2 तीमुथियुस 3:3 - Halbi

³ दया नी करू, छमा नी करू, दोष लगातो बिता, नी सहतो बिता, कठोर, अच्छा चो बयरी,

परमेस्वर को सच्चो वचन ख जाननू

³ दया नी करन वालो, माप नी करन वालो, आरोप लगान वालो, असंयमी कठोर, भलो को दुसमन,

2 तीमुथियुस 3:3 Iomraidhean Croise

मत्ती 10:21

“भाई, भाई के आउर बुआ के बेटा, मरातो काजे सोपदे, आउर पिलामन आया-बुआ चो बिरूद ने उठून भाती हुनमन के मरादे।

मत्ती 4:1

तेबे हुन समया माहापुरू चो आत्मा ईशु के छिड़ा ने निली बल्ले शयतान हुनचो परीक्षा धरो।

लूका 10:16

“जोन तुमचो सुनु आय, हुन मोचो सुनु आय; आउर जोन तुमके तुच्छ जानु आय, हुन मोके तुच्छ जानु आय; आउर जोन मोके तुच्छ जानु आय, हुन मोचो पठालोबिता के तुच्छ जानु आय।”

लूका 16:14

फरीसी जोन लोभीई रवत, ये सपाय गोठमन सुनुन भाती हुनके मजाकमन ने उड़ाऊक मुरयाला।

यूहन्ना 6:70

ईशु हुनमन के जबाप दिलो, “काय मय तुमी बारा झन के नी चुनले? तेबले बले तुमनमन ले गोटक माने शयतान आय।”

रोमियो 1:29

ऐईकाजे हुनमन सपाय परकार चो अधरम, आउर दुष्ट, आउर लोभ, आउर बयर ले भरला; आउर डाह, आउर हत्या, आउर झगड़ा, आउर छंद, आउर कुचर ले भरपूर होला, आउर खुदेयार,

रोमियो 1:31

बेअकल, बिश्वासघाती, मया नाहलो आउर निरदई होला।

1 कुरिन्थियो 7:5

तुमी एक दुसर ले अलग नी राहा; मान्तर मात्र खिन्डिक समया ले आपस चो सलाह ले कि पारथना चो काजे छुट्टी मिरो, आउर फेर गोटक संगे राहा; असन नी होओ कि तुमचो अधिरजा चो लागुन शयतान तुमके परको।

1 कुरिन्थियो 7:9

मान्तर अगर हुनमन सहन नी करूक सकोत तो बिहा करोत; कसनबल्लोने बिहा करतोर जुआन रलो ले अच्छा आय।

1 थिस्सलुनीकियो 4:8

ऐई लागुन जोन ऐके तुच्छ जानु आय, हुन माने के नाई मान्तर माहापुरू के तुच्छ जानु आय, जोन आपलो पवितर आत्मा तुमके देऊ आय।

1तीमुथियुस 3:11

असने परकार ले बायले लेकीमन के बले गंभीर होतोर जरूरी आय; दोष लगातो बिती नी होओ, मान्तर खबड़दार आउर सपाय गोठमन ने बिश्वास लायक होओ।

तीतुस 1:8

मान्तर सगामान करू बिता, भलाई के चाहतो बिता, सहन करू, नियायी, पवितर आउर शांत होओ;

तीतुस 2:3

ऐई परकार डोकरी बायले लेकीमन चो चाल चलन पवितर लोगमन असन होओ; हुनमन दोष लगातो बिती आउर मतवारिन नाई, मान्तर अच्छा गोठमन सिकातो बिती होओत

याकूब 2:6

मान्तर तुमी हुन कंगाल चो बेईजित करलास। काय सवकारी लोग तुमचो उपरे दूर बेवहार नी करोत आउर काय हुनमन ची तुमके कचरीमन ने लगडून-लगडून भाती नी नेवत?

2 पतरस 2:14

हुनमन चो आँईकमन ने बेबीचार बसली से, आउर हुनमन पाप करलो बिना ठेबुक नी सकोत। हुनमन चुल-चुल मन बिता के फुसयाऊ आत। हुनमन चो मन के लोभ करतोर आदत होऊन गेली से; हुनमन दुक चो पिला आत।

2 पतरस 2:19

हुनमन-हुनमन के छुटछाड़ातोर बायदा तो करू आत, मान्तर खुदे ची कुहलोर दास आत; कसनबल्लोने जोन माने जेचो ले हारलो से, हुन हुनचो दास बनुन जाऊ आय।

2 पतरस 3:3

आउर ऐ पयले जाना, कि आखरी दिनमन ने हंसी मजाक करतो बितामन ऐ दे, जोन आपली ची मनमानीमन ची अनुसार चल दे

यहूदा 1:16

ऐमन तो असंतुष्ट, गुरमुरतो बितामन, आउर आपलो मनमानी चो अनुसार चलु बितामन आत, आउर आपलो मुंह ले घमण्ड चो गोठमन बोलु आत, आउर हुनमन लाब चो काजे मुंह दका बड़ाई करू आत।

यहूदा 1:18

हुनमन तुमके बोलते रवत, “पाचे चो दिनमन ने असन मजाक करतो बितामन होदे जोन आपलो अभक्ति चो मनमानीमन चो अनुसार चलदे।”

प्रकाशितवाक्य 13:15

हुनके हुन पशु चो मुरती ने परान भरतोर अधिकार दिया गेली कि पशु चो मुरती बोलुक मुरयाओ, आउर जितरो लोग हुन पशु चो मुरती के पुजा नी करोत हुनमन के मराऊन देओ।

प्रकाशितवाक्य 13:17

कि हुनके छांडुन जोन थाने छाप बल्लोने हुन पशु चो नाव नाहले हुनचो नाव चो नम्बर होओ, दुसर कोनी लेन-देन नी करूक सकोत।

प्रकाशितवाक्य 16:6

कसनबल्लोने हुनमन पवितर लोगमन आउर अगम गिआनीमन चो लऊ बोहड़ाऊन रवत, आउर तुय हुनमन के लऊ पिआलीस; कसनबल्लोने हुनमन ऐई लायक आत।”

प्रकाशितवाक्य 17:6

मय हुन बायले लेकी के पवितर लोगमन चो लऊ आउर ईशु चो गोहईमन चो लऊ पिवलोर मातलोर दकले; हुनके दकुन भाती मय चकित होऊन गेले।