प्रेरितो 26:16 - Halbi

¹⁶ मान्तर तुय उठ, आपलो पाँयमन ने उबा हो; कसनबल्लोने मय तुके ऐईकाजे दरशन दिले से कि तुके हुन गोठमन चो बले सेवक आउर गोहई ठेबायें, जोन तुय दकली सीस, आउर हुनमन चो बले जोनमन काजे मय तुके दरशन देयें दें।

परमेस्वर को सच्चो वचन ख जाननू

¹⁶ पर अब तू उठ अपनो पाय पर खड़ो हो काहे की मी न तो ख एको लाने दर्सन दियो हैं कि तो ख वी बाप हुन को सेवक अर गवाह ठहराऊ जे तू न देखी हैं, अर उनको भी जिनको लाने मी तो ख दर्सन देऊ।

प्रेरितो 26:16 Iomraidhean Croise

लूका 1:2

जसन कि हुनमन जोन पईल ले ची ऐ गोठमन चो दकतो बितामन आउर बचन चो सेवकमन रवत, आमचो लगे पोंचाला।

प्रेरितो 1:17

कसनबल्लोने हुन तो आमचो ने गेना गेलो, आउर ऐ सेवा काम ने शामिल होलो।

प्रेरितो 1:25

“कि हुन ऐ सेवा काम आउर पठालोबिता काम चो पद धरो, जेके यहूदा छांडुन भाती आपलो जगा ने जाते गेलो।”

प्रेरितो 20:24

मान्तर मय आपलो जीव के काई नी समजे कि हुनके लाड़ जाने, मान्तर ऐ कि मय आपलो परानी के आउर हुन सेवा के पुरा करें दें, जोन मय माहापुरू चो अनुग्रह चो नगतखबर थाने गोहई देतो काजे परबु ईशु ले पावले से।

प्रेरितो 21:19

तेबे हुन हुनमन के जुहार करून, जोन-जोन काम माहापुरू हुनचो सेवा चो बाटले दुसर जातिमन ने करू रलो, गोटक-गोटक करून सपाय सांगला।

प्रेरितो 22:10

तेबे मय बल्ले, हे परबु, मय काय करू आंय? परबु मोचो ले बल्लो, उठून भाती दमिश्क ने जा, आउर जोन काई तुचो करतो काजे ठेबाया गेली से हुता तुके सपाय सांगुन दिया जाये दे।

प्रेरितो 23:11

हुनी राती परबु हुनचो लगे उबा होऊन भाती बल्लो, “हे पौलुस, हिम्मत बांद; कसनबल्लोने जसन तुय यरूशलेम ने मोचो गोहई दिलीस, असने ची तुके रोम ने बले गोहई देतोर होये दे।”

प्रेरितो 26:15

मय बल्ले, हे परबु, तुय कोन आस? परबु बल्लो, मय ईशु आंय, जोन के तुय कन्दराय सीस।

प्रेरितो 6:4

मान्तर आमी तो पारथना ने आउर “बचन चो सेवा ने लगुन रवां।”

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 15:16

कि मय दुसर जातिमन चो काजे मसीह ईशु चो सेवक होऊन भाती माहापुरू चो नगतखबर चो सेवक याजक चो समान करे, जेचो ले दुसर जातिमन चो माना चेगाया जातोर, पवितर आत्मा ले पवितर बनुन भाती गरहन कराय जाओ।

2 कुरिन्थियो 4:1

ऐईकाजे जिदलदाय आमचो उपरे असन दया होली कि आमके ऐ सेवा मिरली, तेबे आमी हिम्मत नी छांडु।

2 कुरिन्थियो 5:18

ऐ सपाय गोठमन माहापुरू चो बाटले आय, जोन मसीह चो दुवारा आपलो संगे आमचो मिला-मिसा करलो, आउर मिला-मिसा चो सेवा आमके सोपुन दिलोसे।

गलातियो 1:12

कसनबल्लोने हुन मोके माने चो बाटले नी पोंहचली, आउर ना मोके सिकाय गेली, मान्तर ईशु मसीह चो परकाशन ले मिरली।

गलातियो 2:2

मोचो जातोर ईश्पर परकाशन चो अनुसार होली; आउर जोन नगतखबर मय दुसर जातिमन ने परचार करें से, हुनके मय हुनमन के सांगुन दिले, मान्तर एकान्त ने हुनमन के जोन बड़े समजा जाते रवत, बल्ले असन नी होओ कि मोचो ऐ समया चो नाहले पिछला दौड़ धुप फकाहा ठेबो।

इफिसीयो 3:3

बल्लोने ऐ कि हुन भेद मोचो उपरे परकाशन चो दुबारा परकट होली, जसन मय पयले ची संक्षेप ने लिकुन चुकले से,

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:25

जेचो मय माहापुरू चो हुन जुगाड़ चो अनुसार सेवक बनले जोन तुमचो काजे मोके सोपला, बल्ले मय माहापुरू चो बचन के पुरा-पुरा परचार करें।

कुलुस्सियो 1:7

हुनचो सिक्या तुमी आमचो लाड़रा संगे कामकरू इपफ्रास ले पावलास, जोन आमचो काजे मसीह चो बिश्वास लायक सेवक आय।

1 थिस्सलुनीकियो 3:2

आउर आमीमन तीमुथियुस के, जोन मसीह चो नगतखबर ने आमचो भाई आउर माहापुरू चो सेवाकरू आय, ऐईकाजे पठाले कि हुन तुमके थीर करो आउर तुमचो बिश्वास चो बारे ने तुमके समजाओ,

1तीमुथियुस 1:12

मय आपलो परबु मसीह ईशु चो जोन मोके सामरत दिलो से, धन्यबाद करें से कि हुन मोके बिश्वास लायक समजुन भाती आपलो सेवा चो काजे ठेबालो।

1तीमुथियुस 4:6

अगर तुय भाईमन के ऐ गोठमन चो सुद्धि दिआते रसे, तो मसीह ईशु चो अच्छा सेवक ठेब से; आउर बिश्वास आउर हुन अच्छा उपदेश चो गोठमन ले, जोन तुय मानते ईली सीस, तुचो पालन पोषन होते रयदे।

2 तीमुथियुस 4:5

मान्तर तुय सपाय गोठमन ने बाचुन रा, दुख उठाव, नगतखबर परचार चो काम कर, आउर आपलो सेवा के पुरा कर।