प्रेरितो 14:3 - Halbi

³ हुनमन खुबे दिन ले हुता रला, आउर परबु चो भरसा थाने हिम्मत ले गोठमन करते रवत; आउर हुन हुनमन चो हाथ ले चिना आउर भयंकर काम कराऊन भाती आपलो अनुग्रह चो बचन थाने गोहई देते रलो।

परमेस्वर को सच्चो वचन ख जाननू

³ वी बेजा दिन तक वाहा रहया अर प्रभु को भरोसो पर हियाव से बात करत रह थे अर वही उन का हात से चिन्ह अर अदभुत काम करवा ख कर अपन दया को वचन पर गवाही देवह हैं

प्रेरितो 14:3 Iomraidhean Croise

मरकुस 16:20

आउर हुनमन निकरून भाती हरकोनी जगा परचार करला, आउर परबु हुनमन संगे काम करते रलो, आउर हुन चिनामन चो कारन जोन संगे-संगे होते रये, बचन के जमखम करते रलो। आमीन।

यूहन्ना 4:48

ईशु हुनचो ले बल्लो, “जिदलदाय ले तुमी चिना आउर भयंकर काम नी दका से हुदलदाय ले केबीई बिश्वास नी करा से।”

प्रेरितो 13:46

तेबे पौलुस आउर बरनबास निडर होऊन बल्ला, जरूरी रये कि माहापुरू चो बचन पयले तुमके सुनाया जाति; मान्तर जिदलदाय तुमी हुनके लापी गुचाऊ आस, आउर आपन के अमर जीवना चो लायक नी ठेबा आस, तेबे दका, आमी दुसर जातिमन चो बाटे फिरू आंव।

प्रेरितो 2:22

“हे इस्राएलीमन, ऐ गोठमन सुना ईशु नासरी गोटक माने रलो जेचो माहापुरू चो बाटले होतोर सबुत हुन सामरत चो काममन आउर अकचकित चो काममन आउर चिनामन ले उजागर आसे, जोन माहापुरू तुमचो मंजी हुनचो बाटले करून दकालो जेके तुमी खुदे ची जानेसास।”

प्रेरितो 20:24

मान्तर मय आपलो जीव के काई नी समजे कि हुनके लाड़ जाने, मान्तर ऐ कि मय आपलो परानी के आउर हुन सेवा के पुरा करें दें, जोन मय माहापुरू चो अनुग्रह चो नगतखबर थाने गोहई देतो काजे परबु ईशु ले पावले से।

प्रेरितो 20:32

आउर अदायं मय तुमके माहापुरू के, आउर हुनचो अनुग्रह चो बचन के सोपुन देयें से; जोन तुमचो उन्नती करूक सके आउर सपाय पवितर करा गेलो लोगमन ने सामिल करून मीरास देऊक सके।

प्रेरितो 4:31

जिदलदाय हुनमन पारथना करून चुकला, तेबे हुन जगा जोन थाने हुनमन रूंड़ा रवत हलुन गेली, आउर हुनमन सपाय पवितर आत्मा ले भरपूर होऊन गेला, आउर माहापुरू चो बचन हिम्मत ले सुनाते रला।

प्रेरितो 5:32

“आमी ऐ गोठमन चो गोहई आंसु आउर असने ची पवितर आत्मा बले, जेके माहापुरू हुनमन के दिलो से जोन हुनचो हुकुम मानु आत।”

रोमियो 1:16

कसनबल्लोने मय नगतखबर ले नी लाज होयें, ऐईकाजे कि हुन हरकोनी बिश्वास करतो बिता चो काजे, पयले तो यहूदी फेर यूनानीमन चो काजे, मुक्ति चो काजे माहापुरू चो सामरत आसे।

1 थिस्सलुनीकियो 2:2

मान्तर तुमी खुद ची जानेसास कि पयले फिलिप्पी ने दुक उठातोर आउर उपद्रव सहलो थानले बले आमचो माहापुरू आमके असन साहास दिलो, कि आमी माहापुरू चो नगतखबर भारी बिरूदमन चो होते-होते बले तुमके सुनाऊ।

इब्रानियो 2:4

आउर संगे ची माहापुरू बले आपलो इच्छा चो अनुसार चिनामन, आउर भयंकर काममन, आउर नाना परकार चो सामरत चो काममन, आउर पवितर आत्मा चो बरमन के बाटतोर लागुन ऐचो गोहई देते रलो।