कुलुस्सियो 3:3 - Halbi

³ कसनबल्लोने तुमी तो मरून गेलास आउर तुमचो जीवन मसीह चो संगे माहापुरू ने लुकलोर आसे।

परमेस्वर को सच्चो वचन ख जाननू

³ तुम ते मर चुक्या हैं, तुमरी जिन्दगी मसी को संग परमेस्वर म छिपो हुओ हैं।

कुलुस्सियो 3:3 Iomraidhean Croise

मत्ती 11:25

हुदलीदाय ईशु बल्लो, “हे बुआ, सरग आउर धरतनी चो परबु, मय तुचो धन्यबाद करेंसे कि तुय ऐ गोठमन के गिआनिमन आउर समजदारमन ले लुकाऊन संगालीस, आउर लेकामन उपरे उजागर करली सीस।

यूहन्ना 14:19

आउर खिन्डिक समया बाचली से, कि फेर संवसार मोके नी दके दे, मान्तर तुमी मोके दका से; ऐईकाजे कि मय जीव आंसे, तुमी बले जीव राहा से।

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

यूहन्ना 4:14

मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

यूहन्ना 5:21

जसन बुआ मरलो लोगमन के उठाऊ आय आउर जिआऊ आय, असने ची बेटा बले जोन के चाहाऊ आय हुनमन के जिआऊ आय।

यूहन्ना 5:24

मय तुमचो ले सते-सते बलें सें, जोन मोचो बचन सुनुन भाती मोचो पठालोबितामन थाने बिश्वास करू आय, अमर जीवना हुनचो आय; आउर हुनचो उपरे डण्ड चो हुकुम नी होये मान्तर हुन मरना ले निकरून भाती जीवना ने परवेश होऊन चुकलो से।

यूहन्ना 5:40

फेर बले तुमी जीवना पावतो काजे मोचो लगे ऐऊक नी चाहास।

रोमियो 5:10

कसनबल्लोने बयरी होतोर हाल ने हुनचो बेटा चो मरना चो कारन आमचो मेल माहापुरू चो संगे होली, तेबे फेर मेल होऊन गेलो ने हुनचो जीवन चो कारन आमी मुक्ति कसन नी पाऊँ दें?

रोमियो 5:21

कि जसन पाप ने मरना फयलाते-फयलाते राज करली, असने ची आमचो परबु ईशु मसीह चो कारन अनुग्रह बले अमर जीवन चो काजे धरमी ठेबा ते-ठेबा ते राज करो।

रोमियो 6:11

असने ची तुमी बले आपन खुद के पाप चो काजे तो मरा, मान्तर माहापुरू चो काजे मसीह ईशु ने जीव समजा।

रोमियो 6:2

केबीई नाई! आमी जिदलदाय पाप चो काजे मरून गेलु तेबे फेर पयले ले हुन थाने कसन जीवना बितावां?

रोमियो 8:2

कसनबल्लोने जीवन चो आत्मा चो नियम ने मसीह ईशु ने मोके पाप चो, आउर मरना चो नियम ले छुटछाड़ा करून दिलो।

1 कुरिन्थियो 15:45

असने ची लिकलोर बले आसे, कि “पईल माने, बल्लोने आदम जिन्दा प्राणी बनलो” आउर आखरी आदम जीवना देतो बिती आत्मा बनली।

1 कुरिन्थियो 2:14

मान्तर शारीरिक माने माहापुरू चो आत्मा चो गोठमन गरहन नी करे, कसनबल्लोने हुनमन हुनचो नजर ने मुरूकता चो गोठमन आय, आउर ना हुन हुनमन के जानुक सके कसनबल्लोने हुनमन चो जाच आत्मिक रीति ले होऊ आय।

2 कुरिन्थियो 5:14

कसनबल्लोने मसीह चो मया आमके बेबस करून देऊ आय; ऐईकाजे आमी ऐ समजु आंव कि जिदलदाय गोटक सपाय चो काजे मरलो तेबे सपाय मरून गेला।

2 कुरिन्थियो 5:7

कसनबल्लोने आमी रूप के दकुन भाती नाई, मान्तर बिश्वास ले चलु आंव।

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

इफिसीयो 3:9

आउर सपाय उपरे ऐ गोठ परकाशीत करें दें कि हुन भेद चो जुगाड़ काय आय, जोन सपाय चो बनातो बिता माहापुरू ने मुर ले गुपत रये।

फिलिप्पियो 4:7

तेबे माहापुरू चो शान्ति, जोन पूईतराय समज ले बाहार आय, तुमचो मन आउर तुमचो बिचारमन के मसीह ईशु ने सुरक्षित संगायेदे।

कुलुस्सियो 1:5

हुन आशा करलोर बिती तीज चो लागुन जोन तुमचो काजे सरग ने संगालोर आसे, जेचो बरनन तुमी हुन नगतखबर चो सत बचन ले सुनुन चुकलासास,

कुलुस्सियो 2:20

“जिदलदाय तुमी मसीह चो संगे जगत चो मुर सिक्या चो बाटले मरून गेलासास, तेबे फेर केंव हुनमन चो असन जोन संवसार चो आत जीवना बितायसास? तुमी असन बिदीमन चो बश ने केंव रयेसास

कुलुस्सियो 2:3

जोन थाने बुद्धि आउर गिआन चो पुईतराय भण्डार लुकलोर आसे।

कुलुस्सियो 3:4

जिदलदाय मसीह जोन आमचो जीव आय, परकट होये दे, तेबे तुमी बले हुनचो संगे महिमा संगे परकट कराय जाहा।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

1 पतरस 3:4

मान्तर तुमचो लुकलो बिती आउर गुपत माने, नम्रता आउर मन चो दिनता चो अमर सजावट ले सजुन रवत, कसनबल्लोने माहापुरू चो नजर ने ऐचो मोल बड़े आय।

1 पतरस 4:2

बल्ले अगम ने आपलो देंह चो जीवना मानेमन चो मनमानीमन चो अनुसार नाई मान्तर माहापुरू चो इच्छा चो अनुसार गुजारा।

1यूहन्ना 3:2

हे लाड़रामन अदायं आमी माहापुरू चो पिला आंव, आउर ऐबे तक ऐ परकट नी होली कि आमी काय-काय होंआ! इतलो जानु से कि जिदलदाय हुन परकट होये दे तेबे आमी हुनचो असन होवां, कसनबल्लोने हुनके असने ची दक दे जसन हुन आसे।

प्रकाशितवाक्य 2:17

“जेचो कान आसे हुन सुना कि आत्मा कलीसियामन ले काय बले से। जोन जय पावला, हुनके मय गुपत मन्ना थानले देयेंदे, आउर हुनके गोटक पंडरा पकना बले देयेंदे; आउर हुन पकना थाने गोटक नाव लिकलोर होयदे, जोन के हुनके पावतो बिता के छांडुन आउर कोनी नी जाने।”