प्रेरितो 15:1 - Halbi

¹ फेर कितलो लोग यहूदिया ले ऐऊन भाती भाईमन के सिकाऊक मुरयाला: “अगर मूसा चो रीति थाने तुमचो खतना नी होये तो तुमी मुक्ति नी पावऊक सकास।”

परमेस्वर को सच्चो वचन ख जाननू

¹ पर कुछ इंसान यहूदिया से आ ख भई हुन ख सिखान लगया यह मूसा की रिती पर तुम्हारो खतना ना हो तो तुम उध्दार नीय पा सका।

प्रेरितो 15:1 Iomraidhean Croise

यूहन्ना 7:22

ऐई लागुन मूसा तुमके खतना चो हुकुम दिलो से (ऐ नाई कि हुन मूसा चो बाटले आय मान्तर बुआ दादीमन ले चलते ईली से), आउर तुमी सब्त चो दिने माने चो खतना करू आहास।

प्रेरितो 1:15

हुन दिनमन ने पतरस भाईमन चो मंजी ने जोन छय कोड़ी लोग चो अमरा अमरी रवत, उबा होऊन भाती बोलुक मुरयालो,

प्रेरितो 15:22

तेबे सपाय कलीसिया संगे पठालोबिता आउर सियानमन के अच्छा लागली कि आपलो थानले खिन्डिक मानेमन के चुनोत, बल्लोने यहूदा जोन बरसबा बलाया जाऊ आय, आउर सीलास के जोन भाईमन ने मुखिया रये; आउर हुनमन के पौलुस आउर बरनबास चो संगे अन्ताकिया पठाला।

प्रेरितो 15:23

हुनमन-हुनमन चो हाथे ऐ लिकुन पठाला: “अन्ताकिया आउर सीरिया आउर किलिकिया चो रतो बिता भाईमन के जोन दुसर जातिमन थानले आत, पठालोबिता आउर सियान भाईमन चो जुहार।”

प्रेरितो 15:24

आमी सुनलु से कि आमचो थानले कितलो झान हुता जाऊन भाती, तुमके आपलो गोठमन ले घबराऊन दिला; आउर तुमचो मन उलटाऊन दिला से मान्तर आमी हुनमन के हुकुम नी देऊ रलु।

प्रेरितो 15:3

आउर कलीसिया हुनमन के कितलो दूर ले पोंचाला; आउर हुनमन फिनिके आउर सामरिया ले होते-होते दुसर जातिमन चो मन फिरातोर खबर सुनाते गेला, आउर सपाय भाई खुबे हरिक होला।

प्रेरितो 15:32

यहूदा आउर सीलास जोन खुद बले अगम गिआनी रवत, खुबे गोठमन ले भाईमन के उपदेश देऊन भाती थीर करला।

प्रेरितो 15:5

मान्तर फरीसीमन चो गुट ले जोनमन बिश्वास करू रला, हुनमन थानले कितलो उठून भाती बल्ला, “हुनमन के खतना करातोर आउर मूसा चो नियम के मानतोर हुकुम देतोर आसे।”

प्रेरितो 21:20

हुनमन ऐ सुनुन भाती माहापुरू चो महिमा करला, फेर हुनचो ले बल्ला, हे भाई, तुय दक सीस कि यहूदीमन थानले कितलो हजार बिश्वास करला से; आउर सपाय नियम चो काजे बाय होला सोत।

प्रेरितो 6:14

कसनबल्लोने आमीमन हुनके ऐ बोलतोर सुनलु से कि ऐई “ईशु नासरी ऐ जगा के उजराऊन देये दे, आउर हुन रीतिमन के बदलुन देये दे जोन मूसा आमके सोपलो से।”

गलातियो 2:1

चवदा बरक चो पाचे मय बरनबास चो संगे फेर यरूशलेम ने गेले, आउर तीतुस के बले संगे निले।

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

गलातियो 6:12

जोन लोग देंह ने दकावा चाहाऊं आत हुनमन ची तुमचो खतना करवातो काजे दबाव डालु आत, मात्र ऐईकाजे कि हुनमन मसीह चो कुरूस चो लागुन कन्दराया नी जाओत।

कुलुस्सियो 2:16

ऐईकाजे खातोर-पीतोर नाहले परब नाहले नवा जोन, नाहले सब्त चो बारे ने तुमचो कोनी नियाय नी करोत।

कुलुस्सियो 2:8

चेत ने राहा कि कोनी तुमके हुन तत्व गिआन आउर फकाहा धोका चो लागुन आपलो अहेर नी बना ओत, जोन मानेमन चो रीति बिदीमन आउर संवसार चो मुर सिक्या चो अनुसार तो आय, मान्तर मसीह चो अनुसार नुआय।