा; आउर तुमी सिकाय गेलास असने ची बिश्वास ने जमखम होते जाहा, आउर खुबे-खुबे धन्यबाद करते राहा।

कुलुस्सियो 3:15

मसीह चो शान्ति जेचो काजे तुमी गोटक देंह होऊन भाती हाग दिया बले गेलासास, तुमचो मन ने राज करो; आउर तुमी धन्यबादी बनुन राहा।

कुलुस्सियो 3:17

बचन ने नाहले काम ने जोन काई बले करा सपाय परबु ईशु चो नाव ले करा, आउर हुनचो लागुन माहापुरू बुआ चो धन्यबाद करा।

कुलुस्सियो 4:12

इपफ्रास, जोन तुमचो ले आय आउर मसीह ईशु चो दास आय, तुमके जुहार बलेंसें आउर सदा तुमचो काजे पारथनामन ने कोशिश करू आय, बल्ले तुमी सिद्ध होऊन भाती पुरा बिश्वास चो संगे माहापुरू चो इच्छा थाने थीर राहा।

1 पतरस 4:7

सपाय गोठमन चो आखरी तुरते होतो बिती आय; ऐईकाजे सहन करू होऊन भाती पारथना चो काजे चेत ने राहा।