2 तीमुथियुस 2:12 - Halbi

¹² अगर आमी धीरज ले सहते रवां तो हुनचो संगे राज बले करवां; अगर आमी हुनचो इन्कार करवां, तो हुन बले आमचो इन्कार करेदे;

परमेस्वर को सच्चो वचन ख जाननू

¹² अदि हम धीरज से भी सहते रहेगे, ते ओको संग राज भी करेगे; अदि हम ओको मना करेगे, ते वही भी हमारो ख मना करेगा;

2 तीमुथियुस 2:12 Iomraidhean Croise

मत्ती 10:33

मान्तर जोन कोनी मानेमन चो पुरे मोचो इन्कार करेदे, हुनचो ले मय बले आपलो सरग चो बुआ चो पुरे इन्कार करेंदे।

मत्ती 26:35

पतरस हुनचो ले बल्लो, “अगर मोके तुचो संगे मरूक बले पड़ो, तेबले बले मय तुचो ले केबीई नी मुखरे।” आउर असने ची सपाय चेलामन बले बल्ला।

मत्ती 26:75

तेबे पतरस के ईशु चो बल्लो गोठ सुरता ईली, “कुकड़ा बासतोर पयले तुय तीन हार मोचो इन्कार कर से।” आउर हुन बाहरे जाऊन भाती हुमारून-हुमारून गागलो।

मरकुस 10:33

“दका, आमी यरूशलेम बाटे जाऊँ से, आउर माने चो बेटा परधान याजक आउर शास्तरीमन चो हाथे धराय जायेदे, आउर हुनमन हुनके घात चो लायक ठेबा दे, आउर दुसर जातिमन चो हाथ ने सोपदे।

मरकुस 8:38

जोन कोनी ऐ बेबीचारी आउर पापी जाति चो मंजी मोचो ले आउर मोचो गोठमन ले लाज होये दे, माने चो बेटा बले जिदलदाय हुन पवितर सरग दूतमन चो संगे आपलो बुआ चो महिमा संगे ऐये दे, तेबे हुनचो ले बले लाज होये दे।”

लूका 12:9

मान्तर जोन मानेमन चो पुरे मोचो इन्कार करे दे हुनचो माहापुरू चो सरग दूतमन चो पुरे इन्कार करा जाये दे।

लूका 22:29

आउर जसन मोचो बुआ मोचो काजे गोटक राज ठेबालो से, असने ची मय बले तुमचो काजे ठेबायें से,

लूका 22:30

बल्ले तुमी मोचो राज ने मोचो टेबुल थाने खाआ-पिआ, मान्तर सिंघासनमन थाने बसुन भाती इस्राएल चो बारा गोत्रमन चो नियाय करा।

लूका 9:26

जोन कोनी मोचो ले आउर मोचो गोठमन ले लाज होये दे, माने चो बेटा बले, जिदलदाय आपलो आउर आपलो बुआ चो आउर पवितर सरग दूतमन चो महिमा संगे ऐये दे, तेबे हुनचो ले लाज होये दे।

प्रेरितो 14:22

आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

रोमियो 5:17

कसनबल्लोने जिदलदाय गोटक माने चो अपराध चो लागुन मरना हुन गोटक ची चो कारन राज करलो, तेबे जोन लोग अनुग्रह आउर धरमरूपी बर खुब ले खुबे पाऊ आत हुनमन गोटक माने चो, बल्लोने ईशु मसीह चो कारन जरूर ची अमर जीवना ने राज करोत।

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

फिलिप्पियो 1:28

आउर कोनी गोठ ने बिरूदीमन ले भय नी खाहास। ऐ हुनमन चो बिनाश चो छुकछुका चिना आय, मान्तर तुमचो काजे मुक्ति चो आउर ऐ माहापुरू चो बाटले आय।

1तीमुथियुस 5:8

मान्तर अगर कोनी आपनमन चो आउर निज करून आपलो घरलोगमन चो चिन्ता नी करे, तो हुन बिश्वास ले मुकरून गेलो से आउर अन्दबिश्वासी ले बले खराप बनुन गेलो से।

यहूदा 1:4

कसनबल्लोने कितलो असन माने खुसराय आमचो ने ऐऊन मिसला से, जोनमन ले ऐ डण्ड चो चरचा जुना समया ने पयले ची ले लिका जाऊ रये: ऐ भक्तिहीन आत, आउर आमचो माहापुरू चो अनुग्रह के ढीला-ढाला ने पलटून देऊ आत, आउर आमचो गोटक मात्र मालिक आउर परबु ईशु मसीह चो इन्कार करू आत।

प्रकाशितवाक्य 1:6

आउर आमके गोटक राज आउर आपलो बुआ माहापुरू चो काजे याजक बले बनान दिलो, हुनचेई महिमा आउर पराकरम जुग-जुग रओ। आमीन।

प्रकाशितवाक्य 1:9

मय यूहन्ना, जोन तुमचो भाई आउर ईशु चो कलेश आउर राज आउर धीरज ने तुमचो शामिल आंसे, माहापुरू चो बचन आउर ईशु चो गोहई चो लागुन पतमुस नाव चो ढिपका ने रयें।

प्रकाशितवाक्य 2:13

“मय ऐ जाने कि तुय हुता रऊ आस जोन थाने शयतान चो सिंघासन आसे; तुय मोचो नाव थाने थीर रऊ आस, आउर मोचो उपरे बिश्वास करतो ले हुन दिनमन ने बले पाटकुती नी गुचलीस जोनमन ने मोचो बिश्वास लायक गोहई अन्तिपास, तुमचो मंजी हुन जगा थाने घात करा गेलो जोन थाने शयतान रऊ आय।”

प्रकाशितवाक्य 20:4

फेर मय सिंघासन दकले, आउर हुन थाने लोग बसुन गेला, आउर हुनमन के नियाय करतोर अधिकार दिया गेली। मय हुनमन चो आत्मामन के बले दकले, जोनमन मुण्ड ईशु चो गोहई देतोर आउर माहापुरू चो बचन चो लागुन काटा जाऊ रवत, आउर जोनमन ना हुन पशु चो, आउर ना हुनचो मुरती चो पुजा करू रला, आउर हुनचो छाप आपलो कपार आउर हाथमन थाने धरून रवत। हुनमन जीव पडुन भाती मसीह चो संगे हजार बरक ले राज करते रवत।

प्रकाशितवाक्य 20:6

धन्य आउर पवितर हुन आय, जोन ऐ पयला जीव उठतोर चो भागी आय। असन लोगमन थाने दुसर मरना चो काई बल्ले अधिकार निआय, मान्तर हुनमन माहापुरू आउर मसीह चो याजक हो दे आउर हुनचो संगे हजार बरक तक राज कर दे।

प्रकाशितवाक्य 3:10

“तुय मोचो धीरज चो बचन के थामली सीस, ऐईकाजे मय बले तुके परीक्षा चो हुन समया बचाऊन संगायदे जोन धरतनी थाने रतो बिता के परकतो काजे पुईतराय संवसार थाने ऐतो बिता आय।”

प्रकाशितवाक्य 3:21

“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”

प्रकाशितवाक्य 3:8

“मय तुचो काममन के जानेंसे; दक, मय तुचो पुरे गोटक कपाट उगाढुन संगाले से, जेके कोनी बन्द नी करूक सके; तुचो सामरत खिन्डिक असन तो आय, फेर बले तुय मोचो बचन चो पालन करली सीस आउर मोचो नाव चो इन्कार नी करलीस।”

प्रकाशितवाक्य 5:10

आउर हुनमन के आमचो माहापुरू चो काजे गोटक राज आउर याजक बनालो; आउर हुनमन धरतनी थाने राज करे सोत।”