2 थिस्सलुनीकियो 3:1 - Halbi

¹ आखरी ने, हे भाईमन, आमचो काजे पारथना करते राआ कि परबु चो बचन असन झटके फयलो आउर महिमा पाओ, जसन तुमचो ने होली,

परमेस्वर को सच्चो वचन ख जाननू

¹ आखीर म, अरे भैय्याहुन बहिनहुन!, तुम हमरो लाने बिनती करते रहनो कि प्रभु को वचन असो तेजी से फैले जाय अर महिमा पाय, अर सब जगा म असो फैईल जाय। जसो कि तुम इंसानहुन को बीच म भयो हैं;

2 थिस्सलुनीकियो 3:1 Iomraidhean Croise

मत्ती 9:38

ऐईकाजे बेड़ा चो मालिक ले गुहार करा कि हुन आपलो फसल काटतो काजे भुतीयार पटाऊन देओ।”

लूका 10:2

हुन हुनमन ले बल्लो, “पाकलो बेड़ा खुबे आसे, मान्तर भुतीयार खिन्डिक असन आसोत; ऐईकाजे बेड़ा चो मालिक ले गुहारा कि हुन आपलो बेड़ा काटतो काजे भुतीयार पटाऊन देओ।

प्रेरितो 12:24

मान्तर माहापुरू चो बचन बाड़ते आउर फयलते गेली।

प्रेरितो 19:20

असन परकार परबु चो बचन सामरत ले फयलते आउर परबल होते गेली।

प्रेरितो 6:7

माहापुरू चो बचन फयलते गेली आउर यरूशलेम ने चेलामन चो गेनती खुबे बड़ते गेली; आउर याजकमन चो गोटक बड़े समाज ऐ दल के मानतो बिता होऊन गेलो।

रोमियो 15:30

हे भाईमन, आमचो परबु ईशु मसीह चो आउर पवितर आत्मा चो मया चो सुरता दियाऊन भाती मय तुमचो ले बिनती करेंसे, कि मोचो काजे माहापुरू ले पारथना करतो ने मोचो संगे मिलुन भाती मतभुल राहा।

1 कुरिन्थियो 16:9

कसनबल्लोने मोचो काजे हुता गोटक बड़े आउर उपयोगी बाट खुला आसे, आउर बिरूदी खुबे असन आसोत।

2 कुरिन्थियो 1:11

तुमी बले मिसुन भाती पारथना चो बाटले आमचो सायता करा से कि जोन बर खुबेमन चो लागुन आमके मिरली, हुनचो लागुन खुबे लोग आमचो बाटले धन्यबाद करोत।

2 कुरिन्थियो 13:11

आउर हे भाईमन, हरिक राआ; सिद्ध बनते जाआ; हिम्मत संगाआ; गोटक ची मन संगाआ; मिलुन राआ। आउर मया आउर शान्ति चो देतो बिता माहापुरू तुमचो संगे रये दे।

कुलुस्सियो 4:3

आउर ऐचो संगे ची संगे आमचो काजे बले पारथना करते राहा कि माहापुरू आमचो काजे बचन सुनातोर असन दुआर उगाढुन देओ, कि आमी मसीह चो हुन भेद चो बरनन करूक सकु जेचो लागुन मय कयद ने आसे,

1 थिस्सलुनीकियो 1:5

कसनबल्लोने आमचो नगतखबर तुमचो लगे ना मात्र शब्द मात्र ची ने मान्तर सामरत आउर पवितर आत्मा ने, आउर बड़े तय चो संगे पहुँचली से; जसन तुमी जानेसास कि आमी तुमचो काजे तुमचो मंजी ने कसन बनुन जाऊ रऊँ।

1 थिस्सलुनीकियो 1:8

कसनबल्लोने तुमचो थानले ना मात्र मकिदुनिया आउर अखाया ने परबु चो बचन सुनाया गेली, मान्तर तुमचो बिश्वास चो जोन माहापुरू उपरे आसे, हर जगा असन चरचा फयलुन गेली से कि आमके बोलतोर जरूरत ची निआय।

1 थिस्सलुनीकियो 2:1

हे भाईमन, तुमी खुद ची जानेसास कि आमचो तुमचो लगे ऐतोर फकाहा नी होली,

1 थिस्सलुनीकियो 2:13

ऐईकाजे आमी बले माहापुरू चो धन्यबाद हरमेशा करूं आंव कि जिदलदाय आमचो लागुन माहापुरू चो नगतखबर चो बचन तुमचो लगे पहुँचली, तेबे तुमी हुनके मानेमन चो नाई मान्तर माहापुरू चो बचन समजुन भाती (आउर सते ऐ असने ची आय) गरहन करलास; आउर हुन तुमी बिश्वासीमन थाने जोन बिश्वास संगाऊ आहास, असर करू आय।

1 थिस्सलुनीकियो 4:1

ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

1 थिस्सलुनीकियो 5:17

हरमेशा पारथना ने लगुन राहा।

1 थिस्सलुनीकियो 5:25

हे भाईमन, आमचो काजे पारथना करा।

2 तीमुथियुस 2:9

जेचो काजे मय कुकरमी चो असन दुख उठाऊँ आय, ऐथा ले कि कयद बले आंसे; मान्तर माहापुरू चो बचन कयद निआय।