प्रेरितो 10:2 - Halbi

² हुन भगत रये, आउर आपलो सपाय घरमन संगे माहापुरू के डरते रलो, आउर यहूदी लोगमन के खुबे दान देते, आउर बराबर माहापुरू ले पारथना करते रये।

परमेस्वर को सच्चो वचन ख जाननू

² उ भक्त हतो, अर अपन सारो घरानो समेत परमेस्वर से डरत हतो, उ यहूदी गरीब इंसान हुन ख मददत को लाने दान देत रय्हा, अर रोज दिन परमेस्वर से विनती करत हतो।

प्रेरितो 10:2 Iomraidhean Croise

मत्ती 25:17

ऐई रीति ले जेके दुय मिरू रये, हुन बले दुय आउर कमालो।

लूका 18:1

फेर हुन ऐचो बारे ने कि सदा पारथना करतोर आउर हिम्मत नी छांडतोर आसे, हुनमन ले ऐ कहनी बल्लो:

लूका 2:25

यरूशलेम ने शिमोन नाव चो गोटक माने रलो, आउर हुन माने धरमी आउर भगत रलो; आउर इस्राएल चो शान्ति चो बाट दकते रलो, आउर पवितर आत्मा हुनचो उपरे रली।

प्रेरितो 10:22

हुनमन बल्ला, “कुरनेलियुस सुबेदार जोन धरमी आउर माहापुरू ले डरतो बिता आउर पुईतराय यहूदी जाति ने सुनाम माने आय, हुन गोटक पवितर सरगदूत ले ऐ निर्देश पावला से कि तुके आपलो घरे हाग देउन भाती तुचो ले बचन सुनोत।”

प्रेरितो 10:31

आउर बोलुक मुरयालो, हे कुरनेलियुस, तुचो पारथना सुना गेली से आउर तुचो दान माहापुरू चो पुरे सुरता करा गेली से।

प्रेरितो 10:35

मान्तर हर जाति ने जोन हुनचो ले डरू आय आउर धरम चो कामकरू आय, हुन हुनके भाऊ आय।

प्रेरितो 10:4

हुन हुनके धिआन ले दकलो आउर डरून भाती बल्लो, “हे परबु, काय आय?” हुन हुनके बल्लो, तुचो पारथनामन आउर तुचो दान सुरता काजे माहापुरू चो पुरे अमरली से;

प्रेरितो 10:7

जिदलदाय हुन सरगदूत जोन हुनचो ले गोठयाऊ रये जाते गेलो, तेबे हुन दुय झान दास, आउर जोन हुनचो लगे हाजिर रते रवत हुनमन थानले गोटक भगत पलटन के हाग दिलो,

प्रेरितो 11:14

हुन तुमचो ले असन गोठ बले दे, जोनमन चो लागुन तुय आउर तुचो सपाय घर मुक्ति पाये दे।

प्रेरितो 13:16

तेबे पौलुस उबा होऊन भाती आउर हाथ ले सोयका करून बल्लो, हे इस्राएलीमन, आउर माहापुरू ले डरतो बितामन, सुना

प्रेरितो 13:26

हे भाईमन, तुमी जोन अब्राहाम चो पिलामन आस; आउर तुमी जोन माहापुरू ले डरू आस, तुमचो लगे ऐ मुक्ति चो बचन पटाया गेली से।

प्रेरितो 13:50

मान्तर यहूदीमन भगत आउर सियानिन बायले लेकीमन के आउर नंगर चो मुखिया लोगमन के हुच हुचाला, आउर पौलुस आउर बरनबास चो बिरूद हुड़दुम कराऊन भाती हुनमन के आपलो संदी ले निकराऊन दिला।

प्रेरितो 18:8

तेबे आराधना घर चो सरदार क्रिसपुस आपलो सपाय घरलोगमन संगे परबु उपरे बिश्वास करलो; आउर खुबे असन कुरिन्थबासी सुनुन भाती बिश्वास आनला आउर डूबन धरला।

प्रेरितो 2:5

बादरी चो खाले चो सपाय जातिमन ले भक्त यहूदी यरूशलेम ने रते रवत।

प्रेरितो 22:12

तेबे हनन्या नाव चो नियम चो अनुसार गोटक भगत माने, जोन हुता रतो बिता सपाय यहूदीमन ने सुनाम रलो, मोचो लगे ईलो,

प्रेरितो 8:2

बाकी भगतमन स्तिफनुस के मोट ने संगाला आउर हुनचो काजे बड़े विलाप करला।

प्रेरितो 9:11

तेबे परबु हुनचो ले बल्लो, उठून भाती हुन खोरी ने जा जोन सीदा बलाया जाऊ आय, आउर यहूदा चो घर ने शाऊल नाव चो गोटक तरसुस चो रतो बिता के पुच; कसनबल्लोने दक, हुन पारथना करे से,

प्रेरितो 9:31

ऐई परकार पुईतराय यहूदिया, आउर गलील, आउर सामरिया ने कलीसिया के असतीर मिरली, आउर हुनचो उन्नती होते गेली; आउर हुन परबु चो भय आउर पवितर आत्मा चो शान्ति ने चलते आउर बाड़ते गेलो।

प्रेरितो 9:36

याफा ने तबीता बल्लोने दोरकास नाव चो गोटक बिश्वासिनी रते रली। हुन खुबे असन अच्छा-अच्छा काम आउर दान करते रली।

कुलुस्सियो 4:2

पारथना ने लगुन राहा, आउर धन्यबाद चो संगे हुनचो ने जागरत राहा;

1 थिस्सलुनीकियो 5:17

हरमेशा पारथना ने लगुन राहा।

याकूब 1:5

मान्तर अगर तुमनमन ले कोकीई अकल चो कमी आसे जाले तेबे माहापुरू ले मांगा, जोन बिना काई बोलुन सपाय के उदारता ले देऊ आय, आउर हुनके दिया जायदे।

प्रकाशितवाक्य 15:4

“हे परबु, कोन तुचो ले नी डरे दे आउर तुचो नाव चो महिमा नी कर दे? कसनबल्लोने मात्र तुय ची पवितर आस। पुईतराय जातिमन ऐऊन भाती तुचो पुरे पाँय पड़दे, कसनबल्लोने तुचो नियाय चो काम परकट होऊन गेली से।”