2 तीमुथियुस 1:8 - Halbi

⁸ ऐईकाजे आमचो परबु चो गोहई ले, आउर मोचो ले जोन हुनचो कयदी आंय, लाजे नी हो, मान्तर हुन माहापुरू चो सामरत चो असन नगतखबर चो काजे मोचो संगे दुख उठाव

परमेस्वर को सच्चो वचन ख जाननू

⁸ एकोलाने हमारो प्रभु की गवाई से अर मो से जो ओको कैदी हूँ, सर्मीद न हो, पर उ परमेस्वर की सक्ति को अनुसार चोक्खो सुसमाचार को लाने मोरो संग दुख उठा।

2 तीमुथियुस 1:8 Iomraidhean Croise

मरकुस 8:38

जोन कोनी ऐ बेबीचारी आउर पापी जाति चो मंजी मोचो ले आउर मोचो गोठमन ले लाज होये दे, माने चो बेटा बले जिदलदाय हुन पवितर सरग दूतमन चो संगे आपलो बुआ चो महिमा संगे ऐये दे, तेबे हुनचो ले बले लाज होये दे।”

लूका 9:26

जोन कोनी मोचो ले आउर मोचो गोठमन ले लाज होये दे, माने चो बेटा बले, जिदलदाय आपलो आउर आपलो बुआ चो आउर पवितर सरग दूतमन चो महिमा संगे ऐये दे, तेबे हुनचो ले लाज होये दे।

यूहन्ना 15:27

आउर तुमी बले मोचो गोहई आहास कसनबल्लोने तुमी मुर ले मोचो संगे रलासास।

यूहन्ना 19:35

जोन बले ऐ दकला, हुन गोहई दिलो से आउर हुनचो गोहई सत आय; आउर हुन जाने से कि हुन सत बोलु आय कि तुमी बले बिश्वास करा।

प्रेरितो 5:41

हुनमन ऐ गोठ ले हरिक होऊन भाती माहासभा चो पुरे ले जाते गेला, कि आमी हुनचो नाव चो काजे बेईजित होतो लायक तो ठेबलु।

रोमियो 1:16

कसनबल्लोने मय नगतखबर ले नी लाज होयें, ऐईकाजे कि हुन हरकोनी बिश्वास करतो बिता चो काजे, पयले तो यहूदी फेर यूनानीमन चो काजे, मुक्ति चो काजे माहापुरू चो सामरत आसे।

रोमियो 16:25

अदायं जोन तुमके मोचो नगतखबर आउर ईशु मसीह चो खबर चो परचार चो अनुसार थीर करूक सके, हुन भेद चो उजर चो अनुसार जोन हरमेशा ले लुकु रली,

रोमियो 8:36

जसन लिकलोर आसे, “तुचो काजे आमी दिनभर घात कराय जाऊ आंव; आमी पुजाय होतो बिती मेंडामन चो असन गेनाया गेलु से।”

रोमियो 9:33

जसन लिकलोर आसे, “दका, मय सिय्योन ने गोटक ठेच लगतो बिती पकना, आउर ठोकर खातो बिती पकना संगाय से, आउर जोन हुन थाने बिश्वास करेदे हुन लाज नी होयेदे।”

1 कुरिन्थियो 1:6

कि मसीह चो गोहई तुमचो थाने पक्की निकरली

2 कुरिन्थियो 6:7

सत मया ले, सत चो बचन ले, माहापुरू चो सामरत ले, धारमिकता चो हत्यारमन ले, जोन उजा डेबरी हाथमन ने आसे,

इफिसीयो 3:1

ऐई लागुन मय पौलुस जोन तुमी दुसर जातिमन चो काजे मसीह ईशु चो बन्दी आंय

इफिसीयो 3:13

ऐईकाजे मय बिनती करें से कि जोन कलेश तुमचो काजे मोके होये से, हुनचो लागुन साहास नी छांडा, कसनबल्लोने हुनमन ने तुमचो महिमा आसे।

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

इफिसीयो 4:17

ऐईकाजे मय बलेंसें आउर परबु ने बिनती करें से कि जसन दुसर जाति लोग आपलो मन चो खराप रीति थाने चलु आत, तुमी अदायं ले फेर असन नी चलासे।

फिलिप्पियो 1:7

ठीक आय कि मय तुमी सपाय चो काजे असने ची बिचार करेंदे, कसनबल्लोने तुमी मोचो मन ने ऐऊन बसलासास, आउर मोचो बन्दी ने आउर नगतखबर चो काजे जबाप आउर सबुत देतो ने तुमी सपाय मोचो संगे अनुग्रह ने शामिल आसास।

फिलिप्पियो 3:10

बल्ले मय हुनमन के आउर हुनचो मरून जीव उठतोर जय चो सामरत के, आउर हुनचो संगे दुकमन ने शामिल होतोर भेद के जाने, आउर हुनचो मरना चो बराबरी के पाऊक सकें

फिलिप्पियो 4:13

जोन मोके सामरत देऊ आय हुन थाने मय सपाय काई करूक सकें।

कुलुस्सियो 1:11

हुनचो महिमा चो शक्ति चो अनुसार सपाय परकार चो सामरत ले बलवन्त होते जाहा, ऐथा ले कि हरिक चो संगे हर परकार ले धीरज आउर सयनशक्ति दकाऊक सका,

कुलुस्सियो 1:24

अदायं मय हुन दुखमन चो लागुन हरिक करें से, जोन तुमचो काजे उठाऊँ आंय आउर मसीह चो कलेशमन चो ऊना हुनचो देंह चो काजे, बल्ले कलीसिया चो काजे, आपलो देंह ने पुरा करू आंय;

1 थिस्सलुनीकियो 3:4

कसनबल्लोने पयले बले, जिदलदाय आमी तुमचो थाने रऊँ तेबे तुमके बोलते रऊँ कि आमके कलेश उठाक पढ़े दे, आउर असने ची होली से, जसन कि तुमी जानास बले।

1तीमुथियुस 2:6

जोन आपन खुद के सपाय चो छुटकारा चो दाम ने देऊन दिलो, आउर हुनचो गोहई ठीक समया थाने दियाय गेली।

2 तीमुथियुस 1:10

मान्तर अदायं आमचो मुक्तिकरू मसीह ईशु चो परकट होतोर लागुन परकाशीत होली, जोन मरना चो नाश करलो आउर जीवन आउर अमरता के हुन नगतखबर चो लागुन परकाशमान करून दिलो।

2 तीमुथियुस 1:12

ऐई लागुन मय ऐ दुखमन के बले उठायें सें, मान्तर लाज नी होयें, कसनबल्लोने मय हुनके जेचो उपरे मय बिश्वास करले से जाने; आउर मोके तय आसे कि हुन मचो अमानत चो हुन दिन ले राका करूक सके।

2 तीमुथियुस 1:16

उनेसिफुरूस चो घरलोगमन उपरे परबु दया करो, कसनबल्लोने हुन खुबे हार मोचो जीव के सितर करलो आउर मोचो सिकरामन ले लाज नी होलो।

2 तीमुथियुस 2:3

मसीह ईशु चो अच्छा लड़तो बिता चो असन मोचो संगे दुख उठाव।

2 तीमुथियुस 2:8

ईशु मसीह के सुरता करू रा, जोन दाऊद चो पुरखा ले होलो आउर मरलो बितामन थानले जीव उठलो, आउर ऐ मोचो नगतखबर चो अनुसार आय।

2 तीमुथियुस 2:9

जेचो काजे मय कुकरमी चो असन दुख उठाऊँ आय, ऐथा ले कि कयद बले आंसे; मान्तर माहापुरू चो बचन कयद निआय।

2 तीमुथियुस 4:17

मान्तर परबु मोचो संगे रलो आउर मोके सामरत दिलो, बल्ले मोचो कारन पुरा-पुरा परचार होओ आउर सपाय दुसर जातिमन सुनोत। मय डुरका चो मुंह ले छंडाया गेले।

2 तीमुथियुस 4:5

मान्तर तुय सपाय गोठमन ने बाचुन रा, दुख उठाव, नगतखबर परचार चो काम कर, आउर आपलो सेवा के पुरा कर।

1 पतरस 1:5

जेचो रक्षा माहापुरू चो सामरत ले बिश्वास चो दुवारा हुन मुक्ति चो काजे, जोन ऐतो बिती समया ने परकट होतो बिती आय, करा जाऊ आय।

1यूहन्ना 4:14

आमी दकलु से बले आउर गोहई देऊ आंव कि बुआ बेटा के जगत चो मुक्तिकरू करून पठालो से।

यहूदा 1:24

अदायं जोन तुमके ठोकरना खातो ले बचाऊक सके, आउर आपलो महिमा चो भरपूरी चो पुरे उदुम आउर बेकसूर करून उबा करूक सकु आय,

प्रकाशितवाक्य 1:2

जोन माहापुरू चो बचन आउर ईशु मसीह चो गोहई, बल्लोने जोन काई हुन दकु रलो हुनचो गोहई दिलो।

प्रकाशितवाक्य 1:9

मय यूहन्ना, जोन तुमचो भाई आउर ईशु चो कलेश आउर राज आउर धीरज ने तुमचो शामिल आंसे, माहापुरू चो बचन आउर ईशु चो गोहई चो लागुन पतमुस नाव चो ढिपका ने रयें।

प्रकाशितवाक्य 12:11

“हुनमन मेमना चो लऊ चो लागुन आउर आपलो गोहई चो बचन चो लागुन हुनचो उपरे जयवन्त होला, आउर हुनमन आपलो जीवमन के लाड़ नी जानला, ऐथाले कि मरना बले सहला।”

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।