2 थिस्सलुनीकियो 2:16 - Halbi

¹⁶ आमचो परबु ईशु मसीह खुद ची, आउर आमचो बुआ माहापुरू, जोन आमचो ले मया संगालो आउर अनुग्रह ले अमर शान्ति आउर अच्छा आशा दिलोसे,

परमेस्वर को सच्चो वचन ख जाननू

¹⁶ हमरो प्रभु यीसु मसी तुम ही, अर हमरो बाप परमेस्वर, जेना हम से इत्तो प्रेम करयो अर हमका हमेसा रहन वाली सान्ति दियो हैं अर जेना हमका अपनी किरपा म भली आसा दियो हैं

2 थिस्सलुनीकियो 2:16 Iomraidhean Croise

लूका 16:25

मान्तर अब्राहाम बल्लो, ‘हे बेटा, सुरता कर कि तुय आपलो जीवना ने अच्छा तीजमन धरून चुकली सीस, आउर असने ची लाजर खराप तीजमन मान्तर अदायं हुन ऐथा शान्ति पाये से, आउर तुय तड़प सीस।

यूहन्ना 13:1

फसह चो परब ले पयले, जिदलदाय ईशु जानलो कि मोचो हुन घड़ी ऐऊन अमरली से कि जगत छांडुन भाती बुआ चो लगे जायें दें, तेबे आपलो लोगमन ले जोन जगत ने रवत जसन मया हुन संगाते रये, आखरी ले असने ची मया संगाते रलो।

यूहन्ना 15:13

ऐचो ले बड़े मया काचीई नुआय कि कोनी आपलो मीतमन चो काजे आपलो जीव देओ।

यूहन्ना 15:9

जसन बुआ मोचो ले मया संगालो, असने ची मय तुमचो ले मया संगाले; मोचो मया ने बनुन राहा।

यूहन्ना 16:22

हुनी परकार तुमके बले ऐबे तो दुक आसे, मान्तर मय तुमचो ले फेर मिलें दें आउर तुमचो मन हरिक ले भरून जाय दे; आउर तुमचो हरिक कोनी तुमचो ले झिकुन नी नेयेदे।

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

यूहन्ना 4:14

मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

प्रेरितो 15:11

हव, आमचो ऐ तय आय कि जोन रीति ले हुनमन परबु ईशु चो अनुग्रह ले मुक्ति पावदे; हुनी रीति ले आमी बले पावां।

प्रेरितो 18:27

जिदलदाय हुन तय करलो कि हुनपाट उतरून भाती अखाया चो बाटे जाओ तेबे भाईमन हुनके हिम्मत देऊन भाती चेलामन के लिकला कि हुनमन हुनके अच्छा ढंग ले मिलोत; आउर हुन हुता पोंचुन भाती हुन लोगमन चो बड़े सायता करलो जोनमन अनुग्रह चो लागुन बिश्वास करू रला।

रोमियो 1:7

हुन सपाय चो नाव जोन रोम ने माहापुरू चो लाड़रा आत आउर पवितर होतो काजे हाग दिया गेला सोत आमचो बुआ माहापुरू आउर परबु ईशु मसीह चो बाटले तुमके अनुग्रह आउर शान्ति मिरते रओ।

रोमियो 4:16

ऐई कारन बायदा बिश्वास थाने टिकली से कि अनुग्रह चो रीति थाने होओ, कि हुन हुनचो सपाय बंशमन चो काजे जमखम होओ, ना कि मात्र हुनचो काजे जोन नियम बिता आय मान्तर हुनचो काजे बले जोन अब्राहाम चो समान बिश्वास बिता आत; हुनी तो आमी सपाय चो बुआ आय,

रोमियो 4:4

कामकरू बितामन चो भुती देतोर दान नुआय, मान्तर हक समजा जाऊ आय।

रोमियो 5:8

मान्तर माहापुरू आमचो उपरे आपलो मया चो भलाई ऐ रीति ले उजागर करू आय कि जिदलदाय आमी पापी ची रलु तेबे मसीह आमचो काजे मरलो।

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

इफिसीयो 5:25

हे मनुकमन, आपलो-आपलो बायले ले मया संगाहा जसन मसीह बले कलीसिया ले मया करून आपन खुद के हुनचो काजे देउन दिलो।

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:5

हुन आशा करलोर बिती तीज चो लागुन जोन तुमचो काजे सरग ने संगालोर आसे, जेचो बरनन तुमी हुन नगतखबर चो सत बचन ले सुनुन चुकलासास,

1 थिस्सलुनीकियो 1:3

आउर आपलो माहापुरू आउर बुआ चो पुरे तुमचो बिश्वास चो काम, आउर मया चो मसागत, आउर आमचो परबु ईशु मसीह ने आशा चो धीरता के सरलगा, सुरता करूं आंव।

1 थिस्सलुनीकियो 3:11

अदायं आमचो माहापुरू आउर बुआ खुद ची आउर आमचो परबु ईशु, तुमचो थाने ऐतोर आमचो अगवाई करो;

2 थिस्सलुनीकियो 2:13

हे भाईमन, आउर परबु चो लाड़रा लोगमन, जरूरी आय कि आमी तुमचो बारे ने सदा परबु चो धन्यबाद करते रऊँ, कसनबल्लोने माहापुरू मुर ले तुमके चुनुन धरलो कि आत्मा चो बाटले पवितर बनुन भाती, आउर सत चो बिश्वास करून मुक्ति पाआ,

तीतुस 1:2

हुन अमर जीवना चो आशा थाने जेचो बायदा माहापुरू, जोन झूठ बोलुक नी सके जुग-जुग ले करलो से,

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

इब्रानियो 7:19

(ऐईकाजे कि नियम कोनी गोठ चो सिद्ध नी करला), आउर हुनचो जगा थाने गोटक असन बड़ीया आशा संगाया गेली से जेचो दुवारा आमी माहापुरू चो लगे जाऊक सकु।

1यूहन्ना 3:16

आमी तो मया ऐचीई ले जानलु कि हुन आमचो काजे आपलो जीव दिलो; आउर आमके बले भाईमन चो काजे परान देतोर आसे।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,

प्रकाशितवाक्य 22:5

फेर रात नी होये दे, आउर हुनमन के दीया आउर बेर चो उजर चो जरूरत नी होये दे, कसनबल्लोने परबु माहापुरू हुनमन के उजर देये दे, आउर हुनमन जुग-जुग राज करे दे।

प्रकाशितवाक्य 3:9

“दक, मय शयतान चो हुन सभा बितामन के तुचो वश ने करून देयेंदे जोन यहूदी बनुन बसलासे, मान्तर आत नाई मान्तर फंद बोलु आत दक, मय असन करेंदे कि हुनमन ऐऊन भाती तुचो पाँयमन थाने घसरदे, आउर ऐ जानदे कि मय तुचो ले मया संगालेसे।”