2 तीमुथियुस 3:15 - Halbi

¹⁵ आउर पिलादाय ले पवितर शास्त्र तुचो जानलोर आसे, जोन तुके मसीह थाने बिश्वास करलो ने मुक्ति पावतो काजे अकल बिता बनाऊक सके।

परमेस्वर को सच्चो वचन ख जाननू

¹⁵ अर छोटो पन से सुध्द सास्र तोरो जानो हुओ हैं, जे तो ख यीसु मसी पर भरोसा करन से उध्दार प्राप्त करन को लाने बुध्दि मान बना सकह हैं।

2 तीमुथियुस 3:15 Iomraidhean Croise

मत्ती 22:29

ईशु हुनमन के जबाप दिलो, “तुमी पवितर शास्त्र आउर माहापुरू चो सामरत नी जानास; ऐई कारन भुल ने पड़ला सास।

लूका 1:15

कसनबल्लोने हुन परबु चो पुरे माहान होये दे; आउर दाखरस आउर मंद केबीई नी पिये; आउर आपलो आया चो गरब ले ची पवितर आत्मा ले समपूरन होऊन जायेदे;

लूका 2:40

आउर लेकापिला बाड़ते, आउर बलवान होते, आउर अकल ले भरपूर होते गेलो; आउर माहापुरू चो अनुग्रह हुनचो उपरे रली।

लूका 24:27

तेबे हुन मूसा ले आउर सपाय अगम गिआनीमन ले आरम करून सपाय पवितर शास्त्रमन थानले आपलो बारे ने लिकलोर गोठमन चो अरत, हुनमन के समजाऊन दिलो।

लूका 24:32

हुनमन आपस ने बल्ला, “जिदलदाय हुन बाट ने आमचो ले गोठयाते रलो आउर पवितर शास्त्र चो अरत आमके समजाते रलो, तेबे काय आमचो मन ने जोस नी उपजास होली?”

लूका 24:45

तेबे हुन पवितर शास्त्र बुजतो काजे हुनमन चो समज के खोलुन दिलो,

यूहन्ना 5:47

मान्तर अगर तुमी हुनचो लिकलो बिती गोठमन थाने बिश्वास नी करास, तेबे मोचो गोठमन थाने कसन बिश्वास करा से?”

प्रेरितो 10:43

हुनचो सपाय अगम गिआनी गोहई देऊ आत कि जोन कोनी हुनचो उपरे बिश्वास कर दे, हुनके हुनचो नाव चो लागुन पापमन चो छमा मिरे दे।

प्रेरितो 13:29

जिदलदाय हुनमन हुनचो बारे ने लिकलोर सपाय गोठ पुरा करला, तेबे हुनके कुरूस थानले उतराऊन भाती कबर ने संगाला।

प्रेरितो 16:1

फेर हुन दिरबे आउर लुस्त्रा ने बले गेलो। हुता तीमुथियुस नाव चो गोटक चेला रलो, जोन कोनी बिश्वासी यहूदीनी चो बेटा रलो, मान्तर हुनचो बुआ यूनानी रलो।

प्रेरितो 17:2

पौलुस आपलो रीति चो अनुसार हुनमन चो लगे गेलो, आउर तीन सब्त चो दिने पवितर शास्त्रमन ले हुनमन चो संगे गोठ बात करलो;

प्रेरितो 26:24

जिदलदाय हुन ऐई रीति ले जबाप देते रलो, तेबे फेस्तुस जोर ले बल्लो, “हे पौलुस, तुय बया आस। खुबे बिदया तुके बया करून दिली से।”

रोमियो 1:2

जेचो हुन पयले ची ले आपलो अगम गिआनीमन चो बाटले पवितर शास्त्र ने,

रोमियो 16:26

मान्तर अदायं उजागर होऊन भाती जुग-जुग चो माहापुरू चो हुकुम ले अगम गिआनीमन चो किताबमन चो दुवारा सपाय जातिमन के सांगा गेली से कि हुनमन बिश्वास ले हुकुम मानतो बिता होऊन जाओत,

रोमियो 2:27

आउर जोन माने देंह रूप ले बिन खतना रलो, अगर हुन नियम के पुरा करो, तेबे काय तुके जोन लिकलो बिती पावतो आउर खतना कराय जातो थाने बले नियम के माने, दोषी नी ठेबाय दे?

1 कुरिन्थियो 1:21

कसनबल्लोने जिदलदाय माहापुरू चो गिआन चो अनुसार संवसार गिआन ले माहापुरू के नी जानलो, तेबे माहापुरू के ऐ अच्छा लागली कि ऐ परचार चो मुरूकता चो दुवारा बिश्वास करतो बितामन के मुक्ति देओ।

इफिसीयो 6:4

हे पिला बितामन, आपलो पिलामन के रीस नी दिलाआ, मान्तर परबु चो सिक्या आउर चेतावनी देते-देते हुनमन चो पालन-पोषन करा।

1तीमुथियुस 4:13

जिदलदाय ले मय नी ऐये, हुदलदाय ले पढ़तोर आउर उपदेश देतोर आउर सिकातो ने मतभुल रा।

2 तीमुथियुस 1:1

पौलुस चो बाटले जोन, हुन जीवन चो बायदा चो असन जोन मसीह ईशु ने आसे, माहापुरू चो इच्छा ले मसीह ईशु चो पठालोबिता आय,

2 तीमुथियुस 1:5

मोके तुचो हुन निष्कपट बिश्वास चो सुद्धि ऐऊ आय, जोन पयले तुचो दीदी लोईस आउर तुचो आया यूनीके ने रली, आउर मोके तय आसे कि तुचो थाने बले आसे।

2 पतरस 3:16

हुसने ची हुन आपलो सपाय चिठ्ठीमन ने बले ऐ गोठमन चो चरचा करलो से, जोन थाने कितलो गोठमन असन आय जेके समजतोर मशकिल आय, आउर अपढ़ आउर चुल-चुल लोग हुनचो अरतमन के बले पवितर शास्त्र चो दुसर गोठमन चो असन बड़ा-चड़ा करून आपलो ची नाश चो कारन बनाऊ आत।

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।