2 तीमुथियुस 2:7 - Halbi

⁷ जोन मय बोलु आय हुन थाने धिआन देस, आउर परबु तुके सपाय गोठमन चो समज देयेदे।

परमेस्वर को सच्चो वचन ख जाननू

⁷ जे मी कहू हैं ओ पर ध्यान दे, अर प्रभु तो ख सब बात की समझ देहे।

2 तीमुथियुस 2:7 Iomraidhean Croise

लूका 21:15

कसनबल्लोने मय तुमके असन गोठ आउर अकल देयें दें कि तुमचो सपाय बिरूदी सामना नाहले खंडन नी करूक सक दे।

लूका 24:45

तेबे हुन पवितर शास्त्र बुजतो काजे हुनमन चो समज के खोलुन दिलो,

लूका 9:44

“तुमी ऐ गोठमन थाने कान दिआस, कसनबल्लोने माने चो बेटा मानेमन चो हाथ ने धराया जातोर ने आसे।”

यूहन्ना 14:26

मान्तर सायक बल्लोने पवितर आत्मा जेके बुआ मोचो नाव ले पटाये दे, हुन तुमके सपाय गोठमन सिकाये दे, आउर जोन काई मय तुमचो ले बल्ले से, हुन सपाय तुमके सुरता कराये दे।”

यूहन्ना 16:13

मान्तर जिदलदाय हुन बल्ले सते चो आत्मा ऐये दे, तेबे तुमके सपाय सते चो बाट सांगे दे, कसनबल्लोने हुन आपलो बाटले नी बले दे मान्तर जोन काई सुने दे हुनी बले दे, आउर ऐतो बिती गोठमन के तुमके सांगे दे।

प्रेरितो 7:10

आउर हुनके हुनचो सपाय कलेशमन ले छंड़ाऊन भाती मिस्र चो राजा फिरोन चो नजर ने अनुग्रह आउर अकल दिलो, आउर हुन हुनके मिस्र थाने आउर आपलो सपाय घर थाने हाकिम बनालो।

1 कुरिन्थियो 12:8

कसनबल्लोने गोटक के आत्मा चो दुवारा अकल चो गोठमन दिया जाऊ आय, आउर दुसर के हुनी आत्मा चो अनुसार गिआन चो गोठमन।

फिलिप्पियो 4:8

ऐईकाजे हे भाईमन, जोन-जोन गोठमन सत आय, आउर जोन-जोन गोठमन ईजीत चो लायक आय, आउर जोन-जोन गोठमन ठीक आय, आउर जोन-जोन गोठमन पवितर आय, आउर जोन-जोन गोठमन सुन्दर आय, आउर जोन-जोन गोठमन मन के भावतो लायक चो आय, बल्लोने जोन बले अच्छा गुन आउर हरिक चो गोठमन आय हुनमन थाने धिआन लगाया करा।

कुलुस्सियो 1:9

ऐईकाजे जोन दिन ले ऐ सुनलु से, आमी बले तुमचो काजे ऐ पारथना करतोर आउर बिनती करतोर नी छांडु कि तुमी पुईतराय आत्मिक गिआन आउर समज संगे माहापुरू चो इच्छा चो पयचान ने भरपूर होऊन जाहा,

1तीमुथियुस 4:15

ऐ गोठमन के बिचारते रा आउर ऐ थाने आपलो धिआन लगाऊन रा, बल्ले तुचो उन्नती सपाय थाने परकट होओ।

2 तीमुथियुस 2:6

जोन खेतीयार मसागत करू आय, फर चो भाग पयले हुनके मिरतोर आसे।

2 तीमुथियुस 2:8

ईशु मसीह के सुरता करू रा, जोन दाऊद चो पुरखा ले होलो आउर मरलो बितामन थानले जीव उठलो, आउर ऐ मोचो नगतखबर चो अनुसार आय।

इब्रानियो 12:3

ऐईकाजे हुनचो उपरे धिआन करा, जोन आपलो बिरूद ने पापीमन चो ईतलो गोठ-बात सहलो कि तुमी मुरमुरा होऊन भाती साहास नी छांडुन दिआस।

इब्रानियो 13:7

जोन तुमचो अगुवामन रवत, आउर जोनमन तुमके माहापुरू चो बचन सुनाला, हुनमन के सुरता संगाहा; आउर धिआन ले हुनमन चो चाल-चलन चो आखरी दकुन भाती हुनमन चो बिश्वास चो नकल करा।

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

इब्रानियो 7:4

अदायं ऐचो थाने धिआन करा कि हुन कसन माहान रलो जेके कुलपती अब्राहाम जटुन अच्छा ले अच्छा माल चो दसवां अंश दिलो।

याकूब 1:5

मान्तर अगर तुमनमन ले कोकीई अकल चो कमी आसे जाले तेबे माहापुरू ले मांगा, जोन बिना काई बोलुन सपाय के उदारता ले देऊ आय, आउर हुनके दिया जायदे।

याकूब 3:15

ऐ गिआन हुन नुआय जोन उपर ले उतरू आय, मान्तर संवसारिक, आउर शारीरिक, आउर शयतानी आय।

याकूब 3:17

मान्तर जोन गिआन उपर ले ऐऊ आय हुन पयले तो पवितर होऊ आय फेर मिलनसार, कोमल आउर सीदा-सादा आउर दया आउर अच्छा फरमन ले लाती होलोर आउर भेद-भाव आउर कपट ले लापी रऊ आय।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।