2 थिस्सलुनीकियो 3:4 - Halbi

⁴ आमके परबु ने तुमचो उपरे भरसा आसे कि जोन-जोन हुकुम आमी तुमके देऊ आंव, हुनमन के तुमी मानु आहास, आउर मानते बले राआ से।

परमेस्वर को सच्चो वचन ख जाननू

⁴ हमका प्रभु म तुम इंसान हुन को ऊपर पुरो भरोसा हैं तुम हमरो कहेना ख माना हैं अऊर मानते भी रहे।

2 थिस्सलुनीकियो 3:4 Iomraidhean Croise

मत्ती 28:20

आउर हुनमन के सपाय गोठमन जोन मय तुमके हुकुम दिले से, मानुक सिकाआ आउर दका, मय जगत चो आखरी तक हरमेशा तुमचो संगे आंसे।”

रोमियो 15:14

हे मोचो भाईमन, मय खुद तुमचो बारे ने जरूर जाने से कि तुमी बले खुद ची भलाई ले भरा आउर माहापुरू गिआन ले भरपूर हुआ, आउर गोटक दुसर के जनाऊक सकास।

रोमियो 15:18

कसनबल्लोने हुन गोठमन के छांडुन मोके आउर कोनी गोठ चो बारे ने बले बोलतोर साहास निआय, जोन मसीह दुसर जातिमन चो लगे चो काजे बचन, आउर करम,

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

1 कुरिन्थियो 14:37

अगर कोनी माने आपन खुद के अगम गिआनी नाहले आत्मिक जन समजो, तेबे ऐ जानुन रओ कि जोन गोठमन मय तुमके लिके से, हुन परबु चो हुकुममन आय।

1 कुरिन्थियो 7:19

ना खतना काई आय आउर ना बिन खतना, मान्तर माहापुरू चो हुकुममन के मानतोर ची सपाय काई आय।

2 कुरिन्थियो 2:3

आउर मय ऐ गोठ तुमके ऐईकाजे लिकले कि काहांय असन नी होओ कि मोचो ईलो ने, जेचो ले मोके हरिक मिरतोर आसे मय हुनचो ले मुर-मुरा होयेंदे; कसनबल्लोने मोके तुमी सपाय उपरे ऐ गोठ चो भरसा आसे कि जोन मोचो हरिक आय, हुनी तुमी सपाय चो बले आय।

2 कुरिन्थियो 2:9

कसनबल्लोने मय ऐईकाजे बले लिकुन रयें कि तुमके परकेदें कि तुमी मोचो सपाय गोठमन के मानतो काजे तिआर आसास कि नाई।

2 कुरिन्थियो 8:22

आमी हुनचो संगे आपलो भाई के बले पठालु से जोन के आमी घन-घन परकुन खुबे गोठमन ने उदुम पावलु से; मान्तर अदायं तुमचो उपरे हुनके बड़े भरसा आसे, ऐ लागुन हुन आउर बले जादा उदुम आसे।

गलातियो 5:10

मय परबु थाने तुमचो बारे ने भरसा संगाऊ आय कि तुमचो कोनी दुसर बिचार नी होये दे; मान्तर जोन तुमके घबराऊन देऊ आय, हुन कोनी केंव नी होओ डण्ड पाये दे।

फिलिप्पियो 1:6

मोके ऐ गोठ चो भरसा आसे कि जोन तुमचो ने अच्छा काम मुरयालो से, हुनी हुनके ईशु मसीह चो दिन ले पुरा करे दे।

फिलिप्पियो 2:12

ऐईकाजे हे मोचो लाडरामन, जोन परकार तुमी सदा ले हुकुम मानते ईलासास, असने ची ऐबे बले ना मात्र मोचो संगे रते-रते मान्तर खास करून अदायं मोचो लापी रलो थानले बले डरते आउर थर-थरते आपलो-आपलो मुक्ति चो काम पुरा करते जाआ;

1 थिस्सलुनीकियो 4:10

आउर सपाय मकिदुनिया चो सपाय भाईमन चो संगे असन करू बले आहास। मान्तर हे भाईमन, आमी तुमके समजाऊँ से कि आउर बले बड़ते जाहा,

2 थिस्सलुनीकियो 3:12

असनमन के आमी परबु ईशु मसीह ने हुकुम देऊ आंव आउर समजाऊँ आंव कि चिमनाय काम करून भाती आपलो ची रोटी खाओत।

2 थिस्सलुनीकियो 3:6

हे भाईमन, आमी तुमके आमचो परबु ईशु मसीह चो नाव ले हुकुम देऊँ से कि तुमी हरकोनी असन भाई ले अलग राआ जोन खराप चाल चलु आय आउर जोन सिक्या हुन आमचो ले पावलो हुनचो अनुसार नी करे।

फिलेमोन 1:21

मय तुचो हुकुम मानु होतोर भरसा संगाऊन भाती तुके लिकेंसे, आउर ऐ जाने कि जोन काई मय बोलु आंय, तुय हुनचो ले कईं बडुन भाती करसे।