कुलुस्सियो 1:5 - Halbi

⁵ हुन आशा करलोर बिती तीज चो लागुन जोन तुमचो काजे सरग ने संगालोर आसे, जेचो बरनन तुमी हुन नगतखबर चो सत बचन ले सुनुन चुकलासास,

परमेस्वर को सच्चो वचन ख जाननू

⁵ तुमरो भरोसा अऊर प्यार उ आसा पर आधारित हैं, जे स्वर्ग म तुमरो लाने वेव्सतीत हैं अऊर जोको बारे म तुम न तब सुनायो, तब चोक्खो सुसमाचार को सही को वचन सुन चुक्या हैं,

कुलुस्सियो 1:5 Iomraidhean Croise

लूका 12:33

आपलो धन-माल बिकुन भाती दान करून दिआस; आउर आपलो काजे असन बटवा बनावा जोन जुना नी होये, बल्ले सरग थाने असन धन रूंड़ा करा जोन घटु नुआय आउर जेचो लगे चोर नी जाओत, आउर कीड़ा नी नशा ओत।

प्रेरितो 10:36

जोन बचन हुन इस्राएलीमन चो लगे पठालो, जिदलदाय हुन ईशु मसीह चो बाटले (जोन सपाय चो परबु आय) शान्ति चो नगतखबर सुनालो,

प्रेरितो 13:26

हे भाईमन, तुमी जोन अब्राहाम चो पिलामन आस; आउर तुमी जोन माहापुरू ले डरू आस, तुमचो लगे ऐ मुक्ति चो बचन पटाया गेली से।

प्रेरितो 23:6

तेबे पौलुस ऐ जानुन भाती कि गोटक दल सदूकीमन आउर दुसर फरीसीमन चो आय, सभा ने हाग देऊन भाती बल्लो, “हे भाईमन, मय फरीसी आउर फरीसीमन चो बंश चो आंय, मरलो लोगमन चो आशा आउर जीव उठतोर बारे ने मोचो पेशी होये से।”

प्रेरितो 24:15

आउर माहापुरू ले आशा संगाऊ आंय जोन हुनमन खुद बले संगाऊ आत, कि धरमी आउर अधरमी दुनो चो जीव उठतोर होये दे।

रोमियो 10:8

मान्तर हुन काय बले से? ऐ कि “बचन तुचो लगे आसे, तुचो मुंह ने आउर तुचो मन ने आसे,” ऐ हुनी बिश्वास चो बचन आय, जोन आमी परचार करू आंव,

1 कुरिन्थियो 13:13

मान्तर अदायं बिश्वास, आशा, मया ऐ तीनो थीर आय, मान्तर ऐ मन ने सपाय ले बड़े मया आय।

1 कुरिन्थियो 15:19

अगर आमी मात्र ऐई जीवना ने मसीह ले आशा संगाऊ से तेबे आमी सपाय मानेमन ले जादा अभागा आंव।

2 कुरिन्थियो 5:19

बल्लोने माहापुरू मसीह ने होऊन भाती आमके आपलो संगे संवसार चो मिला-मिसा करलो, आउर हुनमन चो अपराधमन चो दोष हुनमन उपरे नी लगालो, आउर हुन मिला-मिसा चो बचन आमके सोपुन दिलोसे।

2 कुरिन्थियो 6:7

सत मया ले, सत चो बचन ले, माहापुरू चो सामरत ले, धारमिकता चो हत्यारमन ले, जोन उजा डेबरी हाथमन ने आसे,

गलातियो 2:14

मान्तर जिदलदाय मय दकले कि हुनमन नगतखबर चो सत उपरे सीदा चाल नी चलोत, तेबे मय सपाय चो पुरे कयफा ले बल्ले, “जिदलदाय तुय यहूदी होऊन भाती दुसर जातिमन चो अनुसार चल सीस आउर यहूदीमन चो असन नाई तेबे तुय दुसर जातिमन के यहूदिमन चो अनुसार चलतो काजे केंव बोल सीस?”

गलातियो 2:5

गोटक घड़ी भर हुनमन चो अधीन होतोर आमी नी मानलु, ऐईकाजे कि नगतखबर चो सत तुमनमन ने बनु रओ।

गलातियो 5:5

कसनबल्लोने आत्मा चो लागुन आमी बिश्वास ले, आशा करलो बिती धारमिकता चो बाट टाकुं से।

इफिसीयो 1:13

आउर हुनी थाने तुमचो थाने बले, जिदलदाय तुमी सत चो बचन सुनलास जोन तुमचो मुक्ति चो नगतखबर आय आउर जोन थाने तुमी बिश्वास करलास, बायदा करलो बिती पवितर आत्मा चो छापा लगली।

इफिसीयो 4:21

मान्तर तुमी सत-सत हुनचेई सुनलास आउर, जसन ईशु ने सत आसे, हुनी थाने सिकाय बले गेलास

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

कुलुस्सियो 3:16

मसीह चो बचन के आपलो मन ने जादा ले जादा बसुक दिआस, आउर सीद गिआन संगे गोटक दुसर के सिकाआ आउर जनावा, आउर आपलो-आपलो मन ने अनुग्रह चो संगे माहापुरू चो काजे भजन आउर स्तुति गीत आउर आत्मिक गीत गाहा।

1 थिस्सलुनीकियो 2:13

ऐईकाजे आमी बले माहापुरू चो धन्यबाद हरमेशा करूं आंव कि जिदलदाय आमचो लागुन माहापुरू चो नगतखबर चो बचन तुमचो लगे पहुँचली, तेबे तुमी हुनके मानेमन चो नाई मान्तर माहापुरू चो बचन समजुन भाती (आउर सते ऐ असने ची आय) गरहन करलास; आउर हुन तुमी बिश्वासीमन थाने जोन बिश्वास संगाऊ आहास, असर करू आय।

2 थिस्सलुनीकियो 2:16

आमचो परबु ईशु मसीह खुद ची, आउर आमचो बुआ माहापुरू, जोन आमचो ले मया संगालो आउर अनुग्रह ले अमर शान्ति आउर अच्छा आशा दिलोसे,

1तीमुथियुस 1:15

ऐ गोठ सत आउर हर परकार ले बिश्वास लायक आय कि मसीह ईशु पापीमन चो मुक्ति करतो काजे जगत ने ईलो, जोन थाने सपाय ले बड़े पापी मय आंय।

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

तीतुस 1:2

हुन अमर जीवना चो आशा थाने जेचो बायदा माहापुरू, जोन झूठ बोलुक नी सके जुग-जुग ले करलो से,

इब्रानियो 7:19

(ऐईकाजे कि नियम कोनी गोठ चो सिद्ध नी करला), आउर हुनचो जगा थाने गोटक असन बड़ीया आशा संगाया गेली से जेचो दुवारा आमी माहापुरू चो लगे जाऊक सकु।

1 पतरस 2:2

नवा जनम लो पिलामन चो असन निंगल आत्मिक गोरस चो आशा करा, बल्ले हुनचो दुवारा मुक्ति पावतो काजे बाड़ते जाहा,

1 पतरस 3:15

मान्तर मसीह के परबु जानुन भाती आपलो-आपलो मन ने पवितर माना। जोन कोनी तुमचो ले तुमचो आशा चो बारे ने काई पचार दे, हुनके जबाप देतो काजे हरमेशा तिआर राहा, मान्तर नम्रता आउर भय चो संगे;

2 पतरस 1:12

ऐईकाजे अगर तुमी ऐ गोठमन जानास, आउर जोन सत बचन तुमके मिरली से हुन थाने बनुन राआ, तेबले बले मय तुमके ऐ गोठमन चो सुरता दियातोर हरमेशा तिआर रयें दे।

1यूहन्ना 3:3

आउर जोन कोनी हुनचो उपरे ऐ आशा संगाऊ आय, हुन आपन खुद के असने ची पवितर करू आय जसन हुन पवितर आय।