प्रेरितो 1:13 - Halbi

¹³ जिदलदाय हुनमन हुता अमरला तेबे हुन अटारी उपरे गेला, जोन थाने पतरस आउर यूहन्ना आउर याकूब आउर अन्द्रियास आउर फिलिप्पुस आउर थोमा आउर बरतुल्मय आउर मत्ती आउर हलफई चो बेटा याकूब आउर शिमोन जेलोतेस आउर याकूब चो बेटा यहूदा रते रवत।

परमेस्वर को सच्चो वचन ख जाननू

¹³ जब वी वहाँ पहुँचिया ते उ उपार वाला अटारी प रुकया गया राहा, जाहा पतरस अर यूहन्ना अर याकूब अर अन्द्रियास अर फिलिप्पुस अर थोमा अर बरतुल्मै अर मत्ती अर हलफई को पोरिया याकूब समोन जेलोतेस अर याकूब का पोरया यहूदा रहत रह।

प्रेरितो 1:13 Iomraidhean Croise

मत्ती 9:9

हुता ले पुरे जाऊन भाती ईशु मत्ती नाव चो गोटक माने के कर धरतोर नाका थाने बसलोर दकलो, आउर हुनचो ले बल्लो, “मोचो पाट-पाट आव।” हुन उठून भाती हुनचो पाट-पाट गेलो।

मरकुस 14:15

हुन तुमके गोटक सजालोर, आउर तिआर करलो बिती बड़े उपर पाऊज बाकरा दकाऊन देयेदे, हुता आमचो काजे तिआर करा।”

मरकुस 14:33

आउर हुन पतरस आउर याकूब आउर यूहन्ना के आपलो संगे धरून गेलो; आउर खुबे अधीर आउर बाय बिकाल होलो,

मरकुस 2:14

जाते-जाते हुन हलफई चो बेटा लेवी के उसूली चो नाका थाने बसलोर दकलो, आउर हुनचो ले बल्लो, “मोचो पाट-पाट आव।” आउर हुन उठून भाती हुनचो पाट-पाट गेलो।

मरकुस 5:37

आउर हुन पतरस आउर याकूब आउर याकूब चो भाई यूहन्ना के छांडुन, दुसर कोनी के आपलो संगे ऐऊक नी दिलो।

मरकुस 9:2

छय दिन चो पाचे ईशु पतरस आउर याकूब आउर यूहन्ना के संगे धरलो, आउर चिमचाम ने कोनी डेंग डोंगरी थाने नीलो। हुता हुनमन चो पुरे हुनचो रूप बदलली,

लूका 22:12

हुन तुमके गोटक सजालोर बड़े बाकरा दकाऊन देये दे; हुनी थाने तिआर करा।

यूहन्ना 11:16

तेबे थोमा जोन दिदुमुस बलाया जाऊ आय, आपलो संगवारी चेलामन ले बल्लो, “ईआ, आमी बले हुनचो संगे मरूक लाय जांवा।”

यूहन्ना 14:22

हुन यहूदा जोन इस्करियोती नी रये, हुनचो ले बल्लो, “हे परबु, काय होली कि तुय आपन खुद के आमचो थाने उजागर करूक मन कर सीस आउर संवसार थाने नाई?”

यूहन्ना 18:17

हुन दासी जोन बाट राका करू रये, पतरस ले बल्ली, “काहांय तुय बले ऐ माने चो चेलामन ले तो नुआस?” हुन बल्लो, “मय नुआय।”

यूहन्ना 21:2

शिमोन पतरस, आउर थोमा जोन दिदुमुस बलाया जाऊ आय, आउर गलील चो काना नंगर चो नतनएल, आउर जबदी चो बेटा, आउर हुनचो चेलामन थानले दुई आउर झान रून्डून रवत।

प्रेरितो 12:17

तेबे हुन हुनमन के हाथ ले सोयका दकालो कि ओगाय राहा; आउर हुनमन के सांगलो कि परबु कसन रीति ले हुनके जयलघर ले निकराऊन आनलो से। फेर बल्लो, “याकूब आउर भाईमन के ऐ गोठ सांगुन दिआस।” तेबे निकरून भाती दुसर जगा जाते गेलो।

प्रेरितो 15:13

जिदलदाय हुनमन ओगाय होला तेबे याकूब बोलुक मुरयालो, हे भाईमन, मोचो सुना।

प्रेरितो 2:14

तेबे पतरस हुन गियारा झान चो संगे उबा होलो आउर जोर ले बोलुक मुरयालो, “हे यहूदीमन आउर हे यरूशलेम चो सपाय रतो बितामन, ऐ जाना, आउर कान लगाऊन भाती मोचो गोठमन सुना।”

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 20:8

जोन अटारी ने आमी रूंड़ा रलु, हुन थाने खुबे दीया बरते रये।

प्रेरितो 4:13

जिदलदाय हुनमन पतरस आउर यूहन्ना चो साहास दकला, आउर ऐ जानला कि ऐ अपढ़ आउर सादा माने आत, तेबे भक्याला; फेर हुनमन के चिताला, कि ऐ ईशु चो संगे रला सोत।

प्रेरितो 4:19

मान्तर पतरस आउर यूहन्ना हुनमन के जबाप दिला, “तुमी ची नियाय करा; काय ऐ माहापुरू चो लगे नगत आय कि आमी माहापुरू चो गोठ ले बडुन भाती तुमचो गोठ मानुन्दे।”

1 कुरिन्थियो 15:7

फेर हुन याकूब के दका दिलो तेबे सपाय पठालोबितामन के दका दिलो।

गलातियो 1:19

मान्तर परबु चो भाई याकूब के छांडुन आउर पठालोबितामन थानले कोनी के नी भेटले।

गलातियो 2:9

आउर जिदलदाय हुनमन हुन अनुग्रह के जोन मोके मिरू रये जानला, तेबे याकूब, आउर कयफा, आउर यूहन्ना जोन कलीसिया चो खुटा समजा जाते रवत, मोके आउर बरनबास के संगती चो उजा हाथ दिला कि आमी दुसर जातिमन चो लगे जाऊ आउर हुन खतना करलो बितामन चो लगे;

याकूब 1:1

माहापुरू चो आउर परबु ईशु मसीह चो दास याकूब चो बाटले हुन बारा कुलमन चो जोन जत-खत होऊन भाती रऊ आत जुहार अमरो।

2 यूहन्ना 1:1

मय सियान चो बाटले हुन चुनलो बिती बायले आउर हुनचो पिलामन चो नाव, जोनमन ले मय सते मया संगाऊ आय, आउर मात्र मय ची नाई मान्तर हुनमन सपाय बले मया संगाऊ आत जोन सत के जानोत;

यहूदा 1:1

यहूदा चो बाटले जोन ईशु मसीह चो दास आउर याकूब चो भाई आय, हुन हाग दिलो बितामन चो नाव जोन माहापुरू बुआ ने लाडरा आउर ईशु मसीह चो काजे अच्छा आसे।