प्रेरितो 2:4 - Halbi

⁴ हुनमन सपाय पवितर आत्मा ले भरून गेला, आउर जसन परकार आत्मा हुनमन के बोलतोर सामरत दीली, हुनमन दुसर-दुसर भाषा बोलुक मुरयाला।

परमेस्वर को सच्चो वचन ख जाननू

⁴ वी सब दी अर ओमा से भरख गयो, अर जे प्रकार सुध्द आत्मा हैं उन्हे बोलन की सामर्थ्य दी, वी अन्य अन्य भासा हुन बोलन लगिया।

प्रेरितो 2:4 Iomraidhean Croise

मत्ती 10:19

जिदलदाय हुनमन तुमके धरादे तेबे ऐ चिन्ता नी करा कि आमी कसन रीति ले नाहले काय बोलवां, कसनबल्लोने जोन काई तुमके बोलतोर होयेदे, हुन हुनी घड़ी तुमके सांगुन दिआ जायेदे।

मरकुस 16:17

बिश्वास करतो बितामन ने ऐ चिना हो दे कि हुनमन मोचो नाव ले दुष्टआत्मामन के निकरा दे, नवा-नवा भाषा बोल दे,

लूका 1:15

कसनबल्लोने हुन परबु चो पुरे माहान होये दे; आउर दाखरस आउर मंद केबीई नी पिये; आउर आपलो आया चो गरब ले ची पवितर आत्मा ले समपूरन होऊन जायेदे;

लूका 1:41

जसने ची इलीशिबा मरियम चो जुहार सुनली, असने ची पिला हुनचो पेट ने उदललो, आउर इलीशिबा पवितर आत्मा ले परिपुरन होली।

लूका 1:67

हुनचो बुआ जकर्याह पवितर आत्मा ले भरपूर होऊन गेलो आउर अगम गोठ करूक मुरयालो।

लूका 12:12

कसनबल्लोने पवितर आत्मा हुदली ची दाय तुमके सिकाऊन देये दे कि काय बोलतोर आय।”

लूका 21:15

कसनबल्लोने मय तुमके असन गोठ आउर अकल देयें दें कि तुमचो सपाय बिरूदी सामना नाहले खंडन नी करूक सक दे।

लूका 4:1

फेर ईशु पवितर आत्मा ले भरून, यरदन लंदी ले फिरलो; आउर आत्मा चो चलालो ले रान ने फिरते रलो;

यूहन्ना 14:26

मान्तर सायक बल्लोने पवितर आत्मा जेके बुआ मोचो नाव ले पटाये दे, हुन तुमके सपाय गोठमन सिकाये दे, आउर जोन काई मय तुमचो ले बल्ले से, हुन सपाय तुमके सुरता कराये दे।”

यूहन्ना 20:22

ऐ बोलुन भाती हुन हुनमन चो उपरे फुक लो आउर हुनमन ले बल्लो, “पवितर आत्मा धरा।

प्रेरितो 1:5

“कसनबल्लोने यूहन्ना तो पानी ने डूबन दिलो से मान्तर खिन्डिक दिनमन चो पाचे तुमी पवितर आत्मा ले डूबन पाआ से।”

प्रेरितो 1:8

“मान्तर जिदलदाय पवितर आत्मा तुमचो उपरे ऐये दे तेबे तुमी सामरत पाआ से; आउर यरूशलेम आउर सपाय यहूदिया आउर सामरिया ने, आउर धरतनी चो कोना-कोना ले मोचो गोहई हुआ से।”

प्रेरितो 10:46

कसनबल्लोने हुनमन हुनके बरन-बरन चो भाषा बोलतोर आउर माहापुरू चो बड़ाई करतोर सुनला। ऐई थाने पतरस बल्लो,

प्रेरितो 10:47

“काय कोनी पानी चो रोक करूक सकु आय कि ऐ डूबन नी पाओत, जोनमन आमचो असन पवितर आत्मा पावला सोत?”

प्रेरितो 11:15

जिदलदाय मय गोठयाऊक मुरयाले, तेबे पवितर आत्मा हुनमन उपरे हुनी रीति ले उतरली जोन रीति ले मुर ने आमचो उपरे उतरू रये।

प्रेरितो 11:24

हुन गोटक अच्छा माने रलो, आउर पवितर आत्मा आउर बिश्वास ले समपूरन रलो; आउर दुसर खुबे असन लोग परबु ने ऐऊन मिसला।

प्रेरितो 13:52

आउर चेला हरिक ले आउर पवितर आत्मा ले समपूरन होते गेला।

प्रेरितो 13:9

तेबे शाऊल जेचो नाव पौलुस बले आय, पवितर आत्मा ले भरून हुनचो बाटे नजर गड़ाऊन भाती दकलो आउर बल्लो,

प्रेरितो 15:8

मन चो जाचतो बिता माहापुरू हुनमन के बले आमचो असन पवितर आत्मा देऊन भाती हुनमन चो गोहई दिलो;

प्रेरितो 19:6

जिदलदाय पौलुस हुनमन चो उपरे हाथ संगालो, तेबे पवितर आत्मा हुनमन उपरे उतरली, आउर हुनमन अलग-अलग भाषा बोलुक आउर अगम गोठ करूक मुरयाला।

प्रेरितो 2:11

“बल्लोने यहूदी आउर यहूदी दल धारन करतो बितामन, क्रेती आउर अरबी बले आत, मान्तर आपलो-आपलो भाषा ने हुनमन ले माहापुरू चो बड़े-बड़े काममन चो गोठ बात सुनु आत।”

प्रेरितो 2:3

आउर हुनमन के आईग चो असन जीबमन फाटलो असन दका दीली आउर हुनमन ले सपाय चो उपरे ऐऊन ठेबली।

प्रेरितो 4:31

जिदलदाय हुनमन पारथना करून चुकला, तेबे हुन जगा जोन थाने हुनमन रूंड़ा रवत हलुन गेली, आउर हुनमन सपाय पवितर आत्मा ले भरपूर होऊन गेला, आउर माहापुरू चो बचन हिम्मत ले सुनाते रला।

प्रेरितो 4:8

तेबे पतरस पवितर आत्मा ले भरपूर होऊन भाती हुनमन ले बल्लो,

प्रेरितो 6:3

ऐईकाजे हे भाईमन, आपलो थानले सात सुनाम मानेमन के जोन पवितर आत्मा आउर अकल ले समपूरन होओ, चुना, कि आमी हुनमन के ऐ काम थाने ठेबाऊन देऊ

प्रेरितो 6:5

ऐ गोठ सपाय मण्डली के अच्छा लागली, आउर हुनमन स्तिफनुस नाव चो गोटक माने के जोन बिश्वास आउर पवितर आत्मा ले समपूरन रये, आउर फिलिप्पुस, आउर पुरखुरुस, आउर नीकानोर, आउर तीमोन, आउर परमिनास, आउर अन्ताकिया गड़ीया निकुलाऊस के जोन यहूदी दल ने ऐऊन जाऊ रये, चुनला।

प्रेरितो 6:8

स्तिफनुस अनुग्रह आउर सामरत ले समपूरन होऊन भाती लोगमन ने बड़े-बड़े भयंकर काम आउर चिना दकाया करते रलो।

प्रेरितो 7:55

मान्तर हुन पवितर आत्मा ले समपूरन होऊन भाती सरग बाटे दकलो आउर माहापुरू चो महिमा के आउर ईशु के माहापुरू चो उजा बाटे उबा होलोर दकुन भाती

प्रेरितो 8:17

तेबे हुनमन-हुनमन उपरे हाथ संगाला आउर हुनमन पवितर आत्मा पावला।

प्रेरितो 9:17

तेबे हनन्या उठून भाती हुन घर ने गेलो, आउर हुनचो उपरे आपलो हाथ संगाऊन भाती बल्लो, “हे भाई शाऊल, परबु, बल्लोने ईशु जोन हुन बाट ने, जाहां ले तुय ईलीस तुके दका दिलो, हुनी मोके पठालो से कि तुय फेर दकुक सक आउर पवितर आत्मा ले समपूरन हो।”

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

1 कुरिन्थियो 12:10

फेर कोनी के सामरत चो काम करतोर शक्ति, आउर कोनी के अगम गोठ चो, आउर कोनी के आत्मामन चो परक, आउर कोनी के अनेक परकार चो भाषा, आउर कोनी के भाषामन चो अरत सांगतोर।

1 कुरिन्थियो 13:1

अगर मय मानेमन आउर सरग दूतमन चो बोलीमन बलेंदें आउर मया नी संगायें, तेबे मय ठन ठनातो बिती पीतल आउर झन-झनातो बिती झांझ आंय।

1 कुरिन्थियो 13:8

मया केबे गुचु नुआय; अगम गोठ होओ, तो सरून जाये दे; भाषामन होओ, तो जाते रयदे; गिआन होओ, तो मेटून जायेदे।

1 कुरिन्थियो 14:18

मय आपलो माहापुरू चो धन्यबाद करू आंय, कि मय तुमी सपाय ले आगर दुसर भाषामन ने बोलु आंय।

1 कुरिन्थियो 14:5

मय चाहायें से कि तुमी सपाय दुसर भाषामन ने गोठयाआ मान्तर ऐचो ले आगर ऐ चाहायें से कि अगम गोठ करा: कसनबल्लोने अगर दुसर भाषामन बोलतो बिता कलीसिया चो उन्नती काजे अनुवाद नी करे तो अगम गोठ करतो बिता हुनचो ले बडुन भाती आय।

इफिसीयो 3:19

आउर मसीह चो हुन मया के जानुक सका जोन गिआन ले लापी आसे कि तुमी माहापुरू चो सपाय भरपूर ले समपूरन होऊन जाहा।

इफिसीयो 5:18

दाखरस ले मतवार नी बना, कसनबल्लोने ऐचो ले लुचपन होऊ आय, मान्तर आत्मा ले भरपूर होते जाआ,

इफिसीयो 6:18

हर समया आउर सपाय परकार चो आत्मा ने पारथना, आउर गुहार करते राहा, आउर ऐईकाजे चेता राहा कि सपाय पवितर लोगमन चो काजे सरलगा गुहार करते राहा,

1 पतरस 1:12

हुनमन उपरे ऐ परकट करा गेली कि हुनमन आपलो नाई मान्तर तुमचो सेवा चो काजे ऐ गोठमन बोला करते रओत, जेचो खबर अदायं तुमके हुनमन चो दुवारा मिरली जोनमन पवितर आत्मा चो दुवारा, जोन सरग ले पटाया गेली, तुमके नगतखबर सुनाला; आउर ऐ गोठमन के सरगदूत बले धिआन ले दकतोर इच्छा संगाऊ आत।

2 पतरस 1:21

कसनबल्लोने कोनी बले अगम गोठ माने चो इच्छा ले केबीई नी होली, मान्तर भगत जन पवितर आत्मा चो दुवारा उभरुन जाऊन भाती माहापुरू चो बाटले बोलते रवत।