प्रेरितो 2:10 - Halbi

¹⁰ आउर फ्रुगिया आउर पंफूलिया आउर मिस्र आउर लीबिया देश जोन कुरेने चो लगे-लगे आसे, ऐ सपाय देशमन चो रतो बितामन आउर रोमि परवासी,

परमेस्वर को सच्चो वचन ख जाननू

¹⁰ अर फूगिया अर पंफूलिया, अर मिसर अर निकट लीबिया को रहन वालो; रोम को यहूदी अर गैर यहूदी कुछ परदेस ख लोग देस जे कुरेने क आसा पास हैं, इ सब देस हुन क रहन वाला अर रोमी प्रवासी,

प्रेरितो 2:10 Iomraidhean Croise

मत्ती 2:15

आउर राजा हेरोदेस चो मरोत ले हुताय रलो। ऐईकाजे कि हुन बचन जोन परबु होशे अगम गिआनी चो दुवारा बोलुन रलो पुरा होओ “मय आपलो बेटा के मिस्र ले हाग दिले।”

मत्ती 23:15

“हे कपटी शास्तरीमन आउर फरीसीमन, तुमचो उपरे हाय! तुमी गोटक जन के आपलो मान्दी ने आनतो काजे सपाय पानी आउर भुईं ने फिरे सास, आउर जिदलदाय हुन मान्दी ने ऐऊन जाऊ आय तेबे हुनके आपलो ले दुना नरक बनान देऊ आस।

मत्ती 27:32

बाहरे जाते-जाते हुनमन के शिमोन नाव चो गोटक कुरेनी माने मिरलो। हुनमन हुनके फकाहा ने धरला कि हुनचो कुरूस उठाऊन धरून जाओ।

मरकुस 15:21

सिकन्दर आउर रूफुस चो बुआ शिमोन, गोटक कुरेनी माने, जोन गाँव ले ऐते रलो हुन बाट ले निकरलो; हुनमन हुनके जबड़दस्ती ने धरला कि हुनचो कुरूस उठाऊन धरून जाओ।

प्रेरितो 11:20

मान्तर हुनमन थानले कितलो साइप्रस बासी आउर कुरेनी रवत, जोन अन्ताकिया ने ऐऊन भाती यूनानीमन के बले परबु ईशु चो नगतखबर चो गोठमन सुनाऊक मुरयाला।

प्रेरितो 13:1

अन्ताकिया चो कलीसिया ने कितलो अगम गिआनी आउर उपदेशक रवत; जसन बरनबास आउर शिमोन जोन नीगर बलाया जाऊ आय; आउर लुकियुस कुरेनी, आउर चवथा देश चो राजा हेरोदेस चो पोसवा भाई मनाहेम, आउर शाऊल।

प्रेरितो 13:13

पौलुस आउर हुनचो संगवारी पाफुस ले जाहाज खोलुन भाती पंफूलिया चो पिरगा ने ईला; आउर यूहन्ना हुनमन के छांडुन भाती यरूशलेम ने बाहाडून गेलो।

प्रेरितो 13:43

जिदलदाय आराधना सभा उठून गेली तेबे यहूदीमन आउर यहूदी दल ने ईलो भगतमन थानले खुबे असन पौलुस आउर बरनबास चो पाट-पाट होला; आउर हुनमन-हुनमन चो ले गोठमन करून समजाला कि माहापुरू चो अनुग्रह ने बनु राहा।

प्रेरितो 14:24

तेबे पिसिदिया ले होते-होते हुनमन पंफूलिया पोंचला;

प्रेरितो 15:38

मान्तर पौलुस हुनके जोन पंफूलिया ने हुनमन ले अलग होऊन जाऊ रलो, आउर काम थाने हुनमन चो संगे नी गेलो, संगे धरून जातोर अच्छा नी समजलो।

प्रेरितो 16:6

हुनमन फ्रुगिया आउर गलातिया परदेशमन ले होऊन भाती गेला, कसनबल्लोने पवितर आत्मा हुनमन के आसिया ने बचन सुनातो ले मना करलो।

प्रेरितो 17:21

(ऐईकाजे कि सपाय एथेन्स बितामन आउर परदेशीया जोन हुता रते रवत, नवा-नवा गोठमन बोलतोर आउर सुनतोर छांडुन आउर कोनी काम ने समया नी बिताते रवत।)

प्रेरितो 18:2

हुता हुनके अकविला नाव चो गोटक यहूदी मिरलो, जेचो जनम पुनथुस ने होऊ रली। हुन आपलो बायले प्रिसकिला चो संगे इटली ले हाल ने ची ऐऊ रलो, कसनबल्लोने क्लौदियुस सपाय यहूदीमन के रोम ले निकरून जातोर हुकुम देऊ रलो। ऐईकाजे हुन हुनमन चो थाने गेलो।

प्रेरितो 18:23

फेर खिन्डिक दिन रऊन भाती हुन हुता ले निकरलो, आउर गोटक बाटले गलातिया आउर फ्रुगिया परदेशमन ने सपाय चेलामन के थीर करते फिरलो।

प्रेरितो 2:11

“बल्लोने यहूदी आउर यहूदी दल धारन करतो बितामन, क्रेती आउर अरबी बले आत, मान्तर आपलो-आपलो भाषा ने हुनमन ले माहापुरू चो बड़े-बड़े काममन चो गोठ बात सुनु आत।”

प्रेरितो 23:11

हुनी राती परबु हुनचो लगे उबा होऊन भाती बल्लो, “हे पौलुस, हिम्मत बांद; कसनबल्लोने जसन तुय यरूशलेम ने मोचो गोहई दिलीस, असने ची तुके रोम ने बले गोहई देतोर होये दे।”

प्रेरितो 27:5

आउर किलिकिया आउर पंफूलिया चो लगे चो समुन्द ने होऊन भाती लुसिया चो मूरा ने उतरलु।

प्रेरितो 28:15

हुता ले भाई आमचो खबर सुनुन भाती अप्पियुस चो जोड़ान आउर तीन धरमशाला तक आमके भेट करतो काजे निकरून ईला, जोनमन के दकुन भाती पौलुस माहापुरू चो धन्यबाद करलो आउर हिम्मत बान्दलो।

प्रेरितो 6:5

ऐ गोठ सपाय मण्डली के अच्छा लागली, आउर हुनमन स्तिफनुस नाव चो गोटक माने के जोन बिश्वास आउर पवितर आत्मा ले समपूरन रये, आउर फिलिप्पुस, आउर पुरखुरुस, आउर नीकानोर, आउर तीमोन, आउर परमिनास, आउर अन्ताकिया गड़ीया निकुलाऊस के जोन यहूदी दल ने ऐऊन जाऊ रये, चुनला।

प्रेरितो 6:9

तेबे हुन आराधना घर थानले जोन लिबिरतीनमन चो बलाया जाते रली, आउर कुरेनी आउर सिकन्दरिया आउर किलिकिया आउर आसिया चो लोगमन थानले कितलो झान उठून भाती स्तिफनुस ले बहस करूक मुरयाला।

रोमियो 1:15

आउर मय तुमके बले जोन रोम ने रऊ आस, नगतखबर सुनातो काजे भरसक तिआर आंसे।

रोमियो 1:7

हुन सपाय चो नाव जोन रोम ने माहापुरू चो लाड़रा आत आउर पवितर होतो काजे हाग दिया गेला सोत आमचो बुआ माहापुरू आउर परबु ईशु मसीह चो बाटले तुमके अनुग्रह आउर शान्ति मिरते रओ।

2 तीमुथियुस 1:17

मान्तर जिदलदाय हुन रोम ने ईलो, तेबे बड़े सुरता करून आउर डगराऊन भाती मोचो ले भेट करलो

प्रकाशितवाक्य 11:8

हुनमन चो लाश हुन बड़े नंगर चो जोड़ान ने पडु रयदे, जोन आत्मिक रीति ले सदोम आउर मिस्र बोला जाऊ आय, जोन थाने हुनमन चो परबु बले कुरूस थाने चेगाया जाऊ रलो।