2 तीमुथियुस 1:12 - Halbi

¹² ऐई लागुन मय ऐ दुखमन के बले उठायें सें, मान्तर लाज नी होयें, कसनबल्लोने मय हुनके जेचो उपरे मय बिश्वास करले से जाने; आउर मोके तय आसे कि हुन मचो अमानत चो हुन दिन ले राका करूक सके।

परमेस्वर को सच्चो वचन ख जाननू

¹² यू वजह से मी इन दु: ख ख भी ऊठउ हैं लेकिन सरमऊ नी, काहेकि मी ओ ख जे पर मी न भरोसा कियो हैं, जानु हैं; अर मो ख भरोसा हैं कि वह मोरी धरोहर की उ दिन तक कि रखवाली कर सकह हैं।

2 तीमुथियुस 1:12 Iomraidhean Croise

मत्ती 12:21

आउर दुसर जातिमन हुनचो नाव थाने आशा संगादे।”

मत्ती 24:36

“हुन दिन आउर हुन घड़ी चो बारे ने कोनी नी जानोत, ना सरग चो दूत ना बेटा, मान्तर मात्र बुआ।

मत्ती 7:22

हुन दिने खुबे असन लोग मोचो ले बलदे, ‘हे परबु, हे परबु, काय आमीमन तुचो नाव ले अगम गोठ नी करलु, आउर तुचो नाव ले दुष्टआत्मामन के नी निकरालु, आउर तुचो नाव ले खुबे असन अकचकित काम नी करलु?’

लूका 10:12

मय तुमचो ले बलेंसें कि हुन दिने हुन नंगर चो हालत ले सदोम चो हालत आगर कटलातो लायक होयेदे।

लूका 23:46

आउर ईशु बड़े जोर ले चिचयाऊन भाती बल्लो, “हे बुआ, मय आपलो आत्मा तुचो हाथ ने सोपें सें।” आउर ऐ बोलुन भाती जीव छांडलो।

यूहन्ना 17:15

मय ऐ गुहार नी करे कि तुय हुनमन के जगत थानले उठाऊन ने; मान्तर ऐ कि तुय हुनमन के हुन दुष्ट ले बचाऊन संगाव।

यूहन्ना 6:44

कोनी मोचो लगे नी ऐऊक सकोत जिदलदाय ले बुआ, जोन मोके पठालो से, हुनके झिकुन नी धरो; आउर मय हुनके आखरी दिने फेर जी उठाये दे।

प्रेरितो 13:46

तेबे पौलुस आउर बरनबास निडर होऊन बल्ला, जरूरी रये कि माहापुरू चो बचन पयले तुमके सुनाया जाति; मान्तर जिदलदाय तुमी हुनके लापी गुचाऊ आस, आउर आपन के अमर जीवना चो लायक नी ठेबा आस, तेबे दका, आमी दुसर जातिमन चो बाटे फिरू आंव।

प्रेरितो 13:50

मान्तर यहूदीमन भगत आउर सियानिन बायले लेकीमन के आउर नंगर चो मुखिया लोगमन के हुच हुचाला, आउर पौलुस आउर बरनबास चो बिरूद हुड़दुम कराऊन भाती हुनमन के आपलो संदी ले निकराऊन दिला।

प्रेरितो 21:13

मान्तर पौलुस जबाप दिलो, “तुमी काय करसास कि गागुन-गागुन भाती मोचो मन टुटायासास? मय तो परबु ईशु चो नाव चो काजे यरूशलेम ने ना मात्र बान्दा जातोर ची काजे मान्तर मरतो काजे बले तिआर आसे।”

प्रेरितो 7:59

हुनमन स्तिफनुस उपरे पकना मारते रवत, आउर हुन ऐ बोलुन भाती पारथना करते रलो, “हे परबु ईशु, मोचो आत्मा के गरहन कर।”

प्रेरितो 9:16

आउर मय हुनके सांगेंदें कि मोचो नाव चो काजे हुनके कसन-कसन दुक उठाऊक पड़ेदे।

रोमियो 1:16

कसनबल्लोने मय नगतखबर ले नी लाज होयें, ऐईकाजे कि हुन हरकोनी बिश्वास करतो बिता चो काजे, पयले तो यहूदी फेर यूनानीमन चो काजे, मुक्ति चो काजे माहापुरू चो सामरत आसे।

रोमियो 9:33

जसन लिकलोर आसे, “दका, मय सिय्योन ने गोटक ठेच लगतो बिती पकना, आउर ठोकर खातो बिती पकना संगाय से, आउर जोन हुन थाने बिश्वास करेदे हुन लाज नी होयेदे।”

1 कुरिन्थियो 1:8

हुन तुमके आखरी तक जमखम बले करें दें कि तुमी आमचो परबु ईशु मसीह चो दिन ने बेकसूर ठेबा।

1 कुरिन्थियो 3:13

तेबे हरकोनी चो काम परकट होऊन जाय दे; कसनबल्लोने हुन दिन हुनके सांगे दे, ऐईकाजे कि आईग चो संगे परकट होये दे आउर हुन आईग हरकोनी चो काम जाचे दे कि कसन आय।

फिलिप्पियो 1:20

मय तो ऐई हारदिक लालच आउर आशा संगायें से कि मय कोनी गोठ ने लाज नी होयें, मान्तर जसन मोचो परबल साआस चो कारन मसीह चो बड़ाई मोचो देंह चो बाटले सदा होते रली से, असने ची ऐबे बले होओ, भले मय जीव रयें नाहले मरून जायें।

फिलिप्पियो 3:10

बल्ले मय हुनमन के आउर हुनचो मरून जीव उठतोर जय चो सामरत के, आउर हुनचो संगे दुकमन ने शामिल होतोर भेद के जाने, आउर हुनचो मरना चो बराबरी के पाऊक सकें

फिलिप्पियो 3:21

हुनमन आपलो ताकत चो हुन असर चो अनुसार जेचो बाटले हुन सपाय तीजमन के आपलो बस ने करूक सके, आमचो दिन-हीन देंह चो रूप बदलुन भाती, आपलो महिमा चो देंह चो समान बनान देयेंदे।

फिलिप्पियो 3:8

मान्तर मय आपलो परबु मसीह ईशु चो पयचान चो उत्तम जो लागुन मय सपाय तीजमन के घाटा उठाले, आउर हुनमन के कचरा समजु आय, जेचो ले मय मसीह के पाऊक सके।

1 थिस्सलुनीकियो 2:16

आउर हुनमन दुसर जातिमन ले हुनमन चो मुक्ति चो काजे गोठमन करतो ले आमके ठेबाऊ आत कि सदा आपलो पापमन चो नाप भरते रवत; मान्तर हुनमन उपरे माहापुरू चो भयंकर घोर रिस ऐऊन पहुँचली से।

1 थिस्सलुनीकियो 5:4

मान्तर हे भाईमन, तुमी तो अंधार ने निआस कि हुन दिन तुमचो उपरे चोर चो असन ऐऊन पड़ो।

1तीमुथियुस 6:20

हे तीमुथियुस, ऐ अमानत चो राका कर; आउर जोन गिआन के गिआन बोलतोर ची भुल आय, हुनचो अशुद्ध बकवास आउर बिरूद चो गोठमन ले अनजान रा।

2 तीमुथियुस 1:14

आउर पवितर आत्मा चो दुवारा जोन आमीमन ने बसली से, ऐ अच्छा अमानत चो राका कर।

2 तीमुथियुस 1:16

उनेसिफुरूस चो घरलोगमन उपरे परबु दया करो, कसनबल्लोने हुन खुबे हार मोचो जीव के सितर करलो आउर मोचो सिकरामन ले लाज नी होलो।

2 तीमुथियुस 1:18

परबु करो कि हुन दिने हुनचो उपरे परबु चो दया होओ-आउर जोन-जोन सेवा हुन इफिसुस ने करलो से हुनमन के बले तुय नुकु-नुकु जानीस।

2 तीमुथियुस 1:8

ऐईकाजे आमचो परबु चो गोहई ले, आउर मोचो ले जोन हुनचो कयदी आंय, लाजे नी हो, मान्तर हुन माहापुरू चो सामरत चो असन नगतखबर चो काजे मोचो संगे दुख उठाव

2 तीमुथियुस 2:9

जेचो काजे मय कुकरमी चो असन दुख उठाऊँ आय, ऐथा ले कि कयद बले आंसे; मान्तर माहापुरू चो बचन कयद निआय।

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 2:18

कसनबल्लोने जिदलदाय हुन परीक्षा चो दसा ने दुख उठालो, तेबे हुन हुनमन चो बले सायता करूक सके जेचो परीक्षा होऊ आय।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

1 पतरस 1:5

जेचो रक्षा माहापुरू चो सामरत ले बिश्वास चो दुवारा हुन मुक्ति चो काजे, जोन ऐतो बिती समया ने परकट होतो बिती आय, करा जाऊ आय।

1 पतरस 4:16

मान्तर अगर मसीह होलोर लागुन दुख पाओ, तेबे लाज नी हुआ, मान्तर ऐ गोठ चो काजे माहापुरू चो महिमा करा।

1 पतरस 4:19

ऐईकाजे जोन माहापुरू चो इच्छा चो अनुसार दुख उठाऊ आत, हुनमन भलाई करते-करते आपलो-आपलो जीव के बिश्वास लायक बनातो बिता चो हाथ ने सोपुन दे ओत।

यहूदा 1:24

अदायं जोन तुमके ठोकरना खातो ले बचाऊक सके, आउर आपलो महिमा चो भरपूरी चो पुरे उदुम आउर बेकसूर करून उबा करूक सकु आय,