2 थिस्सलुनीकियो 3:6 - Halbi

⁶ हे भाईमन, आमी तुमके आमचो परबु ईशु मसीह चो नाव ले हुकुम देऊँ से कि तुमी हरकोनी असन भाई ले अलग राआ जोन खराप चाल चलु आय आउर जोन सिक्या हुन आमचो ले पावलो हुनचो अनुसार नी करे।

परमेस्वर को सच्चो वचन ख जाननू

⁶ अरे भैय्या हुन, हम तुमका अपनो प्रभु यीसु मसी को नाम से जतऊ हैं कि तुम वी भई-बन्द हुन से अलग रहेनो, जो काम नी करा अर वा रीति रिवाज को हिसाब से नी चला, जो तुम इंसान हुन ख हम से मिली हैं।

2 थिस्सलुनीकियो 3:6 Iomraidhean Croise

मत्ती 18:17

अगर हुन हुनमन चो बले नी माने दे, तेबे कलीसिया ले बोलुन देस, मान्तर अगर हुन कलीसिया चो बले नी माने दे तेबे तुय हुनके दुसर जाति आउर कर धरू बितामन असन जान।

रोमियो 16:17

अदायं हे भाईमन, मय तुमचो ले बिनती करे से, कि जोन लोग हुन सिक्या चो उलटा, जोन तुमी पावलासास, फुट डालतोर आउर ठोकरना खुआतोर कारन होऊ आत, हुनमन के टारून दिआस आउर हुनमन ले दूर राहा।

1 कुरिन्थियो 11:2

हे भाईमन, मय तुमके सहरायें से कि सपाय गोठमन ने तुमी मोके सुरता करू आहास; आउर जोन रीति रिवाज मय तुमके सोपले से, हुनचो पालन करू आस।

1 कुरिन्थियो 5:4

कि जिदलदाय तुमी आउर मोचो आत्मा, आमचो परबु ईशु चो सामरत चो संगे रूंड़ा आसास, तेबे असन माने आमचो परबु ईशु चो नाव ले

1 कुरिन्थियो 5:9

मय आपलो चिठ्ठी ने तुमके लिकले से कि बेबीचारीमन चो संगत नी करा।

2 कुरिन्थियो 2:10

जेचो तुमी काई छमा करू आस हुनके मय बले छमा करू आंय, कसनबल्लोने मय बले जोन काई छमा करले से, अगर करले से, तो तुमचो कारन मसीह चो जगा ने होऊन भाती छमा करलो से।

इफिसीयो 4:17

ऐईकाजे मय बलेंसें आउर परबु ने बिनती करें से कि जसन दुसर जाति लोग आपलो मन चो खराप रीति थाने चलु आत, तुमी अदायं ले फेर असन नी चलासे।

कुलुस्सियो 3:17

बचन ने नाहले काम ने जोन काई बले करा सपाय परबु ईशु चो नाव ले करा, आउर हुनचो लागुन माहापुरू बुआ चो धन्यबाद करा।

1 थिस्सलुनीकियो 4:1

ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

1 थिस्सलुनीकियो 4:11

आउर जसन आमीमन तुमके हुकुम दिलु से, असने ची ओगाय रतोर आउर आपलो-आपलो काम धाम करतोर आउर आपलो-आपलो हाथमन ले कमातोर कोशिश करा;

1 थिस्सलुनीकियो 5:14

हे भाईमन, आमी तुमके समजाऊँ से कि जोन अच्छा चाल नी चलोत हुनमन के समजाहा, डरहामन के हिम्मत दिआस, बलनाहलो लोग के सम्भाला, सपाय चो बाटे सयनशक्ति दकाहा।

2 थिस्सलुनीकियो 2:15

ऐईकाजे हे भाईमन, थीर राहा; आउर जोन-जोन गोठमन तुमी चाहलास बचन नाहले चिठ्ठी चो बाटले आमचो ले सिकलासास, हुनमन के धरू राआ।

2 थिस्सलुनीकियो 3:7

कसनबल्लोने तुमी खुद ची जानेसास कि कोन रीति ले आमचो असन चाल चलतोर आय, कसनबल्लोने आमी तुमचो मंजी ने खराप चाल नी चलु,

1तीमुथियुस 5:21

माहापुरू, आउर मसीह ईशु आउर चुनलो बितामन सरग दूतमन चो हाजिर जानुन भाती मय तुके जनाऊन देयें से कि तुय मन खोलुन भाती ऐ गोठमन के माना कर, आउर कोनी काम भेदभाव ले नी कर।

1तीमुथियुस 6:5

आउर हुन मानेमन ने फकाहा झगड़ा-डण्ड उपजास होऊ आय जोनमन चो बुद्धि नसुन गेली से, आउर हुनमन सत ले अलग होऊन गेला से, जोन समजे सोत कि भक्ति कमाई चो बाट आय।

2 तीमुथियुस 3:5

हुनमन भक्ति चो भेष तो धर दे, मान्तर हुनचो शक्ति के नी मान दे; असनमन ले अलग राहा।

2 तीमुथियुस 4:1

माहापुरू आउर मसीह ईशु के गोहई करून जोन जीवतामन आउर मरलो बितामन चो नियाय करे दे, आउर हुनचो परकट होतोर आउर राज चो सुद्धि दियाऊन भाती मय तुके हुकुम देयें से

2 यूहन्ना 1:10

अगर कोनी तुमचो लगे ऐओ आउर ऐई सिक्या नी देओ, हुनके न तो घर ने ऐऊक दिआस आउर न जुहार करा।