2 थिस्सलुनीकियो 1:9 - Halbi

⁹ हुनमन परबु चो पुरे ले आउर हुनचो शक्ति चो तेज ले लापी होऊन भाती अमर बिनाश चो डण्ड पावदे।

परमेस्वर को सच्चो वचन ख जाननू

⁹ वी प्रभु को जोने से, अर ओकी सक्ति को तेज से दुर हो का अनन्त विनास को दण्ड पाएँगो।

2 थिस्सलुनीकियो 1:9 Iomraidhean Croise

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मत्ती 22:13

तेबे राजा सेवकमन ले बल्लो, ‘ऐचो हाथ पाँय बान्दुन भाती हुनके बाहरे अंधार ने पकाऊन दिआस, हुता गागतोर आउर दात कड़रतोर होये दे।’

मत्ती 24:30

तेबे माने चो बेटा चो चिना बादरी ने दका देये दे, आउर तेबे धरतनी चो सपाय कुलमन चो लोग छाती पेटदे; आउर माने चो बेटा के बड़े सामरत आउर सुन्दर चो संगे बादरी चो कुमरामन उपरे ऐतोर दक दे।

मत्ती 25:41

“तेबे हुन डेबरी बाट चो बितामन ले बलेदे, ‘हे सराप पड़लो लोगमन, मोचो पुरे ले हुन नी सरतो आईग ने जाते जाआ, जोन शयतान आउर हुनचो दूतमन चो काजे तिआर करा गेली से।

मत्ती 25:46

आउर ऐ हरमेशा चो डण्ड भोगदे मान्तर धरमी अमर जीवना ने ओलदे।”

मत्ती 26:24

माने चो बेटा तो जसन हुनचो बारे ने लिकलोर आसे, जाऊ ची आय; मान्तर हुन माने चो काजे दुख आय जेचो दुवारा माने चो बेटा धराया जाये से: अगर हुन माने चो जनम नी होती, तेबे हुनचो काजे अच्छा होती।”

मत्ती 7:23

तेबे मय हुनमन ले खुलम खुला बोलुन देयेंदे, ‘मय तुमके केबीई नी जानले। हे कुकरम करतो बितामन, मोचो लगले जाहा।’”

लूका 13:27

मान्तर हुन बले दे, ‘मय तुमचो ले बलें सें, मय नी जाने तुमी काहां ले आहास। हे कुकरम करतो बितामन, तुमी सपाय मोचो ले लापी राआ।’

यूहन्ना 5:14

ऐ गोठमन चो पाचे हुन ईशु के मंदिर ने मिललो। ईशु हुनचो ले बल्लो, “दक, तुय चेंगा होली सीस; फेर ले पाप नी कर, असन नी होओ कि ऐचो ले कोनी बड़े बिपत्ति तुचो उपरे ऐऊन पड़ो।”

फिलिप्पियो 3:19

हुनमन चो आखरी बिनाश आय, हुनमन चो ईश्पर पेट आय, हुनमन आपलो लाज चो गोठमन थाने घमण्ड करू आत आउर धरतनी चो तीजमन थाने मन लगाऊ रऊ आत।

1 थिस्सलुनीकियो 5:3

जिदलदाय लोग बोलते रदे, “अच्छा आय, आउर काई डर निआय,” तेबे हुनमन उपरे हटात्रे बिनाश ऐऊन पड़े दे, जसन परकार देंहबारी चो उपरे दुका; आउर हुनमन कोनी रीति ले नी बाचदे।

2 थिस्सलुनीकियो 2:8

तेबे हुन अधरमी परकट होयेदे, जोन के परबु ईशु आपलो टोंड चो फुक ले मारून पकाये दे, आउर आपलो ऐतो दाय चो तेज ले भसम करेदे।

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

इब्रानियो 10:29

तेबे बिचारा कि हुन कितलो आउर बले भारी डण्ड चो लायक ठेबे दे, जोन माहापुरू चो बेटा के पाँयमन ले लगड़ लो आउर बायदा चो लऊ के, जेचो दुवारा हुन पवितर ठेबाया जाऊ रये, अपवितर जानला सोत, आउर अनुग्रह चो आत्मा चो बेईजित करला।

2 पतरस 2:17

ऐ लोग सुकलो चुंआ, आउर लेहरा चो उड़ालो बिती बादरी आत; हुनमन काजे अमर अंधार ठेबाया गेली से।

2 पतरस 3:7

मान्तर ऐबे जुग ने बादरी आउर धरतनी हुनी बचन चो दुवारा ऐईकाजे संगाया गेली से कि जराया जाओ; आउर ऐ भगतहीन मानेमन चो नियाय आउर नष्ट होतोर दिन ले असने ची संगाऊन रदे।

यहूदा 1:13

ऐ समुन्द चो प्रचंड हरला आत, जोन आपलो लाज चो फेनी उठाऊ आत; ऐ हलतो तारामन आत, जोनमन काजे जुग-जुग ले घोर अन्धार संगाया गेलीसे।

प्रकाशितवाक्य 20:11

फेर मय गोटक बड़े पंडरी सिंघासन आउर हुनके, जोन हुन थाने बसलो से, दकले; हुनचो पुरे ले धरतनी आउर बादरी पराला, आउर हुनमन चो काजे जगा नी मिरली।

प्रकाशितवाक्य 20:14

मरना आउर अधलोक आईग चो झील ने डाला गेला। ऐ आईग चो झील दुसर मरना आय;

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”

प्रकाशितवाक्य 22:15

मान्तर कुकूरमन, आउर पंगनाहामन, आउर बेबीचारी, आउर हत्यारा आउर मुरती पुजा करू, आउर हरकोनी फंद के चाहतो बिता आउर गड़तो बिता बाहरे रये दे।