2 तीमुथियुस 3:2 - Halbi

² कसनबल्लोने माने हिंगसाहा, लोभीई, ढ़ोंगाहा, घमण्डाहा, निन्दा करू, आया बुआ चो हुकुम टालतो बिता, कृतध्न, अपवितर,

परमेस्वर को सच्चो वचन ख जाननू

² काहेकि अदमी बे मतलबी, धन को लालची, डीगमार, हेकड़, बुराई, माय बाप की बात नी सुनन वालो, नी मानन वालो असुध्द।

2 तीमुथियुस 3:2 Iomraidhean Croise

मत्ती 15:6

तेबे हुन आपलो बुआ चो ईजीत नी करो, ऐ परकार तुमी आपलो रीति बिदी चो लागुन माहापुरू चो बचन टालुन दिलास।

लूका 12:15

आउर हुन हुनमन ले बल्लो, “तिआर राहा, आउर सपाय परकार चो लोभ ले आपन खुद के बचाऊन संगाआ; कसनबल्लोने कोचीई जीवना हुनचो धन-माल चो खुबे होलोर ले नी होये।”

लूका 16:14

फरीसी जोन लोभीई रवत, ये सपाय गोठमन सुनुन भाती हुनके मजाकमन ने उड़ाऊक मुरयाला।

लूका 6:35

मान्तर आपलो शतरूमन ले मया संगावा, आउर भलाई करा, आउर फेर पावतोर आशा नी संगाऊन भाती उदार दिआस; आउर तुमचो काजे बड़े फल होये दे, आउर तुमी परमपरधान चो पिलामन ठेबा से, कसनबल्लोने हुन हुनमन उपरे जोन धन्यबाद नी करोत आउर खरापमन उपरे बले किरपालु आसोत।

प्रेरितो 5:36

कसनबल्लोने ऐ दिनमन ले पयले थिऊदास ऐ बोलते-बोलते उठलो, कि मय बले काई आंय; आउर कोनी चार सव माने हुनचो संगे होला, मान्तर हुन मारा गेलो आउर जितरो लोग हुनके मानते रवत, सपाय जत-खत होला आउर मेटून गेला।

रोमियो 11:18

तेबे खेंदामन थाने घमण्ड नी कर; आउर अगर तुय घमण्ड कर से तेबे जानुन रा कि तुय चेर के नाई मान्तर चेर तुके समालु आय।

2 कुरिन्थियो 5:15

आउर हुन ऐईकाजे सपाय चो काजे मरलो कि जोन जीव आसोत, हुनमन पयले ले आपलो काजे नी जीओत मान्तर हुनचो काजे जोन हुनमन काजे मरलो आउर फेर जीव उठलो।

फिलिप्पियो 2:21

कसनबल्लोने सपाय आपलो मतलब चो डगर ने रऊ आत, ना कि ईशु मसीह चो।

कुलुस्सियो 3:5

ऐईकाजे आपलो हुन धड़मन के मारून दिआस जोन धरतनी थाने आसे, बल्लोने बेबीचार, अशुद्धता, खराप बिचारमन खराप लालच आउर लोभ के जोन मुरती पुजा चो बराबर आय।

2 थिस्सलुनीकियो 2:4

जोन बिरूद करू आय, आउर हरकोनी ले जोन ईश्पर नाहले पुजय बलाया जाऊ आय, आपन खुद के बड़े ठेबाऊ आय, ऐथा ले कि हुन माहापुरू चो मंदिर ने बसुन भाती आपन खुद के ईश्पर ठेबाऊ आय।

1तीमुथियुस 1:20

हुनीमन थानले हुमिनयुस आउर सिकन्दर आत, जोन के मय शयतान के सोपुन दिले से कि हुनमन माहापुरू चो निन्दा करूक नी सिकोत।

1तीमुथियुस 1:9

ऐ जानुन भाती कि नियम धरमी जन चो काजे नुआय मान्तर अधरमीमन, निरंगकुसमन, भक्तिहिनमन, पापीमन अपवितर आउर अशुद्ध मानेमन, आया बुआ चो घात करतो बितामन, हत्यारामन,

1तीमुथियुस 3:3

मतवार नाहले मारपेट करतो बिता नी होओ; मान्तर कोमल होओ, आउर ना झगड़ाहा, आउर ना धन चो लालची होओ।

1तीमुथियुस 6:10

कसनबल्लोने रूपया चो लोभ सपाय परकार चो खराबीमन चो चेर आय, जोन के परापत करतोर कोशिश करते-करते कितलो लोगमन बिश्वास ले भटकुन भाती आपन खुद के नाना परकार चो दुखमन ले छिलछिदरी बनाला से।

1तीमुथियुस 6:4

तेबे हुन घमडिही होऊन गेलो, आउर काई नी जाने; मान्तर हुनके बिवाद आउर शब्दमन थाने तर्क करातोर रोग आसे, जेचो ले डाहा, आउर झगड़ामन, आउर निन्दा चो गोठमन आउर खराप-खराप संका,

2 तीमुथियुस 3:4

बिश्वासघाती, टेकाहा, घमण्डी, आउर माहापुरू चो नाई मान्तर सुक बिलास ची चो चाहतो बिता हो दे।

याकूब 2:8

तेबे बले अगर तुमी पवितर शास्त्र चो ऐ बचन चो अनुसार कि “तुय आपलो पड़ोसी ले आपलो समान मया संगाव,” सत-सत हुन राज नियम के पुरा करू आस, तो अच्छा ची करू आस।

याकूब 4:16

मान्तर अदायं तुमी आपलो ढ़ोंग मारतो थाने घमण्ड करू आस; असन सपाय घमण्ड खराप होऊ आय।

याकूब 4:6

हुन तो आउर बले अनुग्रह देऊ आय; ऐई लागुन ऐ लिकलोर आसे, “माहापुरू घमण्डाहामन चो बिरूद करू आय, मान्तर सोजमन उपरे अनुग्रह करू आय।”

1 पतरस 5:5

असने परकार हे जुआनमन, तुमी बले सियानमन चो आधीन राहा, मान्तर तुमी सपाय चो सपाय गोटक दुसर चो सेवा चो काजे दिनता ले करांड बान्दुन राहा, कसनबल्लोने “माहापुरू मनमानीमन चो बिरूद करू आय मान्तर सोजमन उपरे अनुग्रह करू आय।”

2 पतरस 2:10

खास करून हुनमन के जोन अशुद्ध मनमानीमन चो पाट-पाट देंह चो अनुसार चलु आत आउर परभुता के तुच्छ जानु आत। हुनमन नीलज, आउर कुअढ़ आत, आउर बड़े पन बितामन के अच्छा खराप बोलतो ले नी डरोत,

2 पतरस 2:12

मान्तर ऐ लोग निरबुद्धि पशुमन ची असन आत, जोन धराय होतोर आउर नाश होतो काजे उपजास होला से; आउर जोन गोठमन के जानोत ची नाई हुनचो बारे ने दुसर के अच्छा खराप बोलु आत, हुनमन आपलो कुआलो बिती ने खुदे ची कुऊन जादे।

2 पतरस 2:18

हुनमन फकाहा घमण्ड चो गोठमन करून-करून भाती ढीलाढाला चो काममन चो दुवारा, हुन लोगमन के देंह चो मनमानीमन ने फसाऊन धरू आत जोन भुलकलो लोगमन थानले ऐबे ची निकरे सोत।

2 पतरस 2:3

हुनमन लोग चो काजे गोठमन गडुन भाती तुमके आपलो लाब चो कारन बना दे, आउर जोन डण्ड चो हुकुम हुनमन उपरे पयले ले होऊन चुकली से हुनचो ऐतोर ने काई बले बेर निआय, आउर हुनमन चो बिनाश झुमु नुआय।

यहूदा 1:16

ऐमन तो असंतुष्ट, गुरमुरतो बितामन, आउर आपलो मनमानी चो अनुसार चलु बितामन आत, आउर आपलो मुंह ले घमण्ड चो गोठमन बोलु आत, आउर हुनमन लाब चो काजे मुंह दका बड़ाई करू आत।

प्रकाशितवाक्य 13:1

तेबे मय गोटक पशु के समुन्द थानले निकरतोर दकले, जेचो दस सींग आउर सात मुण्ड रये। हुनचो सींगमन थाने दस राज मुकुट, आउर हुनचो मुण्डमन थाने माहापुरू चो निन्दा चो नाव लिकलोर रये।

प्रकाशितवाक्य 16:11

आउर आपलो दुकामन आउर पोकामन चो लागुन सरग चो माहापुरू चो निन्दा करला; मान्तर आपलो-आपलो काममन ले मन नी फिराला।

प्रकाशितवाक्य 16:21

बादरी ले मानेमन चो उपरे मन-मन भर चो बड़े गोला घसरली, आउर ऐईकाजे कि ऐ बिपत्ति खुबे ची भारी रली, लोगमन गोलामन चो बिपत्ति चो लागुन माहापुरू चो निन्दा करला।

प्रकाशितवाक्य 16:9

माने बड़े तोपा ले झुलसुन गेला, आउर माहापुरू चो नाव चो जेके ऐ बिपत्तिमन थाने अधिकार आसे, निन्दा करला मान्तर हुनचो महिमा करतो काजे मन नी फिरला।