2 थिस्सलुनीकियो 2:10 - Halbi

¹⁰ आउर नाश होतो बितामन चो काजे अधरम चो सपाय परकार चो धोका चो संगे होयेदे; कसनबल्लोने हुनमन सत ले मया नी करला जेचो ले हुनमन चो मुक्ति होती।

परमेस्वर को सच्चो वचन ख जाननू

¹⁰ अर नास होन वाला इंसान हुन ख हर परकार ख अधर्म का भरम म डाला हैं; काहेकि उनना उ सत्य से प्रेम नी करयो, जो उनका बचान को लाने सक्तिसाली हतो।

2 थिस्सलुनीकियो 2:10 Iomraidhean Croise

मत्ती 13:11

हुन जबाप दिलो, “तुमके सरग राज चो भेदमन चो समज दिया गेली से, मान्तर हुनमन के नाई।

यूहन्ना 3:17

माहापुरू आपलो बेटा के जगत ने ऐईकाजे नी पठालो कि जगत ने डण्ड चो हुकुम देओ, मान्तर ऐईकाजे कि जगत हुनचो बाटले मुक्ति पाओ।

यूहन्ना 5:34

मान्तर मय आपलो बारे ने मानेमन चो गोहई नी चाहायें; तेबले बले मय ऐ गोठमन ऐईकाजे बलें सें कि तुमके मुक्ति मिरो।

रोमियो 10:1

ऐ भाईमन, मोचो मन चो इच्छा आउर हुनमन काजे माहापुरू ले मोचो पारथना आय कि हुनमन मुक्ति पाओत।

रोमियो 16:18

कसनबल्लोने असन लोग आमचो परबु मसीह चो नुआत, मान्तर आपलो पेट चो सेवा करू आत; आउर खुदचारी गोठमन ले सीदा-सादा मन चो लोगमन के फुसयान देऊ आत।

रोमियो 6:17

मान्तर माहापुरू चो धन्यबाद होओ कि तुमी जोन पाप चो दास रलास अदायं मन ले हुन उपदेश चो मानतो बिता होऊन गेलास, जेचो छछा ने डालाय जाऊ रलास,

1 कुरिन्थियो 1:18

कसनबल्लोने कुरूस चो कथा नाश होतो बितामन काजे मुरूकता आय, मान्तर आमी मुक्ति पावतो बितामन काजे माहापुरू चो सामरत आय।

1 कुरिन्थियो 16:22

अगर कोनी परबु ले मया नी संगा ओ तेबे हुन शरापित होओ। हे आमचो परबु, आव!

2 कुरिन्थियो 11:13

कसनबल्लोने असन लोग फंदी पठालोबिता, आउर छंद ले काम करतो बितामन, आउर मसीह चो पठालोबितामन चो भेष धरतो बितामन आत।

2 कुरिन्थियो 11:15

ऐ काई अगर हुनचो सेवक बले धरम चो सेवकमन चो असन भेष धरो, तो काई बड़े गोठ नुआय, मान्तर हुनमन चो आखरी हुनमन चो काममन चो अनुसार होये दे।

2 कुरिन्थियो 2:15

कसनबल्लोने आमी माहापुरू चो लगे मुक्ति पावतो बितामन आउर नाश होतो बितामन दुनो चो काजे मसीह चो बास आंव।

2 कुरिन्थियो 2:17

कसनबल्लोने आमी हुन खुबेमन चो असन नाई जोन माहापुरू चो बचन ने मिलावट करू आत; मान्तर मन चो सत ले आउर माहापुरू चो बाटले माहापुरू के हाजिर जानुन भाती मसीह ने बोलु आंव।

इफिसीयो 4:14

तेबे आमी पहिल ले लेका नी रऊँ जोन मानेमन चो ठग-बिदया आउर चलाक ले, हुनमन चो भरम चो फान्दामन चो आउर उपदेश चो हरकोनी लेहरा ले उदलाया आउर ऐ बाटे-हुन बाटे किन्दराया जाऊ आहास।

1 थिस्सलुनीकियो 2:16

आउर हुनमन दुसर जातिमन ले हुनमन चो मुक्ति चो काजे गोठमन करतो ले आमके ठेबाऊ आत कि सदा आपलो पापमन चो नाप भरते रवत; मान्तर हुनमन उपरे माहापुरू चो भयंकर घोर रिस ऐऊन पहुँचली से।

2 थिस्सलुनीकियो 2:12

तेबे जितरो लोग सत चो बिश्वास नी करोत, मान्तर अधरम ले हरिक होऊ आत, हुनमन सपाय डण्ड पाओत।

2 थिस्सलुनीकियो 2:13

हे भाईमन, आउर परबु चो लाड़रा लोगमन, जरूरी आय कि आमी तुमचो बारे ने सदा परबु चो धन्यबाद करते रऊँ, कसनबल्लोने माहापुरू मुर ले तुमके चुनुन धरलो कि आत्मा चो बाटले पवितर बनुन भाती, आउर सत चो बिश्वास करून मुक्ति पाआ,

1तीमुथियुस 2:4

जोन ऐ चाहाऊं आय कि सपाय मानेमन चो मुक्ति होओ, आउर हुनमन सत के नुकु-नुकु चिता ओत।

इब्रानियो 3:13

मान्तर जोन दिन ले आजी चो दिन बल्ला जाऊ आय, हरदिन गोटक दुसर के समजाते राहा, असन नी होओ कि तुमनमन ले कोनी जन पाप चो छंद ने ऐऊन भाती कठोर होऊन जाओत।

2 पतरस 2:12

मान्तर ऐ लोग निरबुद्धि पशुमन ची असन आत, जोन धराय होतोर आउर नाश होतो काजे उपजास होला से; आउर जोन गोठमन के जानोत ची नाई हुनचो बारे ने दुसर के अच्छा खराप बोलु आत, हुनमन आपलो कुआलो बिती ने खुदे ची कुऊन जादे।

2 पतरस 2:18

हुनमन फकाहा घमण्ड चो गोठमन करून-करून भाती ढीलाढाला चो काममन चो दुवारा, हुन लोगमन के देंह चो मनमानीमन ने फसाऊन धरू आत जोन भुलकलो लोगमन थानले ऐबे ची निकरे सोत।