2 थिस्सलुनीकियो 1:7 - Halbi

⁷ आउर तुमी, जोन झंझट होऊ आहास, आमचो संगे आराम देओ; हुन समया जिदलदाय कि परबु ईशु आपलो सामरती दूतमन चो संगे, ढ़क-ढ़क तो आईग ने सरग ले परकट होये दे,

परमेस्वर को सच्चो वचन ख जाननू

⁷ अर तुम जो, दुख झेलते रहवा हैं, हमरो संग चैन दे; वा बखत जब कि प्रभु यीसु अपना सक्तिसाली दूत हुन को संग, धधकन वाली आग म स्वर्ग से परघट होयगो,

2 थिस्सलुनीकियो 1:7 Iomraidhean Croise

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मत्ती 16:28

मय तुमचो ले सते बलेंसें कि जोन ऐथा उबा आसोत, हुनमन थानले खिन्डिक असन आसोत कि हुनमन जिदलदाय ले माने चो बेटा के हुनचो राज ने ऐतोर नी दकेदे, हुलदाय ले मरना चो सुआद केबीई नी चाक दे।”

मत्ती 25:31

“जिदलदाय माने चो बेटा आपलो महिमा ने ऐये दे आउर सपाय सरगदूत हुनचो संगे ऐ दे, तेबे हुन आपलो महिमा चो सिंघासन थाने बिराजमान होये दे।

मत्ती 25:41

“तेबे हुन डेबरी बाट चो बितामन ले बलेदे, ‘हे सराप पड़लो लोगमन, मोचो पुरे ले हुन नी सरतो आईग ने जाते जाआ, जोन शयतान आउर हुनचो दूतमन चो काजे तिआर करा गेली से।

मत्ती 26:64

ईशु हुनचो ले बल्लो, “तुय खुद बललीस; मान्तर मय तुमचो ले ऐ बले बलें सें कि अदायं ले तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन उपरे ऐतोर दका से।”

मरकुस 14:62

ईशु बल्लो, “मय आंय: आउर तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन चो संगे ऐतोर दका से।”

मरकुस 8:38

जोन कोनी ऐ बेबीचारी आउर पापी जाति चो मंजी मोचो ले आउर मोचो गोठमन ले लाज होये दे, माने चो बेटा बले जिदलदाय हुन पवितर सरग दूतमन चो संगे आपलो बुआ चो महिमा संगे ऐये दे, तेबे हुनचो ले बले लाज होये दे।”

लूका 16:25

मान्तर अब्राहाम बल्लो, ‘हे बेटा, सुरता कर कि तुय आपलो जीवना ने अच्छा तीजमन धरून चुकली सीस, आउर असने ची लाजर खराप तीजमन मान्तर अदायं हुन ऐथा शान्ति पाये से, आउर तुय तड़प सीस।

लूका 17:30

माने चो बेटा चो उजागर होतो दिन ने बले असने ची होये दे।

यूहन्ना 1:3

सपाय काई हुनचेई बाटले उपजास होली, आउर जोन काई उपजास होली से हुन थानले कोनी बले तीज हुनचो बिना उपजास नी होली।

यूहन्ना 1:51

फेर हुनचो ले बल्लो, “मय तुमनमन ले सत-सत बलें सें कि तुमी सरग के उगाढ़ी होलोर, आउर माहापुरू चो सरग दूतमन के माने चो बेटा चो उपरे उतरते आउर उपरे जातोर दका से।”

प्रेरितो 1:11

आउर हुनमन ले बल्ला, “हे गलीली मानेमन, तुमी केंव उबा बादरी चो बाटे दकेसास? ऐई ईशु, जोन तुमचो लगले सरग उपरे उठाया गेलो से, जोन रीति ले तुमी हुनके सरग चो बाटे जातोर दकलासास, हुनी रीति ले हुन फेर ऐये दे।”

प्रेरितो 3:19

ऐईकाजे, मन फिरावा आउर बाहाडून ईआ कि तुमचो पाप मेटुन जाओ, जेचो ले परबु चो पुरे ले विश्रांति चो दिन ऐओ,

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

1 कुरिन्थियो 3:13

तेबे हरकोनी चो काम परकट होऊन जाय दे; कसनबल्लोने हुन दिन हुनके सांगे दे, ऐईकाजे कि आईग चो संगे परकट होये दे आउर हुन आईग हरकोनी चो काम जाचे दे कि कसन आय।

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;

इफिसीयो 1:2

आमचो बुआ माहापुरू आउर परबु ईशु मसीह चो बाटले तुमके अनुग्रह आउर शान्ति मिरते रओ।

कुलुस्सियो 1:16

कसनबल्लोने हुनचेई ने पुईतराय तीजमन चो रचना होली, सरग चो होओ नाहले धरतनी चो, दकलोर नाहले नी दकलोर, काय सिंघासन, काय परभुता मन, काय परधानमन, काय अधिकार, पुईतराय तीजमन हुनचेई बाटले आउर हुनचेई काजे बनाय गेली से।

1 थिस्सलुनीकियो 3:13

बल्ले हुन तुमचो मन-मन के असन थीर करो कि जिदलदाय आमचो परबु ईशु आपलो सपाय पवितर लोगमन चो संगे ऐओ, तेबे हुनमन आमचो माहापुरू आउर बुआ चो पुरे पवितरता ने बेकसूर ठेबोत।

2 तीमुथियुस 2:12

अगर आमी धीरज ले सहते रवां तो हुनचो संगे राज बले करवां; अगर आमी हुनचो इन्कार करवां, तो हुन बले आमचो इन्कार करेदे;

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

इब्रानियो 10:27

हव, डण्ड चो गोटक भयंकर बाट टाकतोर आउर आईग चो जलन बाकी आसे जोन बिरूदीमन के भसम करून देये दे।

इब्रानियो 12:29

कसनबल्लोने आमचो माहापुरू भसम करतो बिती आईग आय।

इब्रानियो 4:1

ऐईकाजे जिदलदाय कि हुनचो विश्राम ने ओलतोर बायदा ऐबले आसे, तो आमके डरतोर जरूरी आय असन नी होओ कि तुमनमन ले कोनी जन लापी रऊन जाओत।

इब्रानियो 4:11

आउर आमी हुन विश्राम ने ओलतोर कोशिश करूं, असन नी होओ कि कोनी झन हुनमन चो असन हुकुम नी मानुन भाती घसरुन पड़ोत।

इब्रानियो 4:9

आउर जाना कि माहापुरू चो लोगमन चो काजे सब्त चो विश्राम बाकी आसे;

इब्रानियो 9:28

असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे।

1 पतरस 3:22

हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।

2 पतरस 3:7

मान्तर ऐबे जुग ने बादरी आउर धरतनी हुनी बचन चो दुवारा ऐईकाजे संगाया गेली से कि जराया जाओ; आउर ऐ भगतहीन मानेमन चो नियाय आउर नष्ट होतोर दिन ले असने ची संगाऊन रदे।

यहूदा 1:7

जोन रीति ले सदोम आउर अमोरा आउर हुनचो लगे-लगे चो नंगर, जोन ऐ मन चो असन बेबीचारी होऊन जाऊ रओत आउर पराया देंह चो पाटे लगुन जाऊ रओत, आईग चो अमर डण्ड ने पडुन भाती कहनी ठेबला से।

प्रकाशितवाक्य 1:7

दका, हुन बादरी चो संगे ऐतो बिता आय, आउर हरकोनी आँईक हुनके दकेदे, मान्तर जोनमन हुनके भेदु रवत हुनमन बले हुनके दकदे, आउर धरतनी चो पुईतराय कुल हुनचो कारन छाती पेटदे। हव। आमीन।

प्रकाशितवाक्य 14:10

हुन माहापुरू चो परकोप चो निरवा मन्द, जोन हुनचो रीस चो बोटका ने रकाय गेली से, पिये दे आउर पवितर सरग दूतमन चो पुरे आउर मेमना चो पुरे आईग आउर गन्धक चो दुखा ने पड़े दे।

प्रकाशितवाक्य 14:13

फेर मय सरग ले ऐ शब्द सुनले, “लिक: जोन मरू परबु ने मरू आत, हुनमन आजी ले धन्य आत।” आत्मा बले से, “हव, कसनबल्लोने हुनमन आपलो सपाय मसागत ले अराम पावदे, आउर हुनमन चो काम हुनमन चो संगे होऊ आत।”

प्रकाशितवाक्य 20:11

फेर मय गोटक बड़े पंडरी सिंघासन आउर हुनके, जोन हुन थाने बसलो से, दकले; हुनचो पुरे ले धरतनी आउर बादरी पराला, आउर हुनमन चो काजे जगा नी मिरली।

प्रकाशितवाक्य 21:4

“हुन हुनमन चो आँईकमन ले सपाय आँसु पुछुन देये दे; आउर ऐचो पाचे मरना नी रये दे, आउर ना शोक, ना बिलाप, ना दुखा रये दे; पयले चो गोठमन जाते रली।”

प्रकाशितवाक्य 22:16

“मय ईशु आपलो सरगदूत के ऐईकाजे पठाले कि तुमचो पुरे कलीसियामन चो बारे ने ऐ गोठमन चो गोहई देओ। मय दाऊद चो मूल आउर बंश, आउर बिहान चो बरतो बिती तारा आय।”

प्रकाशितवाक्य 22:6

फेर हुन मोचो ले बल्लो, “ऐ गोठमन बिश्वास चो लायक आउर सत आय। परबु, जोन अगम गिआनीमन चो आत्मामन चो माहापुरू आय, आपलो सरगदूत के ऐईकाजे पठालो कि आपलो दासमन के हुन गोठमन, जेचो झटके पुरा होतोर जरूर आय, दकाओ।”

प्रकाशितवाक्य 22:9

मान्तर हुन मोचो ले बल्लो, “दक, असन नी कर; कसनबल्लोने मय तुचो, आउर तुचो भाई अगम गिआनीमन, आउर ऐ किताब चो गोठमन के मानतो बितामन चो संगवारी दास आय। माहापुरू के ची पाँय पढ़।”

प्रकाशितवाक्य 6:11

हुनमन थानले हरकोनी के पंडरा फटीई दिया गेली, आउर हुनमन के बोला गेली कि आउर डण्डिक आराम करा, जिदलदाय ले कि तुमचो संगवारी दास आउर भाई जोन तुमचो असन पुजाय होतो बिता आत हुनमन चो बले गेनती पुरा नी होओ।