प्रेरितो 6:3 - Halbi

³ ऐईकाजे हे भाईमन, आपलो थानले सात सुनाम मानेमन के जोन पवितर आत्मा आउर अकल ले समपूरन होओ, चुना, कि आमी हुनमन के ऐ काम थाने ठेबाऊन देऊ

परमेस्वर को सच्चो वचन ख जाननू

³ एकोलाने, “हे भई हुन, अपन म से सात सुनाम अदमी हुन का जे सुध्द आत्मा अर बुध्दि से भरपुर्न होए, चुन लोओ, कि हम उनका इ काम की जुम्मेदारी दे।

प्रेरितो 6:3 Iomraidhean Croise

मत्ती 23:8

मान्तर तुमी रब्बी नी बलाय हुआ, कसनबल्लोने तुमचो गोटक ची गुरू आसे, आउर तुमी सपाय भाई आस।

यूहन्ना 21:23

ऐईकाजे भाईमन ने ऐ गोठ फयलुन गेली कि हुन चेला नी मरे दे; तेबले बले ईशु हुनके ऐ नी बल्लो कि हुन नी मरे दे, मान्तर ऐ कि “अगर मय चाहायें कि हुन मोचो ऐ ओत ले ठेबुन रओ, तो तुके ऐचो ले काय?”

प्रेरितो 1:15

हुन दिनमन ने पतरस भाईमन चो मंजी ने जोन छय कोड़ी लोग चो अमरा अमरी रवत, उबा होऊन भाती बोलुक मुरयालो,

प्रेरितो 1:21

“ऐईकाजे जितरो दिन ले परबु ईशु आमचो संगे ऐते जाते रलो बल्लोने यूहन्ना चो डूबन ले धरून हुनचो आमचो लगले उठाया जाओत ले जोन लोग बराबर आमचो संगे रला,

प्रेरितो 10:22

हुनमन बल्ला, “कुरनेलियुस सुबेदार जोन धरमी आउर माहापुरू ले डरतो बिता आउर पुईतराय यहूदी जाति ने सुनाम माने आय, हुन गोटक पवितर सरगदूत ले ऐ निर्देश पावला से कि तुके आपलो घरे हाग देउन भाती तुचो ले बचन सुनोत।”

प्रेरितो 15:23

हुनमन-हुनमन चो हाथे ऐ लिकुन पठाला: “अन्ताकिया आउर सीरिया आउर किलिकिया चो रतो बिता भाईमन के जोन दुसर जातिमन थानले आत, पठालोबिता आउर सियान भाईमन चो जुहार।”

प्रेरितो 16:2

हुन लुस्त्रा आउर इकुनियुम चो भाईमन ने सुनाम रलो।

प्रेरितो 2:4

हुनमन सपाय पवितर आत्मा ले भरून गेला, आउर जसन परकार आत्मा हुनमन के बोलतोर सामरत दीली, हुनमन दुसर-दुसर भाषा बोलुक मुरयाला।

प्रेरितो 22:12

तेबे हनन्या नाव चो नियम चो अनुसार गोटक भगत माने, जोन हुता रतो बिता सपाय यहूदीमन ने सुनाम रलो, मोचो लगे ईलो,

प्रेरितो 28:14

हुता आमके भाई मिरला, आउर हुनमन चो बोलतो के आमी हुनमन चो थाने सात दिन तक रलु; आउर ऐई रीति ले आमी रोम बाटे गेलु।

प्रेरितो 6:2

तेबे हुन बारहों चेलामन चो मण्डली के आपलो लगे हाग देऊन भाती बल्ला, “ऐ नुकु नुआय कि आमी माहापुरू चो बचन छांडुन भाती खुआतो-पिआतोर चो सेवा ने रऊ।”

प्रेरितो 6:5

ऐ गोठ सपाय मण्डली के अच्छा लागली, आउर हुनमन स्तिफनुस नाव चो गोटक माने के जोन बिश्वास आउर पवितर आत्मा ले समपूरन रये, आउर फिलिप्पुस, आउर पुरखुरुस, आउर नीकानोर, आउर तीमोन, आउर परमिनास, आउर अन्ताकिया गड़ीया निकुलाऊस के जोन यहूदी दल ने ऐऊन जाऊ रये, चुनला।

प्रेरितो 6:6

ऐ मन के पठालोबितामन चो पुरे उबा करला आउर हुनमन पारथना करून हुनमन उपरे हाथ संगाला।

प्रेरितो 9:30

ऐ जानुन भाती भाई हुनके कैसरिया धरून आनलो, आउर तरसुस बाटे पटाऊन दिलो।

1 कुरिन्थियो 12:8

कसनबल्लोने गोटक के आत्मा चो दुवारा अकल चो गोठमन दिया जाऊ आय, आउर दुसर के हुनी आत्मा चो अनुसार गिआन चो गोठमन।

1 कुरिन्थियो 16:3

आउर जिदलदाय मय ऐयें दें, तेबे जोन के तुमी चाहा से हुनमन के मय चिठ्ठीमन देऊन भाती पटाऊन देयें दें कि तुमचो दान यरूशलेम अमराऊन दे ओत।

इफिसीयो 5:18

दाखरस ले मतवार नी बना, कसनबल्लोने ऐचो ले लुचपन होऊ आय, मान्तर आत्मा ले भरपूर होते जाआ,

1तीमुथियुस 5:10

आउर अच्छा काम ने सुनाम रऊन रओ, जोन पिलामन चो पालन पोषन करू रओ; सगा चो सेवा करू रओ, पवितर लोगमन चो पाँय धोऊ रओ, दुखिमन चो सायता करू रओ, आउर हरकोनी अच्छा काममन ने मन लगाऊ रओ।

याकूब 1:17

कसनबल्लोने हरकोनी अच्छा बर आउर हरकोनी बड़ीया दान उपर ची ले आय, आउर ज्योतिमन चो बुआ चो बाटले मिरू आय, जोन थाने ना तो कोनी बदलाव होऊक सके, आउर ना अदला बदला चो लागुन हुन थाने छांय पडु आय।

3 यूहन्ना 1:12

दिमेत्रियुस चो बारे ने सपाय, मान्तर सत बले खुद ची गोहई दिलो; आउर आमी बले गोहई देऊ सें, आउर तुय जानीस कि आमचो गोहई सते आय।