प्रेरितो 8:12 - Halbi

¹² मान्तर जिदलदाय हुनमन फिलिप्पुस चो बिश्वास करला जोन माहापुरू चो राज आउर ईशु मसीह चो नाव चो नगतखबर सुनाते रलो तेबे लोग, काय माने, काय बायले लेकी, डूबन धरूक मुरयाला।

परमेस्वर को सच्चो वचन ख जाननू

¹² पर जब उनना जब फिलिप्पुस पा भरोसा करयो काहेकि ओ ना उनका परमेस्वर को राजा को सुसमाचार अऊर यीसु मसी को नाम सुनायो रहा, ते वी अदमी ओरत दोई से बपतिस्मा लेन लग गया।

प्रेरितो 8:12 Iomraidhean Croise

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

लूका 9:2

आउर हुनमन के माहापुरू चो राज चो परचार करतोर आउर बेमारमन के अच्छा करतो काजे पठालो।

लूका 9:60

हुन हुनचो ले बल्लो, “मरलो बितामन के आपलो मोड़ी तोपुक देस, मान्तर तुय जाऊन भाती माहापुरू चो राज चो कथा सुनाव।”

प्रेरितो 1:3

आउर हुन दुख उठालोर पाचे खुबे असन पक्का सबुतमन ले आपन खुद के हुनमन के जीवता दकालो, आउर चालीस दिन ले हुन हुनमन के दका देते रलो, आउर माहापुरू चो राज चो गोठमन करते रलो।

प्रेरितो 11:20

मान्तर हुनमन थानले कितलो साइप्रस बासी आउर कुरेनी रवत, जोन अन्ताकिया ने ऐऊन भाती यूनानीमन के बले परबु ईशु चो नगतखबर चो गोठमन सुनाऊक मुरयाला।

प्रेरितो 18:8

तेबे आराधना घर चो सरदार क्रिसपुस आपलो सपाय घरलोगमन संगे परबु उपरे बिश्वास करलो; आउर खुबे असन कुरिन्थबासी सुनुन भाती बिश्वास आनला आउर डूबन धरला।

प्रेरितो 19:5

ऐ सुनुन भाती हुनमन परबु ईशु चो नाव ले डूबन धरला।

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 2:41

आउर जोनमन हुनचो बचन के गरहन करला हुनमन डूबन धरला; आउर हुनी दिने तीन हजार मानेमन लग-भग हुनमन ने मिसुन गेला।

प्रेरितो 20:21

मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

प्रेरितो 20:25

अदायं दका, मय जाने कि तुमी सपाय जोनमन ने मय माहापुरू चो राज चो परचार करते फिर ले, मोचो थोमना फेर नी दकास।

प्रेरितो 28:31

आउर जोन हुनचो लगे ऐते रवत, हुन सपाय ले मिलते रलो आउर बिना रोक-टोक खुबे निडर होऊन भाती माहापुरू चो राज चो परचार करते आउर परबु ईशु मसीह चो गोठमन सिकाते रलो।

प्रेरितो 5:14

बिश्वास करतो बितामन खुबे असन माने आउर बायले लेकीमन परबु चो कलीसिया ने बड़े गेनती ने मिसते रवत।

प्रेरितो 8:4

जोन जतखत होऊन रवत, हुनमन नगतखबर सुनाते बुल्ला;

रोमियो 10:10

कसनबल्लोने धारमिकता चो काजे मन ले बिश्वास कराय जाऊ आय, आउर मुक्ति चो काजे मुंह ले अंगीकार कराय जाऊ आय।

1 कुरिन्थियो 11:11

तेबले बले परबु ने ना तो बायले लेकी बिना मनुक, आउर ना मनुक बिना बायले लेकी चो आत।

गलातियो 3:28

अदायं ना कोनी यहूदी रला आउर ना यूनानी, ना कोनी दास ना छुटछाड़ा, ना कोनी नर ना नारी, कसनबल्लोने तुमी सपाय मसीह ईशु ने गोटक आहास।

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।