प्रेरितो 1:8 - Halbi

⁸ “मान्तर जिदलदाय पवितर आत्मा तुमचो उपरे ऐये दे तेबे तुमी सामरत पाआ से; आउर यरूशलेम आउर सपाय यहूदिया आउर सामरिया ने, आउर धरतनी चो कोना-कोना ले मोचो गोहई हुआ से।”

परमेस्वर को सच्चो वचन ख जाननू

⁸ पर जब सुध्द आत्मा तो पर आए तब ते सक्ति पाएगो अर यरूसलेम अऊर सारी यहूदिया अर सामरिया म, अर जमीन का उन छोड़ तक मोरो गवाह होए।”

प्रेरितो 1:8 Iomraidhean Croise

मत्ती 24:14

आउर राज चो ऐ नगतखबर पुईतराय जगत ने परचार करा जाये दे, कि सपाय जातिमन उपरे गोहई होओ, तेबे आखरी होये दे।”

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

मरकुस 16:15

आउर हुन हुनमन ले बल्लो, “तुमी सपाय जगत ने जाऊन भाती पुईतराय बरमाण्ड चो लोगमन के नगतखबर परचार करा।

लूका 1:35

सरगदूत हुनके जबाप दिलो, “पवितर आत्मा तुचो उपरे उतरे दे, आउर परमपरधान चो सामरत तुचो उपरे छांय करेंदे; ऐईकाजे हुन पवितर जोन पयदा होतो बिता आय, माहापुरू चो बेटा बलाय जायेदे।

लूका 10:19

दका, मय तुमके सांपमन आउर बिच्छुमन के रोमंदतोर, आउर शतरू चो सपाय सामरत थाने अधिकार दिले से; आउर कोनी तीज ले तुमके काई हानि नी होये।

लूका 24:29

मान्तर हुनमन ऐ बोलुन भाती हुनके ठेबाला, “आमचो संगे रा, कसनबल्लोने सांज होये से आउर दिन अदायं खुबे ढ़लुन गेली से।” तेबे हुन हुनमन चो संगे रतो काजे भीतरे गेलो।

यूहन्ना 15:27

आउर तुमी बले मोचो गोहई आहास कसनबल्लोने तुमी मुर ले मोचो संगे रलासास।

प्रेरितो 1:22

“नगत आय कि हुनमन चो ले गोटक माने आमचो संगे हुनचो जीव उठतोर गोहई होऊन जाओत।”

प्रेरितो 1:5

“कसनबल्लोने यूहन्ना तो पानी ने डूबन दिलो से मान्तर खिन्डिक दिनमन चो पाचे तुमी पवितर आत्मा ले डूबन पाआ से।”

प्रेरितो 13:31

आउर हुन हुनमन के जोन हुनचो संगे गलील ले यरूशलेम ऐऊ रवत, खुबे दिन ले दका देते रलो; लोगमन चो पुरे अदायं हुनमन ची हुनचो गोहई आत।

प्रेरितो 2:32

ऐई ईशु के माहापुरू जिआ लो, जेचो आमी सपाय गोहई आंसु।

प्रेरितो 22:15

कसनबल्लोने तुय हुनचो बाटले सपाय मानेमन चो पुरे हुन गोठमन चो गोहई हो से जोन तुय दकलीस आउर सुनली सीस।

प्रेरितो 3:15

आउर तुमीमन जीवना चो करता के मारून दीलास, जेके माहापुरू मरलो बितामन थानले जिआ लो; आउर ऐ गोठ ने आमी गोहई आंसु।

प्रेरितो 4:33

पठालोबिता बड़े सामरत ले परबु ईशु चो जीव उठतोर गोहई देते रवत आउर हुन सपाय उपरे बड़े अनुग्रह रली।

प्रेरितो 5:32

“आमी ऐ गोठमन चो गोहई आंसु आउर असने ची पवितर आत्मा बले, जेके माहापुरू हुनमन के दिलो से जोन हुनचो हुकुम मानु आत।”

प्रेरितो 6:8

स्तिफनुस अनुग्रह आउर सामरत ले समपूरन होऊन भाती लोगमन ने बड़े-बड़े भयंकर काम आउर चिना दकाया करते रलो।

प्रेरितो 8:1

शाऊल हुनचो मरना चो संगे सलाह रये। हुनी दिने यरूशलेम चो कलीसिया उपरे बड़े उपद्रव होऊक मुरयाली आउर पठालोबितामन के छांडुन सपाय ले सपाय यहूदिया आउर सामरी देशमन ने जत-खत होऊन गेला।

रोमियो 10:18

मान्तर मय बलेंसें, काय हुनमन नी सुनला? सुनला तो जरूर आय; कसनबल्लोने लिकलोर आसे, “हुनमन चो राग सपाय धरतनी थाने, आउर हुनमन चो बचन जगत चो आखरी तक अमरली से।”

रोमियो 15:19

आउर चिनामन, आउर भयंकर काममन चो सामरत ले, आउर पवितर आत्मा चो सामरत ले मोचो ची बाटले करला, ऐथा ले कि मय यरूशलेम ले धरून भाती चारो बाटे इल्लुरिकुम ले मसीह चो नगतखबर चो पुरा-पुरा परचार करले।

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।