2 थिस्सलुनीकियो 1:4 - Halbi

⁴ ऐथा ले कि आमी खुद माहापुरू चो कलीसिया ने तुमचो बारे ने घमण्ड करूं आंव कि जितरो झंझट आउर कष्ट तुमी सहु आहास, हुन सपाय ने तुमचो धीरज आउर बिश्वास परकट होऊ आय।

परमेस्वर को सच्चो वचन ख जाननू

⁴ असो तक कि हम खुद परमेस्वर कि कलेसिया म तुम इंसान हुन को बारे म घमंड करा हैं, कि जित्तो दुख अर सताव तुम झेला हैं, उन सब म तुमरो धीरज अर विस्वास परघट होवा हैं।

2 थिस्सलुनीकियो 1:4 Iomraidhean Croise

रोमियो 12:12

आशा ने हरिक राआ; कलेश ने थीर राआ; पारथना ने हरमेशा लगु राआ।

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

रोमियो 8:25

मान्तर जोन तीज के आमी नी दकु, अगर हुनचो आशा करूं आंव, तेबे धीरज ले हुनचो बाट टाकु बले आंव।

1 कुरिन्थियो 7:17

जसन परबु हरकोनी के बाटलो से, आउर जसन माहापुरू हरकोनी के हाग दिलो से, असने ची हुन चलो। मय सपाय कलीसियामन ने असने ची ठेबायें से।

2 कुरिन्थियो 12:10

ऐई कारन मय मसीह चो काजे कमजोरीमन ने, आउर निन्दामन ने, आउर दरिदरता ने, आउर उपद्रव ने, आउर संकटमन ने हरिक आंसे; कसनबल्लोने जिदलदाय मय कमजोर होऊँ आंय तेबे बलवन्त होऊ आंय।

2 कुरिन्थियो 7:14

कसनबल्लोने अगर मय हुनचो पुरे तुमचो बारे ने काई घमण्ड दकाले, तेबे लाज नी होले, मान्तर जसन आमी तुमचो ले सपाय गोठमन सत-सत बोलुन देऊ रलु, असने ची आमचो घमण्ड दकातोर तीतुस चो पुरे बले सत निकरली।

2 कुरिन्थियो 7:4

मय तुमके खुबे हिम्मत चो संगे बलेंसें, मोके तुमचो उपरे बड़े घमण्ड आसे; मय शान्ति ले भरून गेले से। आपलो पूईतराय कलेश ने मय हरिक ले खुबे भरपूर रऊं आय।

2 कुरिन्थियो 9:2

कसनबल्लोने मय तुमचो मन चो तिआर के जाने, जेचो लागुन मय तुमचो बारे ने मकिदुनिया रतो बितामन चो पुरे घमण्ड दकाऊ आंय कि अखाया चो लोग गोटक बरक ले तिआर होला सोत, आउर तुमचो हरिक आउर खुबेमन के बले उठाला से।

2 कुरिन्थियो 9:4

असन नी होओ कि अगर कोनी मकिदुनियावासी मचो संगे ऐ दे आउर तुमके तिआर नी पाओत, तेबे होऊक सके कि ऐ भरसा चो लागुन आमी (ऐ नी बोलु कि तुमी) लाजे पड़ा।

1 थिस्सलुनीकियो 1:3

आउर आपलो माहापुरू आउर बुआ चो पुरे तुमचो बिश्वास चो काम, आउर मया चो मसागत, आउर आमचो परबु ईशु मसीह ने आशा चो धीरता के सरलगा, सुरता करूं आंव।

1 थिस्सलुनीकियो 2:14

ऐईकाजे तुमी, हे भाईमन, माहापुरू चो हुन कलीसियामन चो असन चाल चलुक मुरयालास जोन यहूदीया ने मसीह ईशु ने आसे, कसनबल्लोने तुमी बले आपलो लोगमन ले असने ची दुख पावलास जसन हुनमन यहूदिमन ले पाऊ रवत,

1 थिस्सलुनीकियो 2:19

अच्छा आमचो आशा नाहले हरिक नाहले बड़ाई चो मुकुट काय आय? काय आमचो परबु ईशु चो पुरे हुनचो ऐतोर समया तुमी ची नी हुआस?

2 थिस्सलुनीकियो 3:5

माहापुरू चो मया आउर मसीह चो धीरज चो बाटे परबु तुमचो मन चो अगुवाई करो।

इब्रानियो 10:36

कसनबल्लोने तुमके धीरज धरतोर जरूरी आय, बल्ले माहापुरू चो इच्छा के पुरा करून तुमी बायदा चो फल पाआ।

इब्रानियो 6:12

बल्ले तुमी ठग नी होऊन जाहा, मान्तर हुनमन चो अनुकरन करा जोन बिश्वास आउर धीरज चो दुवारा बायदामन चो हकदार होऊ आत।

इब्रानियो 6:15

आउर ऐई रीति ले हुन धीरजा धरून भाती बायदा करलो बिती गोठ परापत करलो।

याकूब 5:11

दका, आमी धीरज धरतो बितामन के धन्य बोलु आंव। तुमी तो अय्युब चो धीरज चो बारे ने तो सुनलासास ची, आउर परबु चो बाटले जोन हुनचो करलो फल होली हुनके बले जानला से, जेचो ले परबु चो खुबे करूना आउर दया परकट होऊ आय।

2 पतरस 1:6

आउर समज थाने सहन, आउर सहन थाने धीरजा, आउर धीरजा थाने भक्ति,

प्रकाशितवाक्य 14:12

पवितर लोगमन चो धीरज ऐई थाने आसे, जोन माहापुरू चो हुकुममन के मानु आत आउर ईशु उपरे बिश्वास संगाऊ आत।