प्रेरितो 6:1 - Halbi

¹ हुन दिनमन ने जिदलदाय चेलामन चो गेनती खुबे बडूक मुरयाली, तेबे यूनानी भाषा बोलतो बितामन इब्रानी भाषा बोलतो बितामन थाने गुरमुरूक मुरयाला, कि रोजे दिना चो सेवकाई ने आमचो रान्डीमन चो सुद्धि नी धरा जाये।

परमेस्वर को सच्चो वचन ख जाननू

¹ कुछ रोज बाद चेला हुन कि संख्या बड़ रही हैं ते यूनानी भासा बोलन वाला यहूदी विस्‍वास भासा बोलन वाला एक विस्वासी काहेकि इब्रानी यूनानी यहूदी विस्वासी यु दावा कर रया हता उन कि विदवा हुन को दैनिक वितरण कि चिज हुन म से नजर अनदाज कियो जावा हैं।

प्रेरितो 6:1 Iomraidhean Croise

मत्ती 23:13

“हे कपटी शास्तरीमन आउर फरीसीमन, तुमचो उपरे हाय! तुमी मानेमन चो काजे सरग राज चो दुआर बंद कर सास, ना तो खुद हुन थाने ओलु आस आउर ना हुन थाने ओलतो बितामन के ओलुक देऊ आस।

प्रेरितो 11:20

मान्तर हुनमन थानले कितलो साइप्रस बासी आउर कुरेनी रवत, जोन अन्ताकिया ने ऐऊन भाती यूनानीमन के बले परबु ईशु चो नगतखबर चो गोठमन सुनाऊक मुरयाला।

प्रेरितो 11:26

जिदलदाय हुन हुनके भेटलो तेबे हुनके अन्ताकिया आनलो; आउर असन होली कि हुनमन गोटक बरक ले कलीसिया चो संगे मिलतोर आउर खुबे लोगमन के उपदेश देते रला; आउर चेलामन सपाय ले पयले अन्ताकिया ने ची मसीह बलाया गेला।

प्रेरितो 11:29

तेबे चेलामन ठानला कि हरकोनी आपलो-आपलो पुंजी चो अनुसार यहूदिया ने रतो बिता भाईमन चो सायता काजे काई पटाऊं।

प्रेरितो 2:41

आउर जोनमन हुनचो बचन के गरहन करला हुनमन डूबन धरला; आउर हुनी दिने तीन हजार मानेमन लग-भग हुनमन ने मिसुन गेला।

प्रेरितो 2:45

हुनमन आपलो-आपलो धनमाल आउर समान बिकुन-बिकुन भाती जसन जेचो जरूरत होते रली बाटते रवत।

प्रेरितो 2:47

आउर माहापुरू चो स्तुति करते रवत, आउर सपाय लोग हुनमन ले हरिक रवत; आउर जोन मुक्ति पाते रवत, हुनमन के परबु रोजे दिना हुनमन ने मिसान देते रये।

प्रेरितो 4:35

आउर जसन जोन के जरूरत होते रली, हुनचो अनुसार हरकोनी के बाटते रवत।

प्रेरितो 4:4

मान्तर बचन चो सुनतो बितामन थानले खुबेमन बिश्वास करला, आउर हुनमन चो गेनती पांच हजार मानेमन चो लगे-लगे होऊन गेली।

प्रेरितो 5:14

बिश्वास करतो बितामन खुबे असन माने आउर बायले लेकीमन परबु चो कलीसिया ने बड़े गेनती ने मिसते रवत।

प्रेरितो 5:28

“काय आमी तुमके जनाऊन भाती हुकुम नी देऊ रलु। कि तुमी ऐ नाव ले उपदेश नी करा? तेबले बले दका, तुमी पुईतराय यरूशलेम के आपलो उपदेश ले भरून दिलासास आउर हुन माने चो लऊ आमचो टोडरा थाने आनुक चाहायसास।”

प्रेरितो 6:2

तेबे हुन बारहों चेलामन चो मण्डली के आपलो लगे हाग देऊन भाती बल्ला, “ऐ नुकु नुआय कि आमी माहापुरू चो बचन छांडुन भाती खुआतो-पिआतोर चो सेवा ने रऊ।”

प्रेरितो 6:7

माहापुरू चो बचन फयलते गेली आउर यरूशलेम ने चेलामन चो गेनती खुबे बड़ते गेली; आउर याजकमन चो गोटक बड़े समाज ऐ दल के मानतो बिता होऊन गेलो।

प्रेरितो 9:29

आउर बेधड़क होऊन भाती परबु चो नाव ले परचार करते रलो; आउर यूनानी भाषा बोलतो बितामन यहूदीमन चो संगे गोठ बात आउर बहस करते रलो; मान्तर हुनमन हुनके मारून देतोर कोशिश करूक मुरयाला।

प्रेरितो 9:39

तेबे पतरस उठून भाती हुनमन चो संगे होऊन गेलो, आउर जिदलदाय हुन अमरलो तेबे हुनमन हुनके हुन अटारी थाने नीला। सपाय रान्डीमन गागते-गागते हुनमन चो लगे ऐऊन उबा होला, आउर जोन कुड़तामन आउर फटीईमन दोरकास हुनमन चो संगे रते-रते बनाऊ रये, दकाऊक मुरयाला।

प्रेरितो 9:41

हुन हाथ देऊन भाती हुनके उठालो, आउर पवितर लोगमन आउर रान्डीमन के हाग देऊन भाती हुनके जीवता दकान दिलो।

रोमियो 12:7

अगर सेवा करतोर दान मिरली से, तेबे सेवा ने लगु राआ; अगर कोनी सिकातो बिता होओ, तेबे सिकातो ने लगु रओ;

1 कुरिन्थियो 10:10

आउर ना तुमी कुड़ कुड़ावा, जोन रीति ले हुनमन थानले कितलोमन कुड़ कुड़ाला आउर नष्ट करतो बिता चो बाटले नष्ट करा गेला।

2 कुरिन्थियो 11:22

काय हुनीमन ची इब्रानी आत? मय बले आंय। काय हुनीमन ची इस्राएली आत? मय बले आंय। काय हुनीमन ची अब्राहाम चो बंश आत? मय बले आंय।

फिलिप्पियो 3:5

आंटवा दिन मोचो खतना होली, इस्राएल चो बंश, आउर बिन्यामीन चो बोस चो आंय; इब्रानिमन चो इब्रानी आय; नियम चो बारे ने अगर बोला तो फरीसी आंय।

1तीमुथियुस 5:3

हुन रान्डीमन चो, जोन सते रान्डी आय, ईजीत कर।

1तीमुथियुस 5:9

हुन रान्डी चो नाव लिका जाओ जोन साठ बरक ले कम चो नी होओ, आउर गोटक ची मुनुक चो बायले रऊन रओ,

इब्रानियो 13:1

भाईचारा चो मया बनु रओ।

याकूब 1:27

आमचो माहापुरू आउर बुआ चो लगे शुद्ध आउर निंगल भक्ति ऐ आय कि पोरटामन आउर रान्डीमन चो कलेश ने हुनमन चो सुद्धि धरो, आउर आपन खुद के संवसार ले निसकलंक संगाओ।

याकूब 4:5

काय तुमी ऐ समजु आस कि पवितर शास्त्र फकाहा बोलु आय, “जोन आत्मा के हुन आमचो भीतरे बसालो से, काय हुन असने लालच करू आय जेचो करलो फल कुचर होओ”?

याकूब 5:9

हे भाईमन, गोटक दुसर उपरे दोष नी लगाहा, बल्ले तुमी दोषी नी ठेबा; दका, हाकिम दुआर थाने उबा आसे।