प्रेरितो 12:3 - Halbi

³ जिदलदाय हुन दकलो कि यहूदी लोग ऐचो ले हरिक होऊ आत, तेबे हुन पतरस के बले धरलो। हुन दिन अखमीरी रोटी चो दिन रये।

परमेस्वर को सच्चो वचन ख जाननू

³ जब ओ न देखियो कि यहूदी लोग इसे खुसी होत हैं, ते ओ ना पतरस का भी पकड़ लियो वी दिन अखमीरी रोटी को दिन हतो।

प्रेरितो 12:3 Iomraidhean Croise

मत्ती 26:17

अखमीरी रोटी चो तिआर चो पयला दिने, चेलामन ईशु लगे ऐऊन भाती पचारूक मुरयाला, “तुय काहां मन कर सीस कि आमी तुचो काजे फसह खातोर तिआर करवां?”

यूहन्ना 12:43

कसनबल्लोने मानेमन चो बाटले परशंसा हुनमन के माहापुरू चो बाटले महिमा चो आशा खुबे लाड़रा लागते रली।

यूहन्ना 19:11

ईशु जबाप दिलो, “अगर तुके उपर ले नी दिया जाति, तो तुचो मोचो उपरे काई अधिकार नी होती; ऐईकाजे जोन मोके तुचो हाथे धरालो से हुनचो पाप जुगे आय।”

यूहन्ना 21:18

मय तुचो ले सत-सत बलें सें, जिदलदाय तुय जुआन रलीस तेबे आपलो करांड बान्दुन भाती जोन थाने चाहते रलीस हुता फिरते रलीस; मान्तर जिदलदाय तुय डोकरा हो से तेबे आपलो हाथ फयला से, आउर दुसर तुचो करांड बान्दुन भाती जोन थाने तुय नी मन कर सीस हुता तुके नेदे।”

प्रेरितो 12:4

हुन हुनके धरून जयलघर ने डाललो, आउर चार-चार पलटनमन चो चार पाहारा ने संगालो; ऐ बिचार ले कि फसह चो पाचे हुनके लोगमन चो पुरे आनो।

प्रेरितो 2:14

तेबे पतरस हुन गियारा झान चो संगे उबा होलो आउर जोर ले बोलुक मुरयालो, “हे यहूदीमन आउर हे यरूशलेम चो सपाय रतो बितामन, ऐ जाना, आउर कान लगाऊन भाती मोचो गोठमन सुना।”

प्रेरितो 20:6

आउर आमी अखमीरी रोटी चो दिनमन चो पाचे फिलिप्पी ले जाहाज थाने चेगुन भाती पांच दिन ने त्रोआस ने हुनचो लगे पोंचलु, आउर सात दिन ले हुताय रलु।

प्रेरितो 24:27

मान्तर जिदलदाय दुय बरक बितुन गेली तेबे पुरकियुस फेस्तुस, फेलिक्स चो जगा थाने ईलो; आउर फेलिक्स यहूदीमन के खुश करतोर इच्छा ले पौलुस के बन्दी ची छांडुन गेलो।

प्रेरितो 25:9

तेबे फेस्तुस यहूदीमन के खुश करतोर इच्छा ले पौलुस ले बल्लो, “काय तुय मन कर सीस कि यरूशलेम बाटे जांवा; आउर हुता मोचो पुरे तुचो ऐ पेशी तय करा जाओ?”

प्रेरितो 4:13

जिदलदाय हुनमन पतरस आउर यूहन्ना चो साहास दकला, आउर ऐ जानला कि ऐ अपढ़ आउर सादा माने आत, तेबे भक्याला; फेर हुनमन के चिताला, कि ऐ ईशु चो संगे रला सोत।

गलातियो 1:10

अदायं मय काय मानेमन के मानु आंय नाहले माहापुरू के? काय मय मानेमन के हरिक करूक चाहा ये से? अगर मय ऐबे तक मानेमन के ची हरिक करते रते तो मसीह चो दास नी होते।

1 थिस्सलुनीकियो 2:4

मान्तर जसन माहापुरू आमके लायक ठेबाऊन भाती नगतखबर सोपलो, आमी असने ची वर्णन करूं से, आउर ऐ थाने मानेमन के नाई, मान्तर माहापुरू के, जोन आमचो मन-मन के जाचु आय, हरिक करूं आंव।