प्रेरितो 13:1 - Halbi

¹ अन्ताकिया चो कलीसिया ने कितलो अगम गिआनी आउर उपदेशक रवत; जसन बरनबास आउर शिमोन जोन नीगर बलाया जाऊ आय; आउर लुकियुस कुरेनी, आउर चवथा देश चो राजा हेरोदेस चो पोसवा भाई मनाहेम, आउर शाऊल।

परमेस्वर को सच्चो वचन ख जाननू

¹ अन्ताकिया की कलीसिया म कई भविस्यवक्ता अर सिखना वाला हते; जसो: बरनबास अर समोन जे नीगर कहलाव हैं; अर लूकियुस कुरेनी, अर चऊथाई देस को राजा हेरोदेस को दूधभई मनाहेम, अर साऊल।

प्रेरितो 13:1 Iomraidhean Croise

मत्ती 27:32

बाहरे जाते-जाते हुनमन के शिमोन नाव चो गोटक कुरेनी माने मिरलो। हुनमन हुनके फकाहा ने धरला कि हुनचो कुरूस उठाऊन धरून जाओ।

लूका 3:1

राजा तिबिरियुस चो राज चो पंदरवा बरक ने जिदलदाय पुन्तियुस पिलातुस यहूदिया चो राजपाल रलो, आउर गलील ने हेरोदेस, इतूरैया आउर त्रखोनीतिस ने हुनचो भाई फिलिप्पुस, आउर अबिलेने ने लिसानियास, चवथाई चो राजा रवत,

प्रेरितो 11:30

हुनमन असने ची करला; आउर बरनबास आउर शाऊल चो हाथे सियानमन चो लगे काई पटाऊन दिला।

प्रेरितो 12:25

जिदलदाय बरनबास आउर शाऊल आपलो सेवा पुरा करून चुकला तेबे यूहन्ना के जोन मरकुस बलाया जाऊ आय, संगे धरून यरूशलेम ले आपस ईला।

प्रेरितो 13:9

तेबे शाऊल जेचो नाव पौलुस बले आय, पवितर आत्मा ले भरून हुनचो बाटे नजर गड़ाऊन भाती दकलो आउर बल्लो,

प्रेरितो 15:32

यहूदा आउर सीलास जोन खुद बले अगम गिआनी रवत, खुबे गोठमन ले भाईमन के उपदेश देऊन भाती थीर करला।

प्रेरितो 15:35

मान्तर पौलुस आउर बरनबास अन्ताकिया ने रऊन गेला: आउर दुसर खुबे असन लोगमन चो संगे परबु चो बचन चो उपदेश करते आउर नगतखबर सुनाते रला।

प्रेरितो 19:6

जिदलदाय पौलुस हुनमन चो उपरे हाथ संगालो, तेबे पवितर आत्मा हुनमन उपरे उतरली, आउर हुनमन अलग-अलग भाषा बोलुक आउर अगम गोठ करूक मुरयाला।

प्रेरितो 21:9

हुनचो चार कुंआरी बेटीमन रला, जोन अगम गोठ करते रवत।

प्रेरितो 4:36

यूसुफ नाव साइप्रस चो गोटक लेवी रलो जेचो नाव पठालोबितामन बरनबास (बल्लोने शान्ति चो बेटा) संगाऊ रला।

प्रेरितो 9:1

शाऊल जोन ऐबले परबु चो चेलामन के धमकातोर आउर मारतोर धुन ने रये, माहायाजक लगे गेलो

रोमियो 16:21

मोचो सकरमी तीमुथियुस चो, आउर मोचो कुटुममन लुकियुस आउर यासोन आउर सोसिपत्रुस चो तुमके जुहार।

1 कुरिन्थियो 11:4

जोन माने मुंडी ढाकुन पारथना नाहले अगम गोठ करू आय, हुन आपलो मुंडी चो बेईजित करू आय।

1 कुरिन्थियो 13:2

आउर अगर मय अगम गोठ करूक सकें दें आउर सपाय भेदमन आउर सपाय परकार चो गिआन के समजेंदें, आउर मोके ऐथा ले पुरा बिश्वास होओ कि मय डोंगरीमन के गुचाऊन देयेंदे, मान्तर मया नी संगायें, तो मय काईची बले नुआय।

1 कुरिन्थियो 13:8

मया केबे गुचु नुआय; अगम गोठ होओ, तो सरून जाये दे; भाषामन होओ, तो जाते रयदे; गिआन होओ, तो मेटून जायेदे।

1 कुरिन्थियो 14:29

अगम गिआनीमन थानले दुय नाहले तीन बलोत, आउर बाकी लोग हुनमन चो बचन के परकोत।

1 कुरिन्थियो 14:32

आउर अगम गिआनीमन चो आत्मा अगम गिआनीमन चो बस ने आसे।

1 कुरिन्थियो 9:6

नाहले मात्र मोके आउर बरनबास के ची अधिकार निआय कि कमातोर छांडु।

गलातियो 2:13

हुनचो संगे बाकी यहूदीमन बले कपट करला, ऐ थाने ले कि बरनबास बले हुनमन चो कपट ने पडुन गेलो।

गलातियो 2:9

आउर जिदलदाय हुनमन हुन अनुग्रह के जोन मोके मिरू रये जानला, तेबे याकूब, आउर कयफा, आउर यूहन्ना जोन कलीसिया चो खुटा समजा जाते रवत, मोके आउर बरनबास के संगती चो उजा हाथ दिला कि आमी दुसर जातिमन चो लगे जाऊ आउर हुन खतना करलो बितामन चो लगे;

इफिसीयो 4:11

हुन कितलो के पठालोबिता नियुक्त करून, आउर कितलो के अगम गिआनी नियुक्त करून, आउर कितलो के नगतखबर सुनातो बिता नियुक्त करून, आउर कितलो के राका करूमन आउर उपदेशक नियुक्त करून देऊन दिलो,

फिलिप्पियो 4:22

सपाय पवितर लोग, खास करून जोन राजा चो घरलोगमन आत, तुमके जुहार बले सोत।

1 थिस्सलुनीकियो 5:20

अगम गोठमन के तुच्छ नी जाना।